گڤت وگوت

گڤت وگوت

هەڤالا ئەز هێلام

شەمالک

بێژە من هەڤالێ شەڤێ بو چی تو نا لڤی؟

ما تو یێ ژمن سلی، تە نەڤێت من باخڤی

یان دێ بیە هەڤرک دگەل شەڤێ  نا نڤی

دێ دەمە تە شیرەتێ قەنجیێ ژخوشتڤی

شەڤ درێژن گەلەک نە مینە دێ کەڤی

ئەگەر مای، پاشی شەرمە ژبەر برەڤی

شڤان

ئەز چ بێژم، ئەی هەڤالا نەزان

یێت دلیدا چەند کول وخەم وژان

ژبەر ئەوێ بهارا بویە زڤستان

عەردێ پان، یێ بویە قەبرستان

روژا رون ل من بویە تاریستان

بو تەیرێ من گرتی بڤان دەستان

گاڤا فری ژمن نە هاتن چ شیان

ژبەر چاڤێت بەلەک هژبو گیان

چ بکەم؟ چو ئەو ما ددلیدا ڤیان

شەمالک

هەڤال خەما نە خو ئەوی دلی گەشکە

لەزەتا دنێ، کەیفا دلا، ل خو خوشکە

هزرا ڤیانێ بدەرینە کولا ژی دەرکە

شڤان

تە چی یە؟ تەکر بەر خو کراسێ کەیفێ

ل نک تە ما تو دێ مینی وەکی هەیڤێ

شەمالک

ئەزا رونم، شەڤا تاری ژخو درەڤینم

ب کەیفم، هەڤالا ل دور خو دجەمینم

وەختێ هەل، ژهەمی رەنگا رەنگینم

کول وخەما، ژهەمی حازرا درەڤینم

بەلاتینک:

ئەم خرهاتن،ئەی هەڤالا گەشا رون

کەیفێ بکەین، خەمێت دوهی چون

شڤان

ئەو چ کەیفە؟ یا هوین پێ جەمیان

چ ژینە، گەر پەرێت هەوە قەلیان

نابیت، چ فرین وزڤریب وگەریان

بەلاتینک

خەمگیر، کەیفا مەیا ل گەل هەڤالا

خاندینە گەل شەمالکێ لهەمی مالا

جەژنا بونێ، گەل عەیدو سەر سالا

دفرین، ناڤ قافکێت گول وهەلالا

شڤان

لەزێ بکەن، نە مینن لڤێرێ

 گەر مان، دێ مرن لوێرێ

دەرێ ل تاق، هەرن  دەرێ

نەمینن دەف ڤێ بێ باوەرێ

بەلاتینک

یا ب سەرێ تە هاتی ب سەرێ مە ناهێت

ئەم دێ خو نێزیک کەین چ ل مە ناهێت

ئەوا تە گوتی، قەت باوەریا مە پێ ناهێت

شڤان

 من نە گوت، دێ هەوە مرینیت

دێ گوشتێ لەشێ هەوە قەلینیت

 شینوارا ئەو دێ لهەوە برینیت

شەمالک

ئاخ! چون هەڤال، ما مە پتنێ

وەختە ئەژی بم مێڤانێ مرنێ

شڤان:

ئەزێ دبینم، تو نەمای گەلەک

دێ تەمرینی وی چاڤێ بەلەک

تاری کەی، رەنگێت خەلەک

شەمالک

هلو رابە ، ئەز خلاس بوم

سوتم وحەلیام، بێ زاخ بوم

گەر دگەل بایێ مرنێ چوم

لڤێرێ دێ مینی وەکی بوم

شڤان

ئەی شەڤ تو دزانی من چیە؟

تشتەکێ مازن ل منێ چێ بیە

 دهەژمێرم ستێرێت ئەسمانا

 د لەرزم، بەر بایێ زوزانا

دیاربو شەفەق یا بوی بەیان

کێش بو بەز، رابون جیران

چ بکەم؟ شەڤژی خلاس بو

هەڤالا من ژی نە دیار بو

دیارە دویماهی هەر نەمانە

مرن...! رێکا مە هەمیا نە

ژئەڤرو، دێ گرم ڤیانا تە

هەر دێ کەم خزمەتا تە

 کەم نڤێژێ، بەری چونێ

خازم توبێ، بەری مرنێ

٢٥-٨-١٩٧٠ میسل

ڤەمان...

