1.2.3

Tier 1

Rainoldus et Alamanni intraverunt in Romaniam.

Alamanni et Rainoldus ierunt ultra urbem Nicenam.

Alamanni et Rainoldus invenerunt castrum ultra Niceam. Nomen castro erat Exerogorgo.

Nulli homines erant in Castro Exergorgo.

Itaque Alamanni apprehenderunt Castrum Exergorgo.

Et, ecce! In castro erant frumentum, vinum, caro et multae bonae res in abundantia!

Sed Turci audierunt quod Christani essent in Castro.

Turci venerunt ad castrum. Turci obsiderunt castrum.

Ecce puteus. Puteus est ante portam castri. Fons vivus ad pedem castri est. Prope fontem, Rainaldus exiit castrum cum militibus. Rainaldus volebat insidiari Turcos.

Turci venerunt ad castrum in die festo Sancti Michaelis, et Turci invenerunt Rainaldum. Turci necaverunt Rainaldum et multos milites. Multi alii Christiani fugerunt in castrum.

Tier 2

[Raindaldus et Alamanni] intraverunt in Romaniam et ierunt ultra urbem Nicenam per quattuor dies. Invenerunt castrum, cui nomen erat Exergorgo.

Castrum Exergorgo erat vacuum hominibus. Et Raindaldus et Alamanni apprehenderunt illud castrum. In castro erant satis frumenti, et vini, et carnis, et abundantiam omnium bonorum.

Turci audiunt quod Christiani essent in castro, et venerunt obsidere illud castrum.

Ante portam castri erat puteus, et ad pedem castri est fons vivus. Iuxta quem fontem Rainaldus exiit insidiari Turcos.

Sed Turci, venientes in die festo Sancti Michaelis, invenerunt et occiderunt Rainaldum et multos milites qui erant cum eo.

Turci occiderunt multos ex militibus, sed alii milites fugerunt in castrum.

Tier 3

Et [Raindaldus et Alamanni] intraverunt in Romaniam, et ierunt ultra Urbem Nicenam per quattuor dies, inveneruntque quoddam castrum, cui nomen erat Exergorgo. Exergorgo erat vacuum gente.

Et [Raindaldus et Alamanni] apprehenderunt illud [castrum],

in qua [Raindaldus et Alamanni] invenerunt satis frumenti, et vini, et carnis, et abundantiam omnium bonorum.

Turci, itaque, audientes quod Christiani essent in castro, venerunt obsidere illud [castrum].

Ante portam castri erat puteus, et ad pedem castri [erat] fons vivus, iuxta quem Rainaldus exiit insidiari Turcos.

Turci, vero, venientes in Festo Sancti Michaelis, invenerunt Rainaldum, et [milites] qui cum eo (Rainaldo) erant, et [Turci] occiderunt multos ex eis [militibus]. Alii [milites] fugerunt in castrum.

Tier 4 (textus ipse)

1.2.3 Et intraverunt in Romaniam et per quatuor dies ierunt ultra Nicenam urbem inveneruntque quoddam castrum cui nomen Exerogorgo, quod erat vacuum gente.

Et apprehenderunt illud, in qua invenerunt satis frumenti et vini et carnis, et omnium bonorum abundantiam.

Audientes itaque Turci quod Christiani essent in castro, venerunt obsidere illud. Ante portam castri erat puteus, et ad pedem castri fons vivus, iuxta quem exiit Rainaldus insidiari Turcos.

Venientes vero Turci in festo sancti Michahelis, invenerunt Rainaldum et qui cum eo erant, occideruntque Turci multos ex eis. Alii fugerunt in castrum.