بصارة براجة (العرافة) - ألحان سيد درويش

بصارة براجة بصارة تشوف البخت

يامين ياصبايا ينده لي       واشوف له بخته ع البهلي

عنده قضية شرعي وأهلي أو مختلطة وكله في البخت

بصارة براجة بصارة نشوف البخت

لو يصدق فالك ياصبية       تبقي انتي الحلوة العربية

الظاهر إنك شرقية   أعداكي كتير ولا لكيش بخت

بصارة براجة بصارة نشوف البخت

كان إيه دا كله اللي جرالك          الله يجازيهم عذالك

استعبدوا أهلك ورجالك  ودي قسمة يابنتي وقلة بخت

بصارة براجة بصارة نشوف البخت