Taulak informazioa sailkatzeko eta hura modu ordenatuan aurkezteko erabiltzen dira. Ez da komenigarria orriaren egitura taulen bidez sortzea; horretarako, badaude hainbat etiketa semantiko.

Taula sortzeko, <table></table> etiketa erabiliko dugu, eta, horren barruan, beste etiketa hauek:

• <tr> </tr> (table row) etiketa: taularen lerroak zehazteko; lerro bakoitzean, zutabeak adierazi beharko ditugu.
• <td> </td> (table data) etiketa: <tr> </tr> etiketaren barruan doa; lerro bakoitzaren barruan, zutabe adina etiketa jarriko ditugu.
• <th> </th> (table header) etiketa: lehen lerroan azalduko da, eta zutabe bakoitzaren titulua jartzeko erabiltzen da; <tr> </tr> etiketaren barruan doa.

Taulari titulua jarri nahi badiogu, <caption> </caption> etiketa artean jarriko dugu, <table> etiketa zabaldu ondoren, hain zuzen.

Taularen itxura aldatzeko, CSS baliatuko dugu, eta, horretarako, honako atributu hauek erabiliko ditugu:

Hona hemen adibide batzuk, estilo horiek nola geratzen diren ikusteko:

Kasu honetan, estiloaren deklarazioa goiburuan jarri dugu, eta ez elementu bakoitzean, elementu guztiek itxura bera izatea nahi dugulako.

Gorputzaren egitura bera izango da adibide guztietan; baina, adibide bakoitzean, itxura aldatu egingo diogu.

Adibide honetan:

• Taulak:
  • Egitura: orriaren % 100 betetzen du.
  • Titulua behealdean dago.
  • Ertza: lodiera, 2 pixelekoa; lerroa, zuzena; kolorea, urdina, eta gelaxken eta taularen ertzak, bateratu gabeak.
• Titulu-gelaxkak:
  • Gelaxkaren egitura: altuera, 40 pixelekoa, eta kolorea, zehaztua.
  • Testua: tamaina, 30 pixelekoa, eta kolorea, zehaztua.
  • Ertza: lodiera, 4 pixelekoa, eta mota, puntuduna eta behealdean kokatua.
• Data-gelaxkak:
  • Gelaxkaren egitura: altuera, 50 pixelekoa, eta kolorea, zehaztua.
  • Testua: erdian lerrokatua, eta lerrokatzea, bertikala.
• Ertza: lodiera, 2 pixelekoa; lerroa, zuzena; kolorea, urdina, eta gelaxkaren eta letraren arteko tartea, 8 pixelekoa.

Taularen egitura aldatzeko, gelaxkak batu ditzakegu, eta espazioak zehaztu; hori <td> </td> eta <th> </th> etiketen barruan jartzen da, atributu gisa.