ڤێ بێژە

ڤێ بێژە: بەس ئەڤێ نە بێژە

قل و لا تقل

Say this but don't utter that

هندەک ئاخڤتن وبێژە یێ دهەین دناڤ زمانێ کوردیدا د‌هێنە پەیڤتن ب شوێەکێ نەراست ودرست کو دبنە جهێ پێ کەنینێ وشەهمزاریێ ل دەف خەلکێ جڤاکی چنکی دبنە وەک خەبر وچڤین وکێماسی بو وی کەسێ ئەو رستا ئاخڤتنێ گوتی ب رەنگەکێ لەنگ وخەلەت. ژبەر ڤێ چەندێ دڤێت مروڤ یێ هشیاربیت دا نەکەڤتە ڤێ هەلویستا تەنگدا ل دەف وان کەسێت بەرانبەر. بو نمونە ئەڤە چەند ژوان گوتن وبێژانە ئەوێت دئاکنجی بوین دناڤ زمانیدا ژکەڤندا وحەتا نوکە ئو دڤێت مروڤ وێ بێژیت یادرست ئو خوبدەتە پاش ژئەوا  نە درست:

رستا ئێکێ بێژە بەس خۆ ژرستا دووێ پارێزە

بێژە: ئەڤ بەرە بو منێ باشە.

نەبێژە: ڤی بەری ب کەنە من.

بێژە: من ئەڤ کراسە کرە بەر خو.

نەبێژە: من ئەڤ کراسە کرە خو.

بێژە: ئەم دێ سەرا وان دەین. یان سەرەدانەکێ بەینە نک وان.

نەبێژە: دێ چین سەرەکێ ل وان دەین.

بێژە: بەکەرەکێ رەش بدە من.

نەبێژە: کا بە کەرەکێ رەش.

بێژە: ڤی وەریسی ب کێشە نک خو ڤە.

نەبێژە: ڤی وەریسی ب کێشە خو.

بێژە: فلانکەس یێ چوی دەست ئاڤێ یان دەست شویێ.

نەبێژە: فلانکەس یێ چوی دەسریڤەدەت. ئانکو دەست دناڤ رێڤاڤە دەت.

بێژە: ئەو یێ روینشتی سەر رانێ وێ.

نەبێژە: ئەو یێ روینشتی دکوشا وێدا.

بێژە: ئەو کەسە یێ ژکارکەتی.

نەبێژە: ئەو کەسە یێ کەتیە سەر لەپێت خو. وەک سەکان.

بێژە: من داف تە. من ئەڤ تشتە داف تە.

نەبێژە: من دا تە. ئانکو من دەیکا تە. ئەڤە جڤینە.

بێژە: وەرە لەشی من پەرخینە.

نەبێژە: وەرە پەرخینە.

بێژە: خو بێ دەنگ کە. گوهێت خو بگرە.

نەبێژە: خو کەڕ کە.

بێژە: ئەز شەرم ناکەم.

نەبێژە: ئەزێ بێ شەرمم.

بێژە: ئەز یێ  تێرم. ئانکو ئەز نە یێ برسیمە.

نەبێژە: ئەز تێرم. تێر وەکی تەلیسی یە یان خراری یە.

بێژە: یێ خو دتوزێ وەردکەت.

نەبێژە: یێ خو دگەڤزینیت. چنکی ئەڤە کارێ دەوارا یە.

بێژە: ئەزێ بزاڤێ دکەم وهەولدەم.

نەبێژە: ئەزێ پێ کولێ دکەم. چنکی ئەڤە کارێ دەوارا یە.

بێژە: جهێ تەنگە یێ لرەخ ئێک دنڤن.

نەبێژە: جهێ تەنگە یێ ل سەر زکێ ئێک نڤستن.

بێژە: ئەڤ کەسە یێ نڤستی یان یێ دخەوە.

نەبێژە: یێ چویە بەحشتا دیکل ومریشکان.

بێژە: ئەم چوین نک وان ب مێڤانی.

نەبێژە: مە خو ب سەر وان دادا. مە سەرەک ل واندا

بێژە: ئەڤ توڤە کەسە یێ ژبێ تورەتا بوی.

نەبێژە: ئەڤ توڤە کەسە یێ ژکەرا بوی.

بێژە: ئەڤ تشتە بو تە.

نەبێژە: ئەڤ تشتە ژتەرا.

بێژە: ئەم دێ چینە نک وی.

نەبێژە: دێ چینە سەر وی.

بێژە: مە خو بو وان شکاند.

نەبێژە: مە خو کرە عەرد بو وان دا سەر مەرا بچن.

بێژە: تو گەلەک ترسیای.

نەبێژە: تە کرە شەلێ خو. تە کرە بن خو.

بێژە: تە چ دڤێت بەرێز.

نەبێژە: تە چ دڤێت ئەز بەنی.

بێژە: وێ دکەت ئەوا وی دڤێت.

نەبێژە: ب زرتەکیێ بخو برە سەر.

بێژە: مروڤەکێ هشیارە.

نەبێژە: مروڤەکێ گوهـ بەلە.

بێژە: فلانکەسی قەستا نڤینا خو یا کری.

نەبێژە: فلانکەس یێ چویە دەف ژنا خو.

بێژە: ئەو حەژ کچا وان دکەت.

نەبێژە: ئەوی خو دکچا وان ئالاند.

بێژە: وەرە بخو.

نەبێژە: وەرە بە خو.

بێژە: یێ خو مازن دکەت.

نەبێژە: یێ فیشا ل تاقا دەت.

بێژە: ل چ جها نا تەبتت.

نەبێژە: زیج زیجا وی ل خر جها.

بێژە: ئەزێ ئامادەمە بەر تە.

نەبێژە: ئەز خولامێ تە مە.

بێژە: تو مروڤەکێ ماڤ تێکەری.

نەبێژە: تو مروڤەکێ سەر ژنکی.

بێژە: وەرە زادی بخو.

نەبێژە: وەرە بکەرفە.

بێژە: خو نەکە دیڤەلانکێ وان.

نەبێژە: خو نە کوری بدیف وانڤە. (دیل)

بێژە: تو مروڤەکێ تەپە سەری.

نەبێژە: تو مروڤەکێ بن زکی.

بێژە: خو تێکەلێ وان نەکە.

نەبێژە: خو ل گویێ وان نەدە.

بێژە: ژنا خو بن دەستێ خو بکە.

نەبێژە: لغاڤێ ژنا خو بگرە.

بێژە: مە کچا خو پێش کێشێ وان کر. 

نەبێژە: مە کچا خو کرە پێلاڤ وکرە پێ وان.

١١-١١-٢٠١٧ دهوک