4.2 Web orrien gorputza

HTML lengoaiaren etiketen bidez, web orriko elementu guztiak atontzen ditugu. HTML5ek antolatzen laguntzen duten hainbat egitura-elementu ditu.

Garrantzitsuak honako hauek dira:

<header> </header>

Web orriaren diseinuan izenburua zehazten duen elementua da. Barruan, honako elementu hauek batzen ditu:

• Izenburuak (bat edo gehiago): <h1>, <h2> … <h6>
• Logoa edo ikonoa
• Egilearen gaineko informazioa

<header> elementu bat baino gehiago egon daitezke web orrian, baina ezin dira <footer>, <address> edo beste <header> elementu baten barruan sartu.

<footer> </footer>

Web orriaren orri-oina zehazteko erabiliko dugu, eta <footer> elementu bat baino gehiago egon daitezke. Orokorrean, honako informazio hau batuko du:

• egilearen gaineko informazioa
• copyrightari buruzko informazioa
• kontaktuari dagokion informazioa
• orriaren mapa (sitemap)
• goialdeko esteken buelta
• lotutako dokumentuak

<nav> </nav>

Webgunean web orri batetik bestera mugitzeko esteken multzoa da. Nabigazio-barra jartzeko erabiltzen da, eta edozein etiketa jar daiteke barruan; hala ere, zerrendak dira ohikoenak.

Orri bakoitzean, <nav> etiketa bat baino ezin da jarri.

<section> </section>

Web orria edukigunetan antolatzen du: bloga, postagunea, Youtubeko bideogunea (bideoak, datuak eta iruzkinak txertatzeko atala)…

<section> elementuaren barruan, <article> elementuen bidez antolatzen da informazioa.

[1] Berria, HTML5en. Etiketa hauek ezin diraa erabili, ez Internet 8 bertsioan, ez aurrerakoetan.

<article> </article>

Edukiak mugatzeko erabiltzen da: blogen sarrera, artikuluak…

Orokorrean, honelako forma izaten dute:

• foroetako postak
• blogetako postak
• albisteak
• iruzkinak

<article> elementu baten barruan, <header>, <footer> eta beste hainbat etiketa jar ditzakegu.

<aside> </aside>

Kokatuta dagoen lekuko edukia zehazten du.

OHARRA: etiketa horiek ez daude onetsita Explorer 8 bertsioan eta aurreko bertsioetan.

Orain, ikus dezagun adibide orokor bat. Hemen ikusten denez, etiketak bata bestearen atzean ipintzean, zehaztutako atalak ere, bata bestearen atzean kokatzen dira.