لحن الموظفين - هز الهلال يا سيد 

كلمات بديع خيري - ألحان سيد درويش

هز الهلال ياسيّد       كراماتك لاجل نعيّد

يكفى اللي حصل  كام يوم ووصل  بقى زرع بصل

هديت واهو راق الحال     ورجعنا للأشغال

دا الموظف منا مش وش خناق ولا شومة

لما يحمر عينه ولا يقوّم له قومة

حد الله مابيني وبينك غير حب الوطن ياحكومة

هز الهلال

عشرين يوم راحوا علينا    انشالله ياخدوا عنينا

بس المقصود  يبقى لنا وجود  والدنيا تعود

ياما شفنا من الستات   طلعوا وعملوا مظاهرات

والكناسين رخرين راسهم وألف مقشة

لا يكنسوا كنسة ولا يرشوا رشة

والصنايعية راحم جايبين درف أحسنها ورشة

هز الهلال

الغلب اللي شاربينه      ياريت العالم شايفينه

دي ماهية إيه  دول خمسة جنيه  ياخواتي برّيه

من خمسة منه تروح     وبقيته أقول أبوح

وبسلامتها الست بتاعتي ماتتوصاشي

ولا بتجبليش في البطن الا بالجوز ع الماشي

وييجي الجزار والخضري والبقال ينعلوا أبو خاشي

هز الهلال