A Voz dos Libros

A biblioteca soa: nacen os nosos libros en audiolibro (con QR!)

Na nosa biblioteca hai historias que enganchan, fan rir, dan medo, emocionan… e agora tamén se poden escoitar. En Onda Valadares poñemos en marcha un programa novo para converter pouco a pouco algúns libros da biblioteca en audiolibros feitos por nós.

A idea é sinxela e moi útil: axudar a que máis alumnado poida achegarse á lectura, especialmente quen ten dificultades para ler en papel, se cansa rápido, ou lle custa manter a atención.

Que imos facer?

Os axudantes da biblioteca irán gravando lecturas de libros (paso a paso, con calma). Esas gravacións gardaranse e despois crearemos un código QR para cada libro. Ese QR irá nunha pegatina dentro do exemplar, para que quen o colla poida:

✅ abrir a cámara do móbil/tablet
✅ escanear o QR
✅ escoitar o libro en audio

Así, ese mesmo libro queda dispoñible en dous formatos: papel + audio.

Para que serve?

Porque non todo o mundo le igual nin ao mesmo ritmo, e iso está ben. Este proxecto busca:

• Facilitar o acceso á lectura ao alumnado con dificultades.

• Axudar a quen prefire escoitar mentres segue o texto (vai xenial para comprender mellor).

• Permitir que a lectura chegue a máis xente, sen presión e sen présas.

• Darlle vida á biblioteca: libros que tamén se escoitan.

Quen participa?

• Axudantes da biblioteca, que serán as voces protagonistas.

• Onda Valadares, coordinando e dándolle forma ao proxecto.

• E toda a comunidade educativa, porque isto é para usar, compartir e mellorar entre todos.

Como saber que un libro ten audio?

Moi doado: cando vexas a pegatina co QR, ese libro xa ten versión en audio. Só tes que escanear e listo.

Mitos griegos

🔥 Arrincamos con “Prometeo, o ladrón do lume”, o primeiro capítulo de Mitos gregos de María Angelidou.