10.37.4

Tier 1

Arabes circumcingerunt nostros milites. Milites exspectabant mortem.

Sed nuntius venit ad Raimundum Piletum.

Nuntius dixit: “Cur remanes in hoc loco? Cur remanes cum tuis militibus? Ecce, omnes milites nostri in magna districtione, quia Arabes, Turci, et Saraceni oppugnant! Fortasse omnes sunt mortui! Ergo, da auxilium! Da auxilium!”

Raimundus Piletus et milites audiunt haec verba. Ergo, omnes ierunt ad nostros milites in districtione.

Pagani viderunt milites Christianos. Pagani milites diviserunt se in formationem. Formatio habebat duas partes.

Nostri milites invocaverunt nomen Christi.

Nostri milites invaserunt Paganos.

Nostri milites fuerunt fortissimi et iecerunt Paganos milites ad terram.

Pagani viderunt quod non possent defendere contra Francos.

Pagani sunt territi. Pagani fugerunt ab Francis.

Nostri milites persecuti sunt Paganos. Nostri milites ierunt quattuor milia passum post Paganos. Nostri milites necaverunt multos Paganos.

Sed nostri milites apprehenderunt unum Paganum.

Paganus captivus dixit informationem per ordinem.

Nostri milites quoque apprehenderunt centum et tres (103) equos.

Tier 2

Pagani tenerent nostros milites inclusos et nostri milites exspectarent mori.

Sed Nuntius venit ad alios milites et ad Raimundum Piletum et dixit:

“Cur remanes in hoc loco cum tuis militibus? Ecce, omnes nostri milites sunt in magna districtione Arabum, Turcorum, et Saracenorum! Fortasse omnes mortui sunt in hac hora! Ergo ite et date auxilium! Ite et date auxilium!”

Nostri milites audiverunt haec verba et statim cucurrerunt celeriter. Brevi tempore, nostri milites pervenerunt ad milites pugnantes.

Gens Paganorum vidit milites Christi, et divisit se in duas formationes (sive, agmina).

Sed nostri milites invocaverunt nomen Christi et ferociter invaserunt illos incredulos Paganos.

Christi milites invaserunt tam ferociter ut omnis miles Paganus caderet ad terram.

Illi Pagani viderunt quod non possent stare contra Francos, et sunt perterriti in multo timore. Itaque, Pagani verterunt sapulas ad Francos et fugiebant.

Sed nostri milites persecuti sunt per quattuor milia passum et occiderunt multos ex eis Paganis.

Sed nostri milites retinuerunt unum Paganum vivum. Paganus vivus informationem dixit eis militibus, per ordinem.

Nostri milites quoque retinuerunt centum et tres (103) equos.

Tier 3

Cum iam Pagani tenerent nostros inclusos milites, [ex quibus] omnes putabant se mori, quidam nuntius venit [ad] alios (milites), dicens Raimundo Pileto: “Quid astas in hoc loco cum his militibus? Ecce, omnes nostri (milites) sunt in nimia districtione Arabum, et Turcorum, ac Saracenorum. Et, fortisan, in hac hora, omnes mortui sunt! Ergo, succurrite [ad] illos! Succurite!”

Nostri milites audientes haec [verba], statim cucurrerunt in celeri cursu, et pervenerunt ad illos [Christianos] proeliantes. Gens Paganorum, videns Christi milites, divisit se et fecerunt duo agmina.

Nostri, autem, invocantes nomen Christi, invaserunt illos incredulos tam acriter ut quisque miles (Paganus) prosterneret suum.

Illi (Pagani), videntes quod non possent stare ante fortitudinem Francorum, et perterriti [ab] nimio timore, verterunt scapulas retro.

Quos Paganos nostri milites, persequentes per spatia quatuor milium, occiderunt multos ex eis. [et nostri milites] retinuerunt unum vivum (Paganum), qui diceret nova eis per ordinem.

Retinuerunt quoque centum et tres equos.

Tier 4 (textus ipse)

Cum autem tenerent nostros iam inclusos, qui omnes putabant mori, venit aliis quidam nuntius, dicens Raimundo Pileto: “Quid hic astas cum his militibus? Ecce omnes nostri in nimia districtione Arabum et Turcorum ac Saracenorum sunt; et forsitan in hac hora omnes mortui sunt. Succurrite ergo illis, succurrite!”

Audientes nostri haec, statim cucurrerunt celeri cursu, et festinanter pervenerunt usque ad illos preliando. Paganorum vero gens videns Christi milites, divisit se; et fecerunt duo agmina. Nostri autem, invocato Christi nomine, tam acriter invaserunt illos incredulos, ut quisque miles prosterneret suum.

Videntes vero illi quod non possent stare ante Francorum fortitudinem, timore nimio perterriti, verterunt scapulas retro. Quos nostri persequentes fere per spatia quatuor milium, occiderunt multos ex eis, unumque retinuerunt vivum, qui nova eis per ordinem diceret; retinuerunt quoque centum et tres equos.