گرفتاری

گرفتاری

هەلبەست وگرفتاری

برا هێلا

خیشکا منا هێژا تە بارکر تە برا هێلا

تە دل نەشتەرکر وەکی زەڤیێ تە کێلا

روندکێت من بارین کەتنە سەر سمبێلا

ئاگرێ دهناڤا یی بویە نانێ سەر سێلا

چاڤ مانە تاری ژیان لبەرمن تە شێلا

پشتی تە دێ بم پەپیک کەڤ مە رێلا

نقوکرم دەریا مەزن خندقیم برم پیلا

خەما تە بەلاڤ بو ل سەر لاو وسنێلا

دلێت وان هاتنە سوتن شبەت گورێلا

برا هێلا هلاوستی سەر رست وتێلا

١-٥-٢٠١٦ دهوک

جەژنا خەما

جەژن ئاخ بو تە جەژن

ب چێ خەمل و کوک هاتی جەژن

سەودا سەرم دەر بەدەرم

هەست وهش ل بەر من یێ دهژن

ژینا رەنگین بەر چاڤا ، موران ومژن

کوزیرک کەفتە حەفکێ

هێلا جەرگ ودل ب سوژن

ژ گرینێ هەر دو چاڤ دەمە برژن

چەنگ وپەرێت مرنێ خو داکێشا

ل دور مە هەرێت قژن

دلەپیدا گورزن ، دناڤ دەستی هەژن

نەهیلانە ، بەرزەبونە ، نەمانە

ب نهینیێ جانی دکوژن

٦- ٧ - ٢٠١٦ دهوک

سەردار حەسەن ئاغا

( رەحمەتا خودێ لێ بیت )

هێژا تە وەغەرکر ژبەرمرنا تە ئەمن نەچار

نەبی پە شیمانێ دنێ نک وی ئەمن هەژار

سەردار جهێ تە بەهشتە نک خودێ غەفار

مه لاڤە ژمەزنی لتە خوش کەت ئەوی وار

لاڤا بابێ.. ساخ یان مری

مینا کچا من دێ روینم لبەر دەری

دێ کەم و بێژم هەر دێ کەم گری

ژخودێ دوعایە گەل پێغەمبەری

دەمەک نێزیک دیاربی ب زڤری

ب هەردو چەنگا ژدەف مە فری

ئەرد هاتە کەلاشتن تێداغەوری

ئەلهوی خو ل تەدا تو کیڤە بری

من ژ خودێ لاڤە ساخ یان مری

تە ببینم ب ئەڤان چاڤێت سوحری

جەرگێ دەیکی سوت وکوزری

باژیرێ دهوکێ ژ بەر تە قەهری

هەمیا داخاز ولاڤە ل مە ڤەگەری

بێیە ڤە، تە ببینم ل بەر ڤی دەری

یاریا بکەی ب کەنی بکەی گری

١٥ - ٦ - ٢٠١٦ دهوکا خەمگین

مینا .. دلێ خەمگینا

مینا ئەڤ خەمە تە بومە ژ کیڤە ئینا

کەس وکارێ تە مان وەک هارودینا

تە سوت دلێ دەیبابا مە خرخەمگینا

خەم بەلاڤ بو لسەر ژار وزەنگینا

بەرزەبونا تە ب هەستا مە ڤە نیسا

بشکێت دەستێ دریژ، دەستێ پیسا

کیڤە چی ژ کنفا خودێ ووەریسا

دێ کەڤیە خەفکێ دی کەڤیە دیسا

قەتاند مینا گەش ژحەودا گولا

بری ژبەرچاڤا، ڤەشارتی ژدلا

ل تە دگەرین رەخێت گر وملا

هیڤیا مە بکەڤی بەرچاڤێت زلا

١٦ - ٦ - ٢٠١٦ دهوک