Honako datu mota hauek landuko ditugu:

• numeric. Zenbaki guztientzat: hamartarrak (float) edo osoak (integer). Zenbaki hamartarrek puntua (.) erabiltzen dute zati osoa eta hamartarra bereizteko.

var bez = 16; // zenbaki osoa

var totala = 234.65; // zenbaki hamartarra

• string. Karaktere-kateak, hitzak edo testuak metatzeko erabiliko da. Balioak komatxo bikoitzen edo bakunen artean sartuko dira.

var mezua = "Ongi etorri gure webgunera";

var izena = 'Maialen Etxeberria';

var hizkia = 'a';

Testua komatxo bakunen artean badoa, balioa komatxo bikoitzen artean sartzen da, eta, testua komatxo bikoitzen artean idatzita badago, balioa komatxo bakunen artean adierazten da.

var testua1 = "Testuak 'komatxoa bakunak’ ditu";

var testua2 = 'Testuak "komatxo bikoitzak" ditu';

Beste hainbat karaktere berezi ezin dira testu-aldagai batean sartu, eta era honetan txertatuko dira:

var testu1 = 'Testuak \’komatxoak\' ditu;

var testu2 = "Testuak \"komatxo bikoitzak\" ditu";

• boolean. Datu boolearrak txertatzeko erabiliko da. Balioak bi dira: true eta false. Ezin dira zenbakiak edo testuak idatzi aldagai horretan.

var eskolakoIkaslea = false;

var bezaBarne = true;

• array. Klase bereko edo askotariko aldagai-bilduma da. Bektorea edo matrizea ere esaten zaie; baina, programazio-arloan, array da haien izenik ezagunena.

Asteko egunak jartzeko:

var eguna1= ”Astelehena”;

var eguna2= ”Asteartea”;

var eguna3= ”Asteazkena”;

Egitura hori ez da batere eraginkorra. Izan ere, asteko egunen ordez urteko hilabeteak, Europako herrialdeak edo hileko tenperaturak gorde beharko bagenitu, hainbat aldagai beharko genituzke.

var egunak = ["Astelehena", "Asteartea", "Asteazkena", "Osteguna", "Ostirala", "Larunbata", "Igandea"];

Orain, ikus dezagun aldagai bakar bat (egunak) badaukagu nola egin.

Array bat definitzeko, ( [ ) eta ( ] ) karaktereak erabiliko ditugu:

var array_izena = [balioa1, balioa2, ..., balioaN];

Elementu bakoitza aukeratzeko, kakoen artean haren posizioaren zenbakia jarriko dugu, 0tik azken posiziora zenbatuta.

var jaieguna = egunak[6]; jaieguna = ”Igandea” ;

var aukeratutakoEguna= egunak[0]; --> aukeratutako eguna = "Astelehena"

• object. Objektuak; adibidez, data aldagaia Date() klasearen objektua da, scriptak kudeatzeko erabiltzen dena.

tipeof eragileak, zein datu mota den adierazten du.