Denique, Dominus Boamundus ivit trans Flumen Bardarum. Boamundus ivit trans flumen cum sua gente.
Sed Boamundus non ivit trans flumen cum tota gente.
Comes de Russignolo Enim, Comes de Russignolo remansit in altera parte fluminis.
Comes de Russignolo remansit cum fratribus suis.
Tancredus audivit quod exercitus Imperatoris invasisset Comitem et re-venit trans flumen. Tancredus natavit trans flumen. Duo milia (2000) homines quoque nataverunt trans flumen cum Tancredo!
Tancredus invenit Turcopulos et Pinzinacos. Turcopoli et Pinzinaci pugnabant cum nostris militibus. Tancredus invasit Turcopulos et Pinzinacos fortiter. Tancredus superavit Turcopolos et Pinzinacos prudenter.
Tancredus apprehendit multos Turcopulos et Pinzinacos. Tancredus duxit captivos ad Boamundum.
Boamundus dixit captivis: “Cur necatis meam gentem!? Gens Christi est! Ego non habeo altercationem cum Imperatore!”
Captivi responderunt: “Necesse erat nobis oppugnare vos, quod sumus in servitudine Imperatoris. Quicquid Imperator vult, necesse est nobis agere.”
Boamundus non punivit captivos. Boamundus permisit captivos abire.
Hoc bellum erat in Die Iovis, et Caput Ieunii.
Per omnes res, Deus est bonus. Amen.
Denique, Dominus Boamundus ivit ultra Flumen Bardarum cum sua gente. Sed Boamundus non ivit ultra flumen cum tota gente.
Enim, Comes de Russignolo remansit ibi (in altera parte fluminis).
Comes de Russignolo remansit ibi cum fratribus suis.
Exercitus Imperatoris venit ad Comitem. Exercitus invasit comitem et fratres suos et omnes milites.
Tancredus audivit hoc et rediit retro, trans flumen ad Comitem. Tancredus projectus est in flumen et natavit ad Comitem. Duo milia quoque projecti sunt in flumen et secuti sunt post Tancredum.
Tandem, Tancredus et milites sui invenerunt Turcopulos et Pinzinacos. Turcopuli et Pizninaci dimicabant cum nostris militibus.
Tancredus et milites sui invaserunt repente et fortiter.
Tancredus et milites superaverunt eos (Turcopulos et Pinzinacos).
Tancredus et milites apprehenderunt multos ex illis (Turcopulis et Pizninacis).
Tancredus et milites duxerunt ligatos (captivos) ad presentiam Boamundi.
Boamundus ait ligatis: “Quare, O miseri, occiditis gentem meam? Gens Christi est! Ego habeo nullam altercationem cum vestro Imperatore.”
Ligati responderunt: “Nos non possumus agere aliud. Nos sumus in roga Imperatoris. Quicquid Imperator imperat, nos oportet agere.”
Boamundus permisit ligatos esse impunitos et abire.
Hoc bellum erat in Quarta Feria, quae est Caput Ieiunii.
Per omnia benedictus est Deus. Amen.
Denique, Dominus Boamundus perrexit ultra [flumen] cum sua gente, sed non tota gente. Remansit enim Comes de Russignolo ibi (in altera parte) cum fratribus suis.
Venit exercitus Imperatoris, et exercitus invasit Comitem cum fratribus suis et omnes qui erant cum Comite.
Audiens hoc, Tancredis rediit retro, projectus in flumen et natans per flumen, pervenit ad alios milites (Comitis et fratrum). Duo milia [milites] miserunt se in flumen, sequentes Tancredum.
Tandem, [Tancredus et milites] invenerunt Turcopulos et Pinzinacos dimicantes cum nostris [militibus].
Quos (Turcopulos et Pinzinacos) Tancredus et milites invaserunt repente et fortiter, et prudenter superaverunt eos.
Et apprehenderunt plures ex illis, et duxerunt illos ligatos ante presentiam Domini Boamundi.
Quibus (Turcopulis et Pinzinacis) Tancredus ipse ait: “Quare, o miseri, occiditis gentem Christi et meam? Ego cum vestro imperatore nullam altercationem habeo.”
Qui (T&P) responderunt: “Nos nequimus agere aliud. Locati sumus in roga Imperatoris. Quicquid ipse nobis imperat, nos oportet implere.”
Quos (T&P) Boamundus permisit abire impunitos.
Hoc bellum factum est in quarta feria, quae est caput ieiunii. Per omnia benedictus Deus. Amen.
Denique perrexit dominus Boamundus ultra, cum sua gente, sed non tota. Remansit enim ibi comes de Russignolo, cum fratribus suis.
Venit exercitus imperatoris, et invasit comitem cum fratribus suis, et omnes qui erant cum eis.
Quod audiens Tancredus rediit retro, et proiectus in flumen natando pervenit ad alios, et duo milia miserunt se in flumen sequendo Tancredum.
Tandem invenerunt Turcopulos et Pinzinacos dimicantes cum nostris, quos repente fortiter invaserunt, et prudenter eos superaverunt. Et apprehenderunt plures ex illis, et duxerunt illos ligatos ante domini Boamundi presentiam.
Quibus ait ipse, “Quare, miseri, occiditis gentem Christi et meam? Ego cum vestro imperatore nullam altercationem habeo.”
Qui responderunt: “Nos nequimus aliud agere. In roga imperatoris locati sumus, et quicquid nobis imperat nos oportet implere.”
Quos Boamundus impunitos permisit abire.
Hoc bellum factum est in quarta feria, quae est caput ieiunii. Per omnia benedictus Deus. Amen.
Explicit liber I