گازندە

نەما قویت وقوت

یا گوتی بابێ کور فروت

دا ب دار لبەر خو سوت

دەیکێ کچکا جان فروت

دانە ب کەزان و کەلوت

هەژارو قوت ما یە موت

ڤان هەردو چێلێت جوت

عیروی، گوهان لێ دوت

د کەتە سەرتیک دخوت

هەژارو، قوت ما یە موت

سەرگین تە لبەرخو سوت

تە نەما کار، تە نینە جوت

تە نینە زاد، تە نینە قوت

هەژارو، قوت ما یە موت

عویروی خر دزی وفروت

خار دگەل نەهنگ وحوت

دا بچەرەز وگەزو کەلوت

هەژارو، قوت ما یە موت

یا تە هەی، تە خر فروت

ژینا هشک وەسا هاژوت

شەلێ دریای نەما قاپوت

هەژارو، قوت ما یە موت

ئاگر هەلکر دانە بن بزوت

مەهێت سار بەرخو سوت

پێ تە هەر دو کرنە جوت

هەژارو، قوت ما یە موت

حویتەک بونە هزار جوت

خوین مێت زاخا تە دوت

مەگوت، کالا ژی وەگوت

هەژارو، قوت ما یە موت

پێ سەر ئاخا گەرم سوت

زکوی، رکسزا خوهاژوت

گرتن گر،خڕ کرنە کزوت

گوتن .. قوت ما یە موت

شیر دگەل هێڤێنی فروت

گاڤێ تە هەمی کرنە لوت

ژارو : کفنێ تە ژی سوت

هەژارو،قوت ما یە موت

چو جوت، تە نەما کزوت

زلپ و زوها، ما یە روت

گڤاشت، بشافت خڕ دوت

هەژارو ، قوت ما یە موت

نە هەیهات، نە هەی هوت

گورگێ هاتی دێ تە خوت

پەقیژک ل تە کرینە بوت

هەژارو، قوت ما یە موت

ئێش ودەرد، خلت وخوت

چاڤ گرتن دانە بەر فوت

نەبینی دەما دهێت بزوت

هەژارو ، قوت ما یە موت

میهـ دوت. دکێشیت چروت

بر مازوت، گاز خڕ فروت

هاروت،کا خزینا ماروت؟

خزین ڤالابو ، بو هەلەبوت

موچە نەهاتن، پیش سوت

ژینا هەژاروی بو زەقنەبوت

دێ کیڤە چی، کیڤە دەروت؟

13 \ 5 \ 2016

کەرێ لەنگ

من زانی کەر ژکیرێ لەنگی

نا بێژم، ژخویە، یا بێ مفایە

دەما تو مای مت وبێ دەنگی

ئالیک پیشە قرشە خڕ گیایە

قەرتە هات شداندن بتەنگی

رێ هەر رێلە، کەڤر وچیایە

حەتا دمری سەر ڤی رەنگی

بەزینە چار گاڤا سەر پیا یە

ژیار وەسا بۆری ب ژەنگی

قوتانە، هاژوتنە، ب چیڤایە

گوهـشۆری کولی تا گەنگی؟

شەرم وحەیا دسەری نەمایە

بکە پێ کولێ بکە جەنگی

جەهـ بریا، دجهۆری کایە

ب لنگی گرێدای ل سنگی

کەرو ما ژیان یا وەسا یە

دادان پاتکێ زەردە ستنگی

ئارین گەهشت ناڤ گەهایە

کەرب وکینا هەودا پەنگی

دەربینە، پەقینە، چ نە مایە

٢٠-٥-٢٠٢٠ – دهوک – ئەحمەد عەلی