JavaScript web orri dinamikoetan erabiltzen den programazio-lengoaia da. Web orri dinamikoetan efektuak, animazioak, botoiak zapaltzean aktibatzen diren akzioak eta erabiltzailearentzako ohar-leihoak agertzen dira.

Lengoaia interpretatua denez, ez da programa konpilatu behar exekutatzeko; beraz, edozein nabigatzailetan zuzenean probatu daiteke, kanpoko prozesurik gabe.

Izena antzekoa badute ere, JavaScript lengoaiak ez dauka zerikusirik Java lengoaiarekin. Sun Microsystems enpresaren marka erregistratua da JavaScript (http://www.sun.com/suntrademarks/).

Programazio-lengoaiaren sintaxia lengoaia horren iturburu-kodea idazteko jarraitu beharreko arauen multzoa da. Java eta C programek dutenaren antzekoa da. Haren oinarrizko arauak honako hauek dira:

• Ez dira kontuan hartzen tarte zuriak eta lerro berriak, HTML kodean egiten den moduan.
• Letra larriak eta xeheak bereizgarriak dira, hau da, haiek trukatuz gero, scripta ez da ibiliko.
• Aldagaiak ez dira definitzen. Beraz, aldagai batek hainbat datu mota erabil ditzake script berean.
• Ez da beharrezkoa sententzia puntu eta komarekin amaitzea, baina komeni da hala egitea.
• Kodea errazago ulertzeko, iruzkinak jar daitezke.

Nola erabili

Javascript HTML dokumentuan idazten da, HTML kodearekin batera. Bien artean sententziak txertatzeko, beharrezkoak dira mugatzaileak, <script> eta </script> etiketak, alegia. Orokorrean, Javascript kodea etiketa bi horien artean sartuko da; beste kasu batzuetan, orri-atributuetan (onclick atributuan) ere txertatuko da.

Iruzkinak

Iruzkinak txertatzeko // edo /* */ ikurrak erabiliko ditugu.

<script>

//Iruzkin hau, lerro bakarra dagoenean jartzeko.

/* Iruzkin hau, nahi beste lerrotan idazteko. Zuk zeuk nahi adina*/

</script>

Aldagaiak

Aldagaiak oinarrizko elementuak dira edozein programazio-lengoaiatan. Balioak gordetzen dituzte. Javascripten ez da beharrezkoa aldagaiak definitzea (zenbaki arrunta, karaktere-katea…)

Aldagaiak sortzeko, honako hau jarriko dugu:

var aldagaiaren_izena;

Adibidez:

var izena = ”Maialen”;

var adina = 14;

var altuera = 1.72;

var gaindituta = true;

Lau aldagai horien balioak memorian gordeta daude, baina pantailan ez dira ikusten. Horretarako, write() agindua erabili beharko dugu:

Aurreko adibidean, programak berak aldagaien balioa ezartzen zuen; baina, kasu batzuetan, erabiltzaileak ezarri nahi duen datua hartu, eta programan erabili behar da. Kasu horietan, prompt()agindua erabiliko dugu.

prompt ('Erabiltzailearentzako testua', 'lehenetsitako balioa';