يا عشّاق النّبي 

كلمات أمين صدقي - ألحان سيد درويش

يا عشّاق النّبي صلّوا على جماله    دي عروسة البيه تعالوا بنا نسندها له
آدي نور جمالها أهوّه هل هلاله                 يا هنيّا للّي ينولها يا هنيّا له

يا قمر منوّر    سبحان من صوّر

جولييت وسفيرة عزيزة مين ده الإسـم مزوّر

مين شاف كده بني آدمين   راح تطلعي وحشة لمين
الأمّ لون الياسمين             والأب عريض وسمين

يا سلام يا حتّة سكّرة    يا ترياق اللّي معطرة

يا عريسها يا زين ما التقيت

يا عشاق النبي صلوا على جماله

عريسك من يومه شيك ملو هدومه

اتهنّي به وافرحي به وكيدي اللّي يلوموا
فنجرته دي كلّها إيه    بحبوح اسم اللّه عليه

يبدر بالألف جنيه     تقوليش ملاليم في إديه

إن شا اللّه تملّي سبهللي على حسّك انتي يا فلّلي

يا جنان يا ناس على ده تواليت

يا عشاق النبي صلوا على جماله