بشکوژ

بێ رەنگم،هێشتا بشکوژم!

شەڤا تاری ب سەردا هات

نە بێژن، بو روژ هەلات

من نەڤێت، رەنگا بسوژم

بولبل

ئەزم ئەو تەیرێ بێ چەنگ وپەر

دفرم ل هنداڤی چول وباغ وملا

من نە دیت تایەک، دان مە سەر

دا ڤەخوم خوناڤا سەر وان گولا

سال ومەهێت دچن ئەزم تێنی

دگەریێم وەکی مێشا هنگڤینی

بشکوژ، تا گەنگی دێ مینی؟

خو ژڤێ خەملێ نا دەرینی

بشکوژ

روندک وفرمێسکا نە رێژە

زڤستان چو، نێ بهار هێژە

هەڤالم د گەل بهارا چەما

نا خوم قەت کول وخەما

بولبل

ئەز بێ حالم، بێ مال ووەتەن

من نە هێلان چ شێڤ وبەتەن

ئاخ! بمرم بو تە ئەی وەتەن

چ بکەم بو چیە.. ئەڤ ژیان

رەنگینی، رەوشا ئەڤی واری

تە سوتم، ل سەر چقلێ داری

بو چیە؟ ژیانا پر ئێش وژان

گەرمن ڤەخار ژەهرا ماری

بشکوژ

بو کێ دراهێلی ڤان هەوارا؟

ئەی ئەڤین دارێ دل کەسەر

ئەو ئێڤار بو، دەم بو سەحەر

 شرین شەربەتە بو دلدارا!

بولبل

شەربەتا ئەڤینێ یا دو رەنگە

چێ بێژم بو ئەوا نە گوهدار

ئاسن ژدەرڤە هەرێ بژەنگە

دلدار ژدلدا یێ کوڤان دار

رەنگێت ژیانێ من ڤەهاندن

چەند تەلی من ل بەر نڤاندن

هەمی پێگڤە ، وێ قەتاندن

شینوارێت ئەڤینێ براندن!

بشکوژ

دەڤێ ساخلەم، کوما هەستی

هندی ب چی، تو نا وەستی

سەر ئەوێ رێکا پر کناری

خو نە ڤە هێلە ل ڤی واری

بولبل

من داڤ ڤەدان، کەتە خەفکێ

ژپیا نە گرت، کەتە حەفکێ

من نەزانی، چو بو دەف کێ

ئەزم بو چی یێ دەست ڤالا

ئەزم هەر دەم وەسا  دل خالی

نە ژبەر ئەڤینێ، یان ژهەڤالی

ژئەوان رەنگێت رەش وتاری

نزانم، بو چی تو هەرا دنالی

گوڵ

ئەزم سور گولا بهن خوش

بهنێ دابو خر رەخ ورییا

دلداری  بەردام  بەر پییا

دویرکرم ژ بهارا خوش

بولبل

ب دەڤی من گوڵ بشاڤتن

هندی بێژن تو هندا جانی

لەپێ بەرزە هوین نخافتن

نە دلداری، یان نە زانی

بشکوژ

بەرچ دلداری گولا حەباندی

تە وەک ئەلهوی، ڤەنیساندی

دێ کەی گولا، تە نە چاندی

دێ بەی گولا خوخەملاندی

بولبل

من گوڵ ڤییا ژبەر دلبەرێ

ل گەرمێ، خوش سیبەرێ

ژیان بێ تە، یا بێ رەنگە

گوڤەندا مە، یا بێ دەنگە

گوڵ

پێلن ئەم ژیانێ کێم ببینن

چونکی دێ خو وەرینن

هندی هەوە، دا لێ مینن

گەر بهار هەر دەم هەبا

بولبل

ڤیان: گەرا مازن مە خو لێدا

هندا برکر، بارا پتر مانە تێدا

زور خندقین، نە کرن گازی

چەند کەتنە دبەختێ خودێدا

٤-٧-١٩٧١ میسل

دەنگێ ڤاژی

لاڵ:

چاڤ کە بێ چاڤو، دێ بینی

یێ بوری سەر تە خرشەڤن

شپتی لالی دێ شی خوینی

نە بێژە لاڵ: خر دبێ دەڤن

کورە:

