Zerrendekin, objektuen ezaugarriak aipatu, zenbatu eta zehazten ditugu. Horrezaz gain, baliabide hori HTMLren hainbat elementu definitzeko erabiliko dugu: menuak, erlaitzak…

Hiru zerrenda mota lantzen dira HTMLn:

• Zerrenda desordenatuak: ez dute zenbakirik. Puntuz edo beste sinboloz osatuta daude.
• Zerrenda ordenatuak: zenbakiekin edo letrekin ordenatuta.
• Definizioak.

Zerrenda desordenatuak: <ul> </ul>

Zerrenda desordenatuak definitzeko <ul></ul> (unorder list) etiketa erabiltzen da, eta, etiketa horren barruan, elementu bakoitza <li> </li> (list item) txertatuz zehazten da.

Zerrendei estiloa emateko, CSS estilo-orriak erabili beharko ditugu, type eta compact atributuak zaharkituta geratu direlako HTML5 bertsioan.

Horren ordez, CSS jartzeko style=” ” jarriko dugu, eta, <ul> etiketa barruan, CSSren list-style-type propietatea, markatzailearen buleten itxura aldatzeko:

• disc: lehenetsia, ezaguna dugun biribil beltza
• circle: biribila
• square: karratua
• none: ezein edo bat ere ez

Edozein markatzaile bulet jartzeko, CSSren list-style-image propietatea erabiliko dugu:

Zerrenda ordenatuak: <ol> </ol>

Zerrenda ordenatuak definitzeko, <ol></ol> (order list) etiketa erabiltzen da, eta, etiketa horren barruan, elementu bakoitza <li> </li> (list item) txertatuz zehazten da, aurreko puntuan adierazi den bezala.

Zerrenda ordenatuen atributuak honako hauek dira:

Zerrenda ordenatuen atributuak honako hauek dira:

Definizioak: <dl> </dl>

Definizioak zehazteko, <dl> </dl> (definition list) etiketa erabiltzen da, eta, etiketa horren barruan, elementu bi bereizten dira: alde batetik, definitzeko hitza, <dt> </dt> (definition term), eta, bestetik, hitz horren definizioa, <dd> </dd> (definition description).

Zerrenda habiaratuak (nested list)

Zerrendak bata bestearen barruan jar daitezke, hainbat mailatan sailkatzeko; era guztietakoak nahas daitezke: ordenatuak, desordenatuak eta definizioak.