کوردی

 خوینا پێشمەرگا

خوینا ڤان پێشمەرگا دهێتە رێژتن  

دا ئەڤ زاروک بژین ب سەرفەرازی   

ب سەر بلندی د هێنە کوژتن

دا دەستێ پڕ قرێژ دەستێ بەرازێ

نەگەهتە دارا گوهیشکا دارا مازی

چیڤێ ستویر بو درێژکە 

سەری لێ گێژکە

هیڤیێ لێ حشکە

دەڤی لێ بەشکە

مرنێ بو وان بکە داخازی

ژێ نەهێت دەنگ وگازی

بمرێن مرنا بەرازی

کەس لێ نەکەت

نیهار وتازی 

٢٢/ ١٩ /٢٠١٦ دهوک

 خانێ بەدلیسا

ژ خەوا گران رابە خانی بەدلیسا

ئەڤروسەرمەدا هاتن تارێت دیسا

تورکوعەجەم گەڵ دەلنگ رویسا  

دا ژێکڤەکەن خاکی ب دەنە پیسا

ژخەوێ رابە کوردو بادە وەریسا  

دوژمنا سەر تە حسارە خوڤەنیسا

بەرڤەدە سەد تەلها گەڵ هزاردیسا

پێ هایدە بدەنگێ خو چاڤ خویسا

بیژێ ما بەس نینە تو بمە ڤە نیسا  

وەلات پارێزین، توکەتیە قە سیسا  

سنگین ل سەر سنورا دژی کاپیسا

کمکمە خەمەگور نەرێنە مارگیسا

 ب زڤرە کلێسێ بکەڤە کون ولیسا 

دا تاڤا کوردا سەرڤان چیا بتە ییسا

  ١٢ / ١٠ / ٢٠١٦  دهوک

ئەحمەد عەلی 

گونەهکار

گونەهکارو

مزگەفت ژ هەوە د ڤالن 

ژ بریارێت خودێ هوین دالن 

 بهایێ تشتا د بلندن

ژن د رویسن وتوندن 

دز دسەرفەرازن خودان زەندن 

گرێدایە جان فدا دەست بەندن

فێل باز ، خودان فەندن

زناکەر، درستە ، چنینە هندن

بو ژن ئینانێ رێ گرن

ژن سەر مێری د خورن

خاکا مسولمانا دوژمنی برن 

هەژار د بن بارانێ مرن

بێ سەهیانە ، سرێ برن

نیشانێت روژا رابونێ یێت نڕن 

یێ خو ژ زکرێ خودێ د بڕن  

خو ژ نڤێژا د کرن  

ژ زکاتێ د بن برن

ژیانا وان ژینەکا چڕن

دەمە .. بو خو ب گڕن  

بەری باردکەن د مرن 

ژ ڤێ دنێ ب فرن

ناڤ دوژێ ب کوزرن

٢٢ / ٥ / ٢٠١٦ دهوک 

  ئەڤین

یا پێویستە دل بێژیت منێ هەی یارەک

خەم نینە ، من نە دیت بیت بە جارەک

ڤینا وێ ددلدا یا بویە دەریایەکا فرەهە

نە شێم بکەم ئیشەک، من نینە کارەک

من نە شەڤە و روژە ، چ پکەم؟ هەوار

ئەڤو ئاگرێ ڤینا تە هەلبو دنیڤا  ڤی دلی

نە توانم ب رەڤم ، بەزم ، من نینە غار

هناڤ سوت، شەوتی گیان وەک چولی

