لحن الصنايعية - الحلوة دي 

لحن سيد درويش - كلمات بديع خيرى

الحلوة دي قامت تعجـــن فى البدريـــــــة

والديك بيـدن كوكو كوكو    فى الفجـرية

يالله بنـــا على بــــاب الله يا صـــنايعية

يجعل صباحك صباح الخير ياسطى عطية

طلــــع النهــــار فتــــاح يا عليــــم             والجيــــب مافيهشــي ولا مليــــــم

مين في اليومين دول شاف تلطيم          زي الصـــــــنايعية المظاليـــــــــم

الصبر أمره طـــــــال                                 وايش بعد وقف الحال

ياللي معاك المـــــــال                           برضه الفقيــر له رب كريم

أولاد أوربــــا ما بيناموش        عن الصـــــــنايع ما يونوش

لافرنجى دايما حلق حوش                    والمصرى جنبه بيطلع بوش

ســبع صـنايع فى إيدينـــــا               والهـــــم جايـــــــر عليــــــنا

يامـــا شــــكينا وبكــــــــينا                   يا أغنيــــا ليه ما تساعدوش

ما تشد حيلك يا بو صلاح                  إضربها صرمة تعيش مرتاح

خلى تكـــــالك ع الفتــــاح                  يالله بنا يالله الوقــت اهو راح

الشمس طلعــت                              والمــــــلك لله

ما تشيل قدومك                              والعـــدة ويالله

اجري لرزقك                                 خليها على الله