ڤێدان

دیوانا ئێکێ

" ڤێدانا ماڤێ ڤەمای " 

ئەڤ پارچە هوزانە دەستپێکا من بو دڤەهاندنا  هەلبەستێت 

کوردی دگەل بەیانا ئادارێ

روژا نوی 

روژ دەرکەت ، روناهیێ دا بو ڤێ دنێ

ل مە دەرکرن کەڤنە کول ژ وێ خەمێ

خەم نەمان خوشی هاتن بو خو هەرێ

نە ترسە ، ئەو روژ چو وەکی بەرێ  

کەند و گر ل مە بونە رێک

وەک دارا راست یا بێ خرێک

وەختێ کورد و ئەرەب بوینە ئێک

ژیان و مرن پێکڤە هەردو ژێک

باران هات ئاڤ هەمی رەخارێت

جو پەنگین ، شلقا سەردا هاڤێت

گول ڤەبون بهن هات مێشێ مێت

ئەڤ روژە بو ، یا مللەتی دڤێت

١٧ / ٤ / ١٩٧٠ میسل

گولا من

 ئاخ بو تە گولا ناڤ سورگولا

تو د لڤی ل هەمی رەخ و ملا

وەک قەفتا کەزیا ژ جوتی ملا

تە ئاگر بەردا مە خر بولبولا

گولا من گەش بو لهنداڤی ئاڤێ

بشکوژ ژ خودان وەک خوناڤێ

هلاند ئالێ جاڤی ل ئەوێ گاڤێ

گاڤا من لێ کری جوت سلاڤێ

جاب دابو گوت: قەت نە روینە

تو ڤان کەسەرا ل من ب دەرینە 

نێ تە دلێ سوتی ، یی پر برینە

برین دارێ تە مە ، تو پکەوینە 

١٧ / ٤ / ١٩٧٠ میسل 

بهارا چیای

نرگز وبەیبین وسور گول ژهەمی رەنگا

تەیر وتەوالا ئاواز گوتن ب هەمی دەنگا

دوست ویارا هژاندن دەست گەل چەنگا 

                                وەختێ هاتی ئەو جان بهار

بهار مێڤانە ل هەمی عەردا

پتر دمینیت ل واری کوردا

ژمە درەڤینیت خەم ودەردا

                            خەملا تە،جانکر هەمی وار

تە رونکرن ئەو چال وخەند

تە شین کرن ئەو گر وکەند

تە جانکرن ئەو باژێر وگوند

                          ب رەوشی وەک بهارا پار

بهار یا جانە وەکی بوک

گاڤا ل بەر خەمل وکوک

رەنگینە وەک توبێ سوک

                            هەمی رەنگن ل بەر بازار

ل وارێ مە دهێت بایێ هینە

هەمی تێکدا مێرگ وکانینە 

هنگڤینە یان شەکەرا شرینە

                           خلاس نەکر کەسێ پر ترار

هەڤال وهوگر، چونە کەیفێ

کرن شاهی بەر تاڤا هەیڤێ

مان هەتا شەڤ کەفتە نیڤێ 

                            پاشی زڤرین بو گوند و شار

٢٢ / ٦ / ١٩٧٠ دو شەمب

من ڤیا مرادەک

یێ تو دزانی ئەز هندەکێ ژێ دزانم

چەند دمینم، ئەز پتر دبینم، پتر دزانم

ئەز دبینم، یا گرتی خەلکی رێکا خار

نزانم گەنگی درست بن ، قەت نزانم

من دڤێت توزێ ژخو ب وەرینم

شیتکا باشیا لدور خو ب وەرینم

بەلکی دەربازبم سەر پرا سراتێ

فێقی ژدارێت بەهشتی بوەرینم

خودێ ئەزێ دکەم بو وێ مرادێ

نزانم گەنگی دگەهمە وێ مرادێ

چنکو دنیا خردەما نە ئێک رەنگە

ئەزێ دترسم نە بینم  وێ مرادێ

٤-٩-١٩٧٠ میسل

نفرینا دایێ

  دەیکێ، تە بوچی وەگوت؟

خەمەک تە لمە کرنە جوت

تە دلێ مە گەل ئێک سوت

نفرین بو تە ل من کری!

