<picture> etiketa berria da HTML5en. Malgu jokatzeko aukera ematen du, irudien baliabideak zehazterakoan.

<picture> elementuak barnean <source> elementuak batzen ditu; elementu bakoitzak irudi-baliabide bat zehaztuko du. Horrela, nabigatzaileak erabiltzen ari den gailuari ondoen zer baliabide egokitzen zaion aukera dezake. Hori guztia, <source> elementuko atributuetan aipatzen da. Nabigatzaileak, baliabide egokia aurkitzen duenean, beste guztiak baztertzen ditu.

Honako adibide honetan, irudi bakoitza nabigatzailearen leiho-tamainara egokitzen da; hortaz, kasu bakoitzean, irudi jakin bat egongo da.

Audio digitalak hainbat formatutan gorde daitezke. Entzuteko, Windows Media Player, QuickTime, WinAmp, Real Player… erreproduzitzaileak erabiltzen dira. Guztiak, baina, ezin dira musika-erreproduzitzaile bera erabilita entzun. HTML5ek honako hauek erabiltzen ditu:

• WAV (WaveForm Audio File). Jatorrizko audioak gordetzeko erabiltzen da (.wav luzapena du). Kalitatezko audio-formatu bikaina da, baina oso pisutsua. Oso audio laburrentzat erabiltzen da.
• MP3. MP3.PEG fitxategien soinu-atala da (.mp3 luzapena du). Formaturik zabalduena da audio-tresna guztietan. Konpresio-maila ona eta kalitate bikaina ditu. Nabigatzaile guztiek eusten diote.
• OGG. Xiph.Org Foundationek garatutakoa (.ogg luzapena du). Formatu librekoa da, eta Ogg multimedia-proiektua barnean dauka: audioa eta bideoa. Kalitate askotan konprimitzeko aukera ematen du, MP3 formatuaren antzera.

HTML5 baino arinagoa da audio-fitxategiak bakarrik entzutea ahalbidetzen duen plugina (flash modukoa) erabiltzea; HTML5eko <audio> elementuak modu estandarra zehazten du, audioa web orrietan txertatzeko.

Beraz, web orrian audioak txertatzeko, <audio> </audio> etiketa jarri beharko dugu, honela:

<audio controls src="02_AUDIOAK/lehoia.mp3" type="audio/mp3"> </audio>

Aukeran, nabigatzaileak aukeratzeko audio-fitxategi bat baino gehiago ipini nahi badugu, <source> </source> etiketa jarri beharko dugu <audio> etiketa barruan.

<audio controls>

<source src="02_AUDIOAK/katua.mp3" type="audio/mp3">

<source src="02_AUDIOAK/katua.wav" type="audio/wav">

</audio>

Hona hemen <audio> etiketak dituen HTML aukera guztiak:

Honako etiketa hau media-elementuek (<video>, <audio> eta <picture>) behar dituzten media-baliabideak zehazteko erabiltzen da. Horrela, nabigatzaileak aukeran du fitxategien ezaugarriak arakatu eta komeni zaiona aukeratzea.

<source> etiketaren atributuak honako hauek dira:

Bideo digitalak hainbat formatutan gorde daitezke, baina HTML5ek honako hauek erabiltzen ditu:

• MP4. (.mp4 luzapena dute). Moving Pictures Expert Group (MPEG) taldeak garatua eta QuickTime-n oinarrituta. Gehien bideo-kameren eta telebisten hardwarean erabiltzen da. YouTubek hori gomendatzen du.
• WebM. (.webm luzapena dute). Web egile handienek garatua: Mozilla, Opera, Adobe eta Google. Software libreko proiektua da, eta BSD lizentzia du.
• OGG. (.ogg luzapena dute) Xiph.Org Foundationek garatua. Formatu askekoa da, eta Ogg multimedia-proiektua barnean dauka: audioarekin eta bideoarekin lan eginez gero, kalitate askotan konprimitzeko aukera ematen du.

Web orrian, bideoak txertatzeko <video> </video> etiketa jarri beharko dugu, era honetan:

<video controls src="03_BIDEOAK/bideertzean.mp4” type=”video/mp4”> </video>

Aukeran, nabigatzaileak ondoen datorkion bideo-fitxategia aukeratzeko, <source> </source> etiketa jarri beharko dugu <video> etiketa barruan.

<video controls>

<source src=”03_BIDEOAK/maitasunaroak.mp4” type=”video/mp4”>

<source src=”03_BIDEOAK/bideertzean.ogv” type=”video/ogg”>

</video>

Ikusten dugunez, <source> etiketaren bidez fitxategi bat baino gehiago jartzen ditugunean, nabigatzaileak banaka aztertuko ditu, eta, egokia aurkitutakoan, erakutsi egingo du.

<video> etiketen artean jarritako testua ez da agertzen; nabigatzaileak <video> etiketa onartzen ez duenean bakarrik azalduko da; orduan, Internet Explorer 8 eta lehenagokoetan bideoa ez dela ikusiko adieraziko digu.

Hona hemen <video> etiketak dituen aukera guztiak:

KONTUZ: Youtubetik, Vimeotik edo halako webguneetatik hartutako bideoak txertatu nahi izanez gero, <iframe> etiketa erabili behar da.