٢٠٠٥ / میسل  

پێشمەرگێ کەڤن 

پێشمەرگێ کوردێ کەڤن

بەردوژمنی قەت نا رەڤن

شەل وشەپک یێ ل بەرن

کولاڤ ودەرسوک لسەرن

دبەردا رەخت وتەڤەنگن

بەرهەڤێت شەروجەنگن 

کالک وگورە ودو ساقن

بودیتنا دوژمنێ دمەلاقن

لسەر هەردو ملا چوخن

لمەیدانێ شەنگ وشوخن

شویتک لدور خو ئالاندن

لەوەندی لزەندان شداندن

کولاڤ ودەرسوک هژاندن

گویفک وخەنجەر لەقاندن

ڤێ تدارەکێ خو خەملاندن

بڤێ کاری دوژمن بەزاندن

٢٠١٦ / دهوک 

  کەوو بقەبە

کەوو بقەبە بدەنگێ بلند سەر ئەڤان چیا  

بگەهینە هەرچارکوژیێت دنێ ب گە فیا

رەڤین شێرژئاخا تە پیتێ نەدە  ڤان روڤیا  

وەلات جهێ چاکانە پیس د کەڤن بەرپیا  

کەوو بقەبە بدەنگێ بلند دور تە خردوژمنن

هەمی پێگڤە یی د کەن بزاڤێ یێ د غەونن

لبەروان جانگێ رەشە ل خو ئالاندن کفنن

کومرا هەلکری د ڤێن چەنگ و پەرا برن  

 کەوو بقەبە بدەنگێ بلند قەت تە نینە یار 

گەلو ئەو چما دونیا خرل مە بویە نەیار

خانێ تە گوت خودێ ژئەزەل وەسا زار

خودایێ مەزن ل مە بنێرە نە مینن ژار 

کەوو بقەبە بدەنگێ بلند خودێ مە ئێکە

هزاررەنگیت مرنێ بوڤی دوژمنی چێکە

نەمانێ بکە دیاری بلەزلسەر پەرا فرێکە

ئەڤ جار یا گرنگە ، بەندە تێکدا گرێکە 

کەوو ژبەرچێ دونیا هەمی ب مەڤە نیسا

مە نەدیت جارەکێ روناهی درێدا تەییسا

پیسێت دنێ خرجەمیان دگەل چاڤ خیسا

ل بەرمە ڤەدان خەفک وتەلی هزار دیسا

کەوو پەرا قژکە چاڤا زلکە دوژمنی سلکە

سەر سەنگەرا د ناڤ چەپەرا خو موکمکە

 حێل لێ پخورە سەهمێ بکە سەرە بێ دلکە

بینە بەرچاڤا بێخە گاڤا ئاگرێ دوژێ هەلکە    

کەوو تێ وەرینە جەنگی ب شارینە بزوتی

ب دل پاکی ڤی خاکی قەت نەدە خو فروتی

 گوندێت وێران مالێت تالان ئاقارێ سوتی

دوژمنێ بحنێرە لسەربکە گێرە ژینا دوتی

کەوو شینا شێرا، رویڤی بکەت گێرا نابیت

سەرچیا دی خوینی تو دێ مینی دێ رابیت

روژلێ شەڤە بەزا وی رەڤە ریاتە چرابیت

کوردستان هەرد مینیت هندی دونیا مابیت 

٥  \ ٥ \ ٢٠١٦ دهوك 

 وەلاتێ بێ سنور

کوردستان ...

