القلل القناوي 

لحن سيد درويش - كلمات بديع خيرى

مليــــحة قوي                          القلل القنـــاوي

رخيـصة قوي                          القلل القنـــاوي

قرب حدانا وخد قلتين

خســارة قرشك                       وحيـــــاة ولادك

ع اللي ماهواش                      من طيــن بـلادك

ده ابن بلــــــدك                       ما يبلفـــــــكشي

ما تعـــــدموشي                       ولا يعدمكـــشي

دمك من دمه ما يفرقكوا شيء

الدنيـــــــا مالها                        يا زعبــــــلاوي

شـــقلبوا حـالها                        وين المـــــداوي

شوفوا البـلاوي                        ده البنـــك ناوي

يرفــع دعــاوي                        علشـــان يتـاوي

في فلوسنا واحنا متقندلين

مش بزيـــادانا                          بقيـــــــنا عـرة

وكل حــــــاجة                         من شــغل بــره

ده الفقــر طوّل                         قلــــع عينيــــنا

وخلا غيـــــرنا                         قلــس عليـــــنا

يادي الفضيحة يا ناس حرام