کەسانی

 پەیاما حاکم گورانی

هەی هو مامو حاکم گوران

تە ژوی ناڤێ بەرز وگران

سێ تشت تە کربونە نیشان

بو وان تە خۆ کرە قوربان

ب ئەڤێ پەیامێ ژغەریبیان

ل پشت خۆ هێلان خوشیان

وی مال دانابو سەرێ چیان

ئەڤە سوزە بو هەوە هەمیان

هاوارا ب گەهینن هەوارێ

بریارە لێ ڤە نابم ژقەرارێ

ل ڤێرێ قەت ناهێم خوارێ

حەتا دەنگ بگەهیتە گارێ

هەمیا بهیست ئەوا تە گوتی

گای ب زۆری نەبەن جوتی

ناهێت کرین ، یا مە فروتی

ما بەس نینە، ئاگرێ بزوتی

گازیا تە بڤی دەنگێ رەوان

گەهشتە گەلی ودول وریان

کەوی گەهاندە پەز کویڤیان

لدەف هندەکا نەکر چ زیان

تە بەلاڤکربو ئەوا تە ڤیای

لدەمێ تە خیڤەتا خۆ ڤەدای

ل سەر ئەوی شاخێ چیای

بژیابو خوین ل سەر گیای

زۆر رێزی یان ئێک رێزی

لەوا ماین خاڤ ژبێ هێزی

دژی، گەل براکوژی ودزی

قەت پەیدا ناکەت چاکسازی

ئێکررێزی دو نە، ئێک نینە

چاکسازی توڤە لواری بژینە

سەرخۆبون ئومیدن نەهاتینە

لەوا دوژمن دۆر مە جەمینە

وەی مخابن سەد جارا مخابن

چ جارا گاریتە ژکفرا رانابن

سەرخوبوون قەت وەسا نابن

دژاتی دناڤ مللەتیدا هومابن

مالا کوردی ب ئێک گرتنێ

دهێتە ئاڤاکرن، نە ب گوتنێ

نە بگەفا یان ژی ب سوتنێ

ب تێگەهشتنێ، نە بکوشتنێ

قازیێ بچیکا، خۆ خندقاندی

حاکمی بخۆ قەبرخۆ چاندی

پەیامەک، براستی گەهاندی

برەوانی بو جیهانێ شاندی

دێ ئەڤێ بێژم وهەر ڤە گێرم

سەر بێدەرا بجەنجەرێ گێرم

ڤێ نامێ دئاشیدا دێ ڤەهێرم

خۆکوژم، وێرەکم، ناڤەشێرم

٣-٥-٢٠١٩ – دهوک – ئەحمەد عەلی حەسەن 

کورێ وەلاتی

وەحید کورێ وەلاتی

ناڤ دوسکیا رابو بابو شێرەک

ناڤێ خو نڤێسی لسەر چەپەری

چەلەنگە ب هەیبەتە ، زیرەک

سەهم کربو سەرێ داگێرکری

پرە ژخەسلەتا بەرزە مێرەک

بدەنگێ بلند لدوژمنی خوری

ناڤ هەستا مللەتی بو دلێرەک

نە بێژن ناڤ گوری یێ مری

زندییە، ساخە شاهدە باژێرەک

رحا د فریت لسەر سەنگەری

حنێر وناڤێ تە کربو گوهێرەک

خەما تە ب کەیف شادی کری

ئەڤە شێرە شێرێ بارزانە

لدەف سەروکی جهێ کری

مێرخاسە پارێزێ سنورانە

دوژمن بەزینە، وێڤە بری

وەحیدە ئەو بابێ کورانە

ب قەهرەمانی ناڤێ بری

لێ هەبو جەرگێ شێرانە

ترسێ خو ژ هزرێ بری

ئەڤرو ئەو مەیدان یا مێرانە

وەحیدی جهێ خو تێدا کری

دوژمنی ژبەرغار وبازدانە

دەما دور پێچ دکەت زڤری

سەرزەنگە دگەل خۆبەشانە

گەنج وتولاز، گەل خو بری

جحێلێت مللەتی لێ جەمیانە

دوژمنی بدەست ولەپا دگری

 گەهشتی کاروانێ شەهیدانە

ئەڤیندارا تو بریە سەرێ گری

ل وێری بو تە کربو شەهیانە

ناڤ دلێ وەلاتی قەت نامری

دسەربلندن دەیکێت شەهیدانە

لاوێت وان مەرگ پێشڤە بری

سەرڤان دول ودەشت وچیانە

دوژمنێ چەپەل پاش ڤە بری

خرا دا یە تە سوز وپەیمانە

ناڤێ تە ب نەخشی چێکری

بنەخشێ خوینا وان مێرانە

بو کوردا خو قوربان کری

خو قوربان کری

خو قوربان کری

٦-٢-٢٠١٧ - دهوک -  ئەحمەد عەلی

دوژمن بەزین

ڤێ شاخکێ گازیەک راهێلا

دەنگ ڤەدا ل گەلی وکێلا

لناڤ خاکی، گەنج وسنێلا

ئەڤرو قارەمانەک داهێلا

بخەمخۆری سەروکی شاند

نامەک گەڵ کوری گەهاند

ناڤ خرا بەلاڤ بو گێراند

بابێ ب دڵ خوشی ستاند

چرایێ وی ڤەدا ل شندوخا

جەماندن خودانێت چوخا

ب گرێدەن کالک وشروخا

دوژمنی بێخنە بارەدوخا

جحێلێت ڤێ زرک وماسیکا

گەل تولازێت ل نیڤا سویکا

گێراند ب دەست ونەینیکا

شێرێ لاتێ بڤینا دەلالیکا 

خوشتڤیێت ئیتیت ونزارکێ

جابدا مێر خاسێت صارکێ

پێ ب حەسینن کورەمارکێ

کورێ وەلاتی ببن شاخکێ

گەلو شەهیانە یا نژی نیهارە

سەر دار بەستی یێ هشیارە

 ناڤ هشا مللەتی یێ دیارە

پێ شاهدە ئەڤ سپنە وگارە

هەر چار کنارێت کوردستانێ

بو مێرچاکی بکەن شەهیانێ

سپێدەکا زوی د گەڵ بەیانێ

ب سەربلندی ببەن مەیدانێ

دهێتن ژشویارێ پەیتە زاڤا

د کەتن قەستا نێچیر و راڤا

دشەرادا نەکەڤتی یە چ داڤا

دژێ وەلاتی ئێخست بو لاڤا

دژی تیرورێ، دوژمن بەزینە

ل سەر سەنگەرا دکر خورینە

نەبو یەمان دژێ دەڤ خوینە

هەر دەم دکرن بەز ورەڤینە

هەر دێ مینی دناڤ هەستان