ئەگەر کورەی نە بان دو چاڤ

بو خودان چاڤ، دا ژبەر رەڤن

ئەون خودانێت دەست وگاڤ

چنکی قوپ، نە شێن دەرکەڤن

قوپ:

پەیادەرێ پێ سڤک: سویارە

شەڤ وروژا، چ جارا نا نڤن

ژهەمی رەنگا ، دکەن کارە

بنێرە ژجهێ خو قەت نا لڤن

کەچەڵ:

ریسێ تەڤنی، مە جەماند

مە ژێ رێسا، خوش تەڤن

تشتێ زێدە مە ژی قەتاند

ناهیلین بیانی برەخ کەڤن

کەڕ:

سەر خولولا ، دەڤ ڤەکر

هزرکرن، کەڕ دبێ دەڤن

وەکی ئاشی، مە خر ڤەکر

بو روژەکێ، بەر بکەڤن

دین:

کەسێ نە زانی ب حالێ دینا

چ جهی چونێ، بدیف دکەڤن

وان کارەک بسەرێ مە ئینا

نە گەتن: بەر ئەڤێ نا کەڤن

٢٨-٧-١٩٧١ میسل

دەستێ بیانی.. ئاخینکێت زێرەڤانی

هشیارێ شەڤێ:

بێ دەنگی ئاوازا دبێژی بێ دەنگ

بو فرەهناکەی وی جهێ تەنگ؟

بولبل هەزار:

دل کوڤانو، ئەزم بولبل هەزار

کارێ من ئاواز بون سەر چقێ دار

نە بو ددلیدا، چ ترسا نەیار

لەوما بو مە ئخسیرەکێ ژار

هشیارێ شەڤێ:

دیارە دەستێ کورەتو بژارتی

رەنگێ ژینا تەل تە گوهارتی

بولبل هەزار:

یێ هاتیە گوتن ئاوازێ چەما

چو دەمێ کەیفێ، هشیارێ شەڤێ

نوکە دێ بێژم،ئاوازێ خەما

چ بکەم ژمن ناهێن کارێ رەڤێ

هشیارێ شەڤێ:

گرتی: چ توڤ ژینە ئەمین تێدا؟

ژیان ئەوە، هەر دەم دکەیفێدا

بولبل هەزار:

ئەو چ ژیانە، یێ خەم نەدیتی

ژینا خوشە هەر دەم ب مەخلیتی

نە ژی دا ب کەڤیە دەڤێ حویتی

بکە بەر خو، بلا بێژن یێ رویتی

هشیارێ شەڤێ:

کراسی بەر من یێ رەش وپانە

تەنک تەنک وەکی عەبانە

بولبل هەزار:

بو تە بژارت ئەڤ رەنگێ تاری

ئەگەر ژڤی رەنگی جانتر هەنە

بو بەر خەما تە راکر نهاری

چونکو رەنگێت ڤەشارتی بەرزەنە 

هشیارێ شەڤێ:

ج بکەم من بژارت رەنگێ ڤەبی

هاتە گوهارتن، چەوا بەرزەبی

بولبل هەزار:

بزانە دەستێ کورە هاتە بەر

گوهارت یا زەلال، کرە شێلی گەر

چ بکەین؟ گرتن هەمی رێک ودەر

کەتە ناڤدا، کرینە گەلەک کەر

هشیارێ شەڤێ:

بێ شڤانن.. خودان پەزن

بێ رەزڤانن.. خودان رەزن

بولبل هەزار:

شڤان ئێکە، بەزێ کەڕ ولالە

بو کێ بکەت هاوار وگازی

گورگێ برسی یێ ب هاڤالە

دێ جەمینیت، تەیرێ بازی

هشیارێ شەڤێ:

ئەگەرسەیێت پەزی نەکەن دەنگی

بێ سەر دێ مینن سەر ئەڤی رەنگی

بولبل هەزار:

سەر ئەڤی رەنگی سست وخاڤ

ئەم دێ مینن، بێ چاڤ وگاڤ

دێ کەڤتە پیا، خەفک وداڤ

بی بهایە، ئەو لاڤە لاڤ

هشیارێ شەڤێ:

چ بکەیم؟ بونە رێبەر نێری وبەران

لەوما ئەم ماینە، بێ مێرگ وپاوان

بولبل هەزار:

ئەگەر ئەو چەرین گەل برێت گورگا

برسی بو خو چ بکەن ئەو گیسک وکار

بێ ترس، ئەو مەخەل بون دناڤ مێرگا

یێت دی بقارن ناڤ زەڤیا بەیار

هشیارێ شەڤێ:

ئەگەر شین بینا دارێ ژرەهایە!