جرمسین، ئەو دلێت تەر

گاڤا دارلمن بویە دو کەر

ئەز رابوم من نە دیت دەر

بو ؟ تە ل سەر من گری

یا بسەری من هاتی دوعابو

نە موقەدەر بو، یان بەلابو

خودێ ل سەر من ستاربو

نا چیت رحا وی نە بری

دلسوژێ نێرا سەر ئەڤراز

دەست راکرن، دوعا خاز

دلی وێ گوتن، سەد ئاواز

گوتی : راکە ئەڤی کوری

٥-٩—١٩٧٠ میسل

کولیلکا نیسانی

کا هوین بخودێ بو من بێژن؟

ڤان روندکا، بو کێ درێژن؟

ما مرنە ئێکی، هەل دکێشن

یان وە دڤێت، دلی ب سوژن

گاڤا من زانی، ل وێری مام

وەکی دارا هشک، هژبو مام

تە بو چی بارکر ئەز هێلام؟

ژکول وخەما، ئەز حەلیام

 ژبەهشتی... تەیرەک بو

ژچەمی... نێ فێقی بو

نک مە هەمیا، خێڤە بو

گاڤا ل مال...چرا بو

ئەو بچیک بو ناڤ بچیکا

نی بکر بو، لدەرێ سیکا

نیچیرڤان بو، سەرێ رێکا

بو کورەبن چاڤێت دەیکا

ئاڤا زەلال... وی لمە شێلا

دلی بابێ... دخەمارا هێلا

دەنگی کیم....بو مە هێلا

مام ..کرە ئخسیرێ رێلا

ئەی خودانێت چاڤیت بەلەک

بری کڤان، یێ پیرت خەلەک

تە خاست ئاگر نەمای گەلەک

بو یە میڤانێ، مازن مەلەک

رەها مێرا ل ناڤ چاڤا دیار

چو زەڤیا کەسک هێلا بەیار

قەت ژمە نەهات چ  کریار

چونکو خودێ دا بو بریار

ئەو رێکا لێ چوی، رێکا مەیە

مان وژیان، نێ هەر بو تە یە

مرن هەر دەم، یا ل دیف مەیە

چ بێژی، دکەت ئەمرێ تە یە

گولەک بو ژکولیلکێت نیسانێ

بەلگ وەراندن، پێش زڤستانێ

خو ریت کر، بەر دارا کەزانێ

ئەڤروکە یە، دەمێ خاترانێ

٧-٩- ١٩٧٠ میسل

گول وبولبل

بو گولا گەشا جانا بنێڤە

بهنێ دابو مەحوایێ دلی

تا گەنگی دێ مینی بنێڤە

چونکو ژوەصفێ کاملی

تایێ بەژنێ دەیە ئالا

گوهی نا دەیە بولبلی

هەرێ دکەم نالە نالا

هەر دەم  تو یا سلی

من دڤێت بچم، نەشێم ئخسیرم

کەتیمە بەندا جان سور گولێ

رێکێ بدە، ژڤەمانێ کەسیرم

تێر بوم، ژئەوێ ژیانا تو لێ

پشتی چونێ، قەت بها نینە

ب خازی  ژجان قورەنفلێ

چونکو بولبل، یێ پر برینە

ساخ ناکەن وێ کەڤنە کولێ

 گەر من گرت رێکا نەزڤرینێ

هەر ب مینە سەرسوزا ئەوەلی

گاڤا من کرە ئنیەت بو ئەڤینێ

بێژە، تو ژ کەمالێ  بێ عاقلی

لەیل ومەجنین هەر دنالن

شەڤا وەسلێ تێک تەشقلین

مەم وزین، هەر دو یارن

مراد پشتی مرنێ حەسلی

٢٥-١٠-٢٠١٧ دهوک

ڤیان وژیان

ئەی هەوارە من چکر؟

دلێ یارێ من ژخو کر

شرین بو وەکی شەکر

یا پربها بو.. بێم بکر!

