Obxectivos

Obxetivos en relación á dinamización:

• Dinamizar a radio escolar.

• Proporcionar oportunidades para o desenvolvemento de competencias clave a través de tarefas.

Actividades

A posta en marcha da emisora de radio do centro ten como obxectivo principal proporcionar oportunidades para o desenvolvemento de competencias clave a través de tarefas nas que se traballen contidos curriculares mediante metodoloxías activas. Esta foi a finalidade coa que xorde Radio na biblio no instituto. É un xeito de ofrecer un recurso máis ao alumnado e ao profesorado para traballar as alfabetización múltiples.

Por iso pensouse en diseñar unha programación de Onda Valadares con diferentes tipos de programas nos que encaixar cada unha das propostas.

• Sempre cerca sería un espazo para recoller as noticias de actualidade do centro. A primeira emisión foi en directo o día da inauguración da biblioteca o día 5 de febreiro. Este programa está explicado e detallado nun espazo web dentro do blog da biblioteca.

• A actividade presencial paralizouse no mes de marzo. Durante o confinamento mantívose viva con diferetes propostas: 

  • Conectamos Valadares nace como proposta do alumando para compartir sentimentos e emoción que lle foron xurdindo durante o tempo de confinamento.

• • Poesía Compartida recolle poemas recitados por alumnado, por profesorado e alumnado egresado. Comezou en datas próximas ao Día do Libro e continuou ata despois do Día das Letras.

  • Os faladoiros son reuniones virtuais para conversar sobre temas da nosa actualidade. Os/as participantes falan da vida diaria do instituto virtualmente e analizan e valoran este curso diferente.