قلبي معاك 1943 

كلمات وألحان وغناء محمد عفيفي

قلبي معاك مطرح ما تروح مش ح انساك يا حبيب الروح

قلبي معاك يا حبيب الروح

لما سافرت ما قلتش ليه فين قلبك ما صعبش عليه

طمني كان بعدك ليه    يا هاجرني وارحم مجروح

قلبي معاك يا حبيب الروح

مهما ح تبعد مش ح انساك ولا ح انسى حبك وهواك

أنا خايف لا تزيد في اساك  واللي بنيته ف لحظة يروح

قلبي معاك

ح استناك على طول الايام طمني وهني الأحلام

ابعت لي دا انا كلي غرام واما تجيني ترد الروح 

قلبي معاك يا حبيب الروح