دوستا شرین من نە زانی

ژدەردێ مانێ وبێخودانی

تو ئەڤینی.... هەم ڤیانی

چەندا خوشە،خەما دانی

خەما دانی، خەما داکەی

دلێ یاری تو ژخو ناکەی

گولا گەش، ژبنێ نا کەی

مە ژئەڤینێ،جودا ناکەی

ما بەس نینە ژئەڤی رەنگی

دکەم هاوار ما حەتا گەنگی

ژیان بەسە، سەرڤی رەنگی

دوستا نەزان، پشتی جەنگی

نەکە جەنگی، گەل ژینێ

ژیان ژانە... پشتی ڤینێ

وەک ئەڤینا ستی وزینێ

ب مینە سەر وێ ئەڤینێ

ڤیانا جانێ..... دا بوهناڤا

بوم نێچیر، کەت مە داڤا

بێ بزاڤم، ئخسیرێ چاڤا

نە شێم  پاڤم قەت چ گاڤا

١٩-١- ١٩٧١ میسل

خەونەک...

خەونەک من دیت شەڤا بوری

بێ هش کرم شەنگێ دخوەنێدا

جانەک : وەکی پەری حوری

وەکی بوکێ، هات د خەم لێدا

مژ لبەر چاڤا ببو عەورەک

تاری وەکی پەردێ دبەینێدا

گاڤا هاتی جانا چاڤ بەلەک

پەردە رابو بەجارەک دگاڤێدا

من گوت کانێ وەرە هێڤە؟

شەڤ خر بوری دگەل وێدا

دەست بگەردن، لێڤ بە لێڤە

هەرمەندەهوشم، د خەیالێدا

ئەزم مەندەهوشم وەکی دینا

شپتی مەمێ، کەتم  ئەڤینێدا

دکەم گازی.... ژپر برینا

وەک برینداری دحەربێدا

بێژە:شەڤا تاری کانێ دلبەر؟

کیڤە چو؟ زێرەڤانم دهیڤیێدا

نەکر پسیارا ئەزێ قەلەندەر

حەتا گەنگی،دمینم دهزرێدا

من دوعا کر ژخودێ ئەسمانی

لمن دیارکەت شەنگێ دروژێدا

دا ب گەهمە مرادا ئەڤی جانی

 لسەر رێکا درست راستە رێدا

14-12-1971خورسیباط

نساخێ ئەڤینێ

تە ژمامبزێ چاڤ

تە ژمروڤا ناڤ

تیری ناڤ هناڤ

تە ژوی روی بەردا شلح وەک سراج

ئەی گولا گەشا بێ هەڤال

ل هەردو رویا رەشەخال

ما تە نەڤێت ئەڤ دلێ ڤال

شوربو زنجیر، لمەما دیاربو خاچ

هەڤالێ درێژکە دەستێ ڤیانێ

دا بژین پێگڤە گەل ڤێ ژیانێ

ب دەرینن سوتنێ ژڤێ گیانێ

چاڤا گرتم، ل هەمی رەخا سیاج

ئەوێ هێدی ژبانی هاتە خارە

بەر چاڤا راکر بەلەک هشارە

ریڤینگێ رێکێ تە چ پسیارە

من گوت..من نەڤێت خوک وپاچ

من دڤێت نەزەرا چاڤی

سلاڤەک، ژئەوی دەڤی

گرنژین ژ ئەوی لێڤی

دێ بێژم، ل پاشیێ کانێ ماچ

لەزێ نەکە هێشتا زی یە

نێ ئەسلێ ڤیانێ شوی یە

نوکە دەمێ ماچێ نی یە

ژئەڤرو پێڤە، ڤیان بومەیە

ئەزێ هاتم ب ڤێ ئنیەتێ

توهاتی جهێ حەزرەتێ

