نشيد قوم يا مصري - مقام عجم

كلمات بديع خيري - ألحان سيد درويش

قوم يا مصري    مصر دايما بتناديك

خد بناصري نصرى دين واجب عليك

يوم ما سعدي   راح هدر قدام عينيك

عد لي مجدي     اللي ضيعته بإيديك

شوف جدودك    في قبورهم   ليل نهار

من جمودك       كل عضمة    بتستجار

صون آثارك   ياللي دنست الآثار

دول فاتولك   مجد وانت فت عار

شفت أي بلاد يا مصري في الجمال

تيجي زي بلادك اللي ترابها مال

نيلها جىّ السعد منه حلال زلال

كل حىّ يفوز برزقه عيشته عال

يوم مبارك تم لك فيه السعود

حب جارك قبل ما تحب الوجود

إيه نصارى ومسلمين قال إيه ويهود

دي العبارة نسل واحد م الجدود

ليه يا مصري     كل أحوالك عجب

تشكي فقرك وانت ماشي فوق دهب

مصر جنة طول ما فيها انت يا نيل

عمر إبنك لم يعش أبدا ذليل

يوم مبارك تم لك فيه السعود

حب جارك قبل ما تحب الوجود

ايه نصارى ومسلمين قال ايه ويهود

دي العبارة نسل واحد م الجدود