خر دەما پەشیمانی یا بێ بهایە

١٣-٩-١٩٧١میسل

گڤتن: (مساجلة شعرية)

        ئەڤ گڤتنا شیعری دناڤ بەرا من وهوزانڤانێ بەرێز وهێژا سەیدایێ ( عبدولکەریم فندی) دا یا چێبوی ل دەمێ ئەم ل کولیژا ئادابێ بەشێ ئنگلیزی ل باژێرێ میسلی ل سالا (١٩٧١). ئەو دو سال بون من ب دەست ب ڤەهاندنا هەلبەست وهوزاناکری. ب ئامەدەبونا نوژدار ئەدیب بەزازێ وی ئەڤ هەلکەڤتن دا مە کو ئەم هەردوک چەند مالکێت هوزانا پاڤینە بەر ئێک سەر رەوشا نەتەوەتی ل وی وەختی. چنکی کەریم ژمن مەزنتربو من گوتێ تو دەست پێکە.  وەختێ بەیانا ئاداری بو ئەم تێدا دژیاین.ل ڤێرێ ئەز پسیاردکەم ؟ ئەز نزانم کا بەرێز کەریمی ئەڤ مالکێت هوزانا بەلاڤ کرینە یان نە. بێ گومان ئەگەر ئە یان نە بو پسیارا من ئەز دێ ل ڤێری بەلاڤکەم بو جارا ئێکێ. من هەرسێ دیوانێت خو ئەوێت من ڤەهاندن ل سالا ١٩٧٠ ئو حەتا ١٩٧٣ دگەل ڤێ گڤتنێ من نە داینە بەر چاپێ.  بەلێ نوکە من دانە بەر چاڤێت هەوە دڤی وبسایتیدا دبن ناڤێ:(هوزانێت کوردی) هەر دو جوین) کەڤن ونوی) دگەل ڤێ گڤتنا دناڤ بەرا مەدا چێبوی:

کەریم:

ئە لیف وحاء و میم و دال

هەر چار پیتێت بێ خال

دبنە نیشان بوخوش هەڤال

سلاڤ لتە ئەی لاوێ دەلال

ئەحمەد:

هەڤال: عەبدێ ناڤێ مەزن

ڤەکە رێکێ، دا ئەم بەزن

برین کەوین، دەمە بتەزن

ئەو شڤانە، ئەم ژی پەزن

کەریم:

پەزێ بێ شڤان نا ئەورێت

هەر کەرەکی دڤێت نێری هەبێت

پاش گیسک ژی نا تە بتێت

گورگا دێ نێچیر ژێ هەبێت

ئەحمەد:

دێ ژێ هەبێت گورگێ برسی

بلا شڤان ، ل بەر ژێ هەبن

ئەگەر سە ،  قەت نە پرسی

کەرێت لێکدای، ژێک ڤەبن

کەریم:

ژێک ڤەبون. گورگێ هاتی

شڤانی کر هاوار وگازی

نیریێ مەزن. نە دەن خەلاتی

ئیریشێ بکەن. وەک بالە بازی

ئەحمەد:

وەکی بازی، ژێک بەلاڤ بون

دەنگێ شڤانی ، نە گەهشتی

ژڤەمانێ، سست وخاڤ بون

دەڤێ گورگی زوی گەهشتێ

کەریم:

سست وخاڤن مان بێ شڤان

مژیلە دێ کوم کەت گیایێ

گشت بەردان کیری وگەلیان

دەڤێ گورگی لێ بێنایێ

ئەحمەد:

دەڤێ گورگی ، نا ئێتە بێنان

گەرگورگێ برسی پەنج هەبن

پەزێ بەردای، نە هات رێنان

دڤێت پەزی، سەیێت گەنج هەبن

١٣-١٢-١٩٧١میسل

 ئەڤ گڤت وگوت یا ل بن شێوێ (PDF) ێ لژێری دمەلەفێ دا: