لحن الشيالين - شد الحزام 

لحن سيد درويش - كلمات بديع خيري

شــــد الحــزام على وسطك غيره ما يفيدك

لابـــــد عن يــــوم برضــه ويعـــدلها ســــــيدك

وان كان شيل الحمول على ضهرك يكيدك

أهــــــون عليــــك يا حـــــر من مــدة إيـــــــدك

ما تيالله بيـــنا انت ويـــــــاه

ونســــتعان ع الشـــــــــقا بالله

واهو اللى فيه القسمة طلنـاه

واللى مافيهشي ان شالله ما جاه

ما دام بتلقى عيش وغمـوس يهمـــك ايـــه تفضل موحــوس

ماتحـط راســـك بين الروس لا تقوللي لا خيــار ولا فاقـوس

شــــد الحزام 

ح اقـــولك ايه واعيـــد لك ايه كله له آخــر

دي وكســة جامدة وجت على عينك ياتاجر

يا وكســتك دلـــوقت لا وارد ولا صــــــادر

يحلـــــــها ألفيـــــن حـــلاّل ربـك قـــــــــادر

قوللى فى عرض النبي يا حسين

رايحين نلاقيها منيــن ومنيـــــن

والإش متجــــــــوز اتنيــــــــــــن

يا دنيا روقي جتــك البيــــــــــــن

عمـر البخيل يفضل منحـــــوس    لو علقوا على بابه فانــــوس

فلوس دي إيه سكتر يا جاموس   هي السعادة في غنى النفوس

شــــد الحزام 

يالله بنا يالله نلحق لاكسبريس اهـو ع الرصيـف

وادى احنا يا دوبك لسه ماعملناش بحق رغيف

كل المحطـات قبلــــي وبحـــري بقـــــت لماليـــف

يتـوب عليـنا من دي العيشــة يا لطيف يا لطيـف

ما قطعوا لنا التليفونــــــات

وعطلـوا التلغــرافـــــــــــات

عمركش سـمعت الدلنجــات

بيسـافروا لها بالباسبورتات

غلب حمار اللي له حمار يحمــله لك ست انفــــــــار

واهو السفر في الأيام دي صار ع البهايم ليل ونهــار

قرب شيـــلني شيّـــل لا تقوللي كتيـر وقليّــل

لا تقوللي كتير وقليل       عمر الشـدة ما تطـــوّل

عمر الشدة ما تطـوّل       بكرة نهيص زي الأول

هيلا هيلا هيلة هــيلة هيلا هيلا هيلة هـــــيلة