  بوینە دلێ موحەبەتێ

بزانە ڤیان.. رێکا مە یە

زڤریم  وەکی سەرخوشا

دهژیێم وەکی مەندەهوشا

دهێمە ڤە وەکی نە خوشا

چ بێژم، ئەی دل تە ئەڤرو چیە؟

نساخێ ڤیانێ، چ بێژم؟

دێ بینی سوتنێ درێژم

ژبەر تە دێ خو برێژم

دەرمانێ ئەڤێ ئێشێ نی یە

ئەڤە چ ئێشە، بێ دەرمان؟

ما شەرە دێ بیتە فەرمان

ما مرنە نا بیت چ یەمان

دیارە ئەڤە ئێشەکا نی یە

ئەز دبیژم ئێشا تە ئەڤینە

هندی مینی مانا تە گرینە

ب گەهنە ئێک چێ بینە

ب گرە رێکەکا دی یە

دێ گرم ، رێکا دیتنێ

دێ چینە جهێت پتنێ

خوشاد کەین بئاخڤتنێ

ئەڤە بو دلدارا یا چێ بیە

هنداڤێ ئاڤێ، رەخێ لێڤێ

ئەم روینشتن ل بنێ سێڤێ

مە گوت: دێ وەرن خێڤێ

مە دەرمانێ دلا دیتی یە

١٥-٨-١٩٧٠ میسل

 ڤیان وژیان

ئەی هەوارە من چکر؟

دلێ یارێ من ژخو کر

شرین بو وەکی شەکر

یا پربها بو.. بێم بکر!

دوستا شرین من نە زانی

ژدەردێ مانێ وخودانی

تو ئەڤینی.... هەم ڤیانی

چەندا خوشە،خەما دانی

خەما دانی، خەما داکەی

دلێ یاری تو ژخو ناکەی

گولا گەش، ژبنێ نا کەی

مە ژئەڤینێ،جودا ناکەی

ما بەس نینە ژئەڤی رەنگی

دکەم هاوار ما حەتا گەنگی

ژیان بەسە، سەرڤی رەنگی

دوستا نەزان، پشتی جەنگی

نەکە جەنگی، گەل ژینێ

ژیان ژانە... پشتی ڤینێ

وەک ئەڤینا ستی وزینێ

ب مینە سەر وێ ئەڤینێ

ڤیانا جانێ..... دا بوهناڤا

بوم نێچیر، کەت مە داڤا

بێ بزاڤم، ئخسیرێ چاڤا

نە شێم  پاڤم قەت چ گاڤا

١٩-١- ١٩٧١ میسل

 سالا خەما

پەشیمانم، دەمێ بوری

دگرێم ژدەردێ دلی

دنالم نەما، سالا خەما

رەڤی ژریکا بولبلی

دگالم گەل رەنگێت خەما

دلم: شەمالکا هەل کری

رەنگ خەلەک، چاڤ بەلەک

نەمان، دلم پرکول کری

سالا نە خوش، گەرا خەما

ژینا بێ دەنگ، بوچی سلی؟

ئەزم بێ دەنگ، بێ رەنگ

سڤک، شپتی بەلکێ چلی!

من زوی ببە، بایێ تەنا

من نە هێلە، ل ڤی واری

حەتا کەنگی، لڤی رەنگی

دێ مینم ل رەشە واری

دەمێ بوری، تاری ڤەما

بەر چی ناهێت روناهی

عەورێ کرێت، خەم ڤەرێت

دویرکر رەنگێ ساهی

کەتە بە من، پەردا مژێ

وەکی کورێ بێ بێناهی

سالا خەما، بوچی ڤەما؟

بوچی ناهێت بە دیماهی؟

١-١-١٩٧٢ میسل

ئەحمەد عەلی حەسەن

ڤێدانا ماڤێ ڤەمای.pdf