وەلاتێ بێ سنور

ماڤێ تە د خەفیت

بەس نا نڤیت

 ئو نا مریت 

دێ وەرگریت

ب خورتی بەزور

دوژمن بلا بزریت

جەندێ ب گەف وگوربیت

چەندێ چربیت

ماڤی دەر ئێخین

ژ وی جاڤێ کور

پێت گەنج وتولازا

دانن سەر توخیبی

ل هنداڤی گور

بەر نادەن 

دێ خو جان فداکەن

تەعانکەن پەرژانکەن  

ب رەنگێ سور

١٠ – ١٢ – ٢٠١٦ دهوک / ئەحمەد عەلی 

 باپێر

ل چول وچیا گەریام ل پەزێ کیڤی

من قوتان خەلک ب گوپال و چیڤی

ژیان نا هێتە کێشان تو نە شی پیڤی

چو سەرئەڤرازی هات سەر نشیڤی  

ژی بوری وەکی خەونا پتر ژنیڤی 

لڤێ دنی تە نەمان قەت سوزوهیڤی 

شوینا شێران د کەن گێری رویڤی

خەلکی دگوت برا تە گوت کریڤی

چەمیا پشت هەروەکی دارێ گوپالی 

گوپال بو من خوش دوست وهەڤالی 

مای پیچەک نیزیکە ب کەڤیە چالی 

داخاز دکەم ببوریت لسەرڤی حالی  

تو کەتیە هزرا، هزرەکا زورا کویر

نەمای ل ڤان رەخ ودورا چویە دویر

نە هێلا بوری سالا چ تشتەک ل بیر

پیر وکالێ داکەتی هەژار بویە باپیر

چوتیار و چوت

ئەڤ رێنجبەرا چوتیارە

ددەستدا کوپال وهنجارە

ل سەر ملا چوخە دیارە

شاشک پێچا کوردەوارە

ل سەر دەوارا هەفسارە

ل سەرستوی نێرکە دارە 

جلە ل سەر پاتکێ ستارە

شێڤ توڤ پرێز دەبارە

کارێ وی خوش کارە  

دکێلیت خاکی نە بەیارە

کارەک راستە نە خارە

ژێ دهێت نان و پارە 

کی .. دشێت ؟؟؟

کەس نە شێت ب گرێت دەستێ خوش مێرا

کەس نکارێت تەلهێ ڤەدەت بەر رێکا شێرا

کی هەیە نەهێلیت بکەت خودانێ تەڤرو بێرا  

کی توانیت هشکە مچکەت لەپێ خودان خێرا

نینە رێگر زیرەکا بگرن نە گەهن بەر ستێرا 

 نینە زار بێژیت خودان چیڤی مە ئار نەهێرا

هەیە ئێک دەڤی بەشکەت بێژتە خودانێ زێرا

هەیە ئێک ڤەبستینیت دەستێت کوژەکا ژ کێرا

کا ئەو کەسێ خو قورتال کەت ژفەند وحنێرا

کا ئەوکەسێ دکەت زورداریێ ل کچ و دلێرا 

بوچی هەوە بەردان گوندێ تازە هاتنە باژیرا

بوهەوە هێلا شینا شێری رویڤی بکەت گێرا

 ٢ / ٦ /٢٠١٦ دهوک\

پێلێت عەشقێ 

پێلێت عەشقێ وڤینا تەزی 

دشێن تە پاڤێن وبن گەرکەن 

هشیاربە زور دیف نە بەزی

دێ تە بی هش وسەودا کەن

دێ زراڤبی وەک داڤا دەزی

ژ گوشت وخوینێ لاوازکەن 

ژ خورکومانا دێ هەرگەزی

بێ شەراب، دێ تە مەستکەن

د ناڤ دەریا ڤینی دێ لەرزی

نەچار، کەس نینە دەرمانکەن

بێ سودە، پەشیمانی وخوزی

مەوج و پێل ، تە بن ئاڤکەن  

٢٠ / ٧ /٢٠١٦ دهوک 

  پێشمەرگە  نوی

  پێشمەرگێ  زندی

پێشمەرگەیێ سەربلند تو بازی سەرسنورا

دوژمن نه وێریت قه ت بهێتە رەخ و دورا 

په رژانی بو وەلاتی ل چول وکەند وکورا

تو بابى ، سه میانی ب خر رەنگ وجورا 

پێشمەرگێ بریندار

بریندارو تە خوینا خو رێژت لسەر خاکی

کورێ کوردانی یێ دەیکەکا هێژا و پاکی

به رنەدە چەپەری دوژمنی رەخ مە راکی 

تانجا سه رێ مەیێ ، دلی جەرگی مێلاکی   

پێشمەرگێ شەهید

شەهیدێ قەهرەمان نک خودێ جهێ تە بەهشتە

جان فدایێ تە گیان ژ دەست دا ل چول و دەشتە 

لسەر خاکا پیروز تە خوین بو کوردستانێ رشتە

 لدەف مە پرقەدر وبهایێ، هێژایێ ماڤ گەهشتە  

٢٠١٦ /دهوک

مشەخت بونا کوردا 

خوا گونەها کوردی چی یە ؟ من دڤیت بزانم

پسیارەکا زورا کەڤنە ژمێژە کەتیە سەر شانم

پشت لمن شکاند ما بەس نینە ؟ نە دەمە دانم

نە هشە ، نە مایە سەودا کەتیە روح و جانم

گوند وێران، برن تەرش وتالان، قەیرانا مە

کوچ بەران ، نڤستنا بن بەران ، سەیرانا مە

مشەخت بون، دەر بە دەر بون ، گەریانا مە

چنگا بچیکا ، غەزال هات و چو دەورانا مە

٤ /٤ /٢٠١٦ دهوک 

دەیکا چەلەنگ   

   دەیکا دەلال وچەلەنگ   

چەند تویا چویە بێرێ

کارێ کری بێ دەنگ

بشالوک تەڤرو بێرێ

ژئاقاری ئینا خررەنگ

سیر وقوراد ب کێرێ

ب ژیری دەمێت تەنگ

دهزرێدا مانە ل بیرێ

تە ئینا بجەرک وکەدینی

ئاڤا تەزی ژکانیێت زەلال

تە کرە گوسک ومەسینی

خردەما پرن نە مایە ڤال

ل بەرمەشکێ د روینی

دامە ئەوپەنیرێ خۆمال

ماستێ قەرستی دمەهینی

دەوێ تەزی بویە سیقال

چول وچیا ل کەند و کورا تو یا پەشی 

بهن ڤەدانێ سەربانا تە یا رستی تەشێ 

ئەڤ رەنگە کارە تە کرن ب دل گەشی

بسەر بلندی وەسا ژیان بوری ومەشی  

 چەند جارا ل هەفشی تە میها دووتی

بدەنگێ نزم ستران بوزاروکی گووتی

بەیانێ نانی پەحتی بەرئاگرێ بزووتی

تێشت و فراڤینا بری ل دەمێ جووتی

٢٠١٦ / دهوک ئەحمەد عەلی

دیاری بودەیکا من خودێ ژێ رازی بیت

نیوار 

نەڤیێ منو باپیرونیوار  

سنگێ خو بکەیە دیوار 

دەما دبیە گەنج وتولاز 

چەنگا قژکەی وەک باز 

گەل جحێلێت کوردستانێ 

خو ئامەدەکە نیڤا مەیدانێ 

٢٠١٦- دهوک

 ئێزیدیمە

کوردم کوردەکێ ئێزیدیمە ژکەڤندا

سەر ڤێ خاکی جهێ باب و باپیرا

ئەڤ گوتن یا مایە دبن زمانێ مندا

د کەم ودبێژم بوڤان هەژار ومیرا

ژ مێژە منا شەقدا سەرگرو کەندا

ژبەردوژمنا دەما د کرحیرە حیرا

وێران کرن ل من خانیێت وگوندا

کەتم چول وچیا دبن بەروکەڤیرا

هەردەم منا کری بزاڤ ب زەندا

من دوژمنێ دایە ل بەر رم وتیرا

قەبول ناکەم سەرخوقەید و بەندا

ما بەس نینە تە دام بەرکێروشیرا

چەند فەرمان تە دانان درێکا مندا

کەم هاواروگازی ل خودان غیرا

مە نەهێلن د ئەڤی رەوشێ توندا

ب کەڤن زیندان وحەبس و بیرا

بەلاڤ کەن لجهانی ڤان گازندا

نەهێت گوهی گرین و قیر قیرا

ڤێ نامێ بگه هینن بەرز وبلندا

هویربزانن نە بەن ژهزرو بیرا 

 ٢٠١٦ دهوک

   بێ سوزێ

چاڤێت یارێ کەتنە خەوێ

یێ من ژخەوێ دویرکەفتی

تە سوز دابو، نە پەیدابوی  

 لبەندا تە مام نە دەرکەفتی

من زور حەزکر تە باخێڤم

کەڕ ولال بوی نە ئاخفتی 

تەیروتەوال لهێلینی خەفتن

چاڤێ من بەرچێ نەخەفتی

دونیا چەندا رون وفرەهی

لبەر من تو تاری شکەفتی

دل چرمسی گولا وەریای

تومای گەش هەرا بشکفتی

دیوارێ یارێ رەق راوستا

بوچی یێ من زوی هەرفتی

خر ژدیتنێ تێر وحەمەرن

پتنێ مام برسی کیم کەرفتی

تە وەغەرکر تە ئەز هێلام

لەش کەتە وێری نە نخافتی

أحمد علي 9\12\2015 دهوك

 بەسە برا کوژی

کەوو بەسە نکلێ خو ل سەرێ دا

کەوو بەسە قەت نە قەبە درکێ دا

کەوو هەڤالا نە ئێخە ناڤ تەپکێدا

کەوو بژی ئازاد سەر گرێت درێدا

کەوێ ڤان نزارا جابێ بدە جوتیارا

قەبێ بگەهینە پەیادا گەڵ سویارا

خو هشیارکەت وەلات پارێزلکنارا

بێ هش بکەت خر دوژمن ونەیارا

کەوو بقەبە بێژە بەسە برا کوژی

کەیفا دوژمنی نە هینە ب خوژی

چاڤەک لی پەقی یێ دژی رژی

دا سەر ڤی خاکی هەر بژی بژی

٣-٣-٢٠١٧ دهوک 

 ئەز چمە ئو کیمە؟

دوژمن ڤێ پشت گوهێ خو بنڤێسە

 ئەز نە رەشم نە سپی مە

نە موسلمانەکێ چەپلم،

نە ئێزیدیەکێ دەرسوک قرێ ژیمە

نە فەلکێ خریامە،

نە کوژەکەکێ پیسێ جوی مە

نە شیعەکێ بێ مەژی مە

نە سونەکێ دین گوهێرم

ریهو پرچا درێژکەت

زاروکا ب گوت گوتکا گێژکەت

خەلکی دسوژن  برێژن

ب شیرێ رویس دکوژن

خوینا وی پێش چاڤ درێژن

 دبێژین هوین کافرن

 ئەز ب خو بەحشتی مە

ئەز نە ئەوم، نە یێ دخەوم

ژڤان خرا ئەز پاک وبژینم

خودێ نیاسم دینێ پاقژم وخاوێنم

بزانن ئەز چمە ئو ئەز کیمە؟

کوردەوارم سەر فەرازم 

سەر ڤی خاکی دژیم، ژی مە

 ئاشتی خازم تەیڕی بازم

شەڤ وروژا نا رازم

خودانێ شەڵ وشەپکامە

دەرسوکا سور و رەش وسپی مە

خودان بزاڤ وهێز وحنێرم 

وەک ئەلهوی سەر ڤان چیا دنێرم

دوژمنی ل سەر ڤێ ئاخێ دهێرم

چ جارا بەر دوژمنا نە رەڤی مە

ژ هەمی ئویجاخا هەژیمە

ژخر رەخ وتاخا مشمە، تژی مە

بەنددکێ بادای مە رەنگینم

 بخوینا سور دڤەهینم

کنفا موکمم، وەریسێ رستی مە

سەر سەنگەری، سەر سنوری

سەر ڤان هەر چار کنارا

لڤان گەشت ووارا

ئالێ ژێری رەخێ ژوری

دیف دوژمنی بەزی مە

ب کوردی لێ خوری مە

بو خاکا کوردستانێ  

دکەم گازی، قوری مە

یان ژیانە یان بو ڤی گوری مە

سەر ڤێ ئاخێ، ڤی گوری مە.

٢٦-٤-٢٠١٧ دهوک- ئەحمەد عەلی