هشیاربون 

هشیاربون

نەهیلان، پاشڤەبرن، بێبارکرن، نەیاکرن  - أسلوب التحذير، المنع، التحريم والنهي

ئەڤ کارە ئاخڤتن دهێتە کرن ژمروڤێ دئاخڤیت بو ئەوێ بەرانبەر دا کو یێ هشیاربیت وخو ژوێ کریارێ ب دەتە پاش ونەکەت ب چ رەنگان.

 رستا هشیاربونێ دهێتە لێگدان ژڤان خالەکا

پەیڤدار – بەرانبەر - کارێ نەکرنێ

چەند نمونێت گشتی

١- درەو دوژمنێ خودێ یە 

٢- بێخەمی، بێخەمی خوسارەتییە

٣- دز وحیزی نە چ کارن

دڤان رستادا هەر وەکی پەیڤدار دبێژتە وان کەسێت بەرانبەر

هشیاربە درەوێ نەکە چنکی درەو دوژمنێ خودێ یە

خو بدە پاش ژ بێخەمیێ چنکی خوسارەتی دهێتە بەرتە

خو پارێزە ژدز وحیزیێ چنکی نە چ کارن تو بکەی

ئەڤە چەند جورێت تایبەتن بو وی کەسێ بەرانبەر دا خو بدەتە پاش ژ ڤان رەنگە کارا

١- جگارا نە کێشە.

٢- چێ نابێت تو ڤی نانی بخوی.

٣- یا قەنجە تو دگەل وان کەسا نە گەری.

٤- خو بدە پاش ژ دیتنا فلمێت پیس.

٥- تو نا چییە مالا وێ.

٦- نە وەبیت دزیا بکەی.

٧- هشیاربە. ئەو چالەکە درێکا تەدا.

دگەل ڤان رەنگە گوتنێت هشیاربونێ ، گەلەک جارا ئەو کەسێ بەرانبەر دێ بێژیت بو یان ژ بەر چێ ئەز ڤی کاری نەکەم ؟ بەرسڤ دڤێت رونکەت بو وی دا جهێ رازیبونێ وباوەریێ ل نک پەیدابیت دا کو وی کاری نەکەت ویان دوبارەنەکەت.

چەند نمونە دگەل ئەگەرا رونکرنێ:

١- مەیێ نە ڤەخو. ژبەر چێ نەڤەخوم ؟ مەیێ نە ڤەخو چنکی یا خرابە.

٢- چێنابیت تو ڤێ خارنێ بخو. ژبەرچێ نەخوم؟ چنکی یێ ترش بوی.

٣- یا گرنگە تو نە چی نک وان هەڤالان. ئەگەر چییە ؟ چنکی نە دپاشن.

٤- خو بدە پاش ژ خاپاندنێ. بو چی ؟ چنکی دێ هێیە گرتن.

٥- خو نە ئێخە ڤێ گەرا ئاڤێ. ژ بەرچێ؟ چنکی گەلەکا کویرە.

٦- نە وەبیت خو بێخیە ڤی ئاڤا تەزی. ژبەر چی؟ پەرسیڤ دێ تە گریت.

٧- هشیاربە. چیە؟ دوژمن هات.

٢٠١٦ / دهوک - ئەحمەد عەلی