أهو دا اللي صار - ألحان سيد درويش

أهو دا اللي صار وآدي اللي كان
مالكش حق تلوم عليّ
تلوم عليّ ازاي يا سيدنا      وخير بلادنا ماهوش في إيدنا
قوللي عن أشياء تفيدنا               وبعدها ابقى لوم عليّ
أهو دا اللي صار
بدال ما يشمت فينا حاسد        إيدك في إيدي وقوم نجاهد
واحنا نبقى الكل واحد                    والأيادي تكون قوية 

أهو دا اللي صار

مصر يا أم العجايب             شعبك أصيل والخصم عايب
خللي بالك م الحبايب                    دول أنصار القضية
أهو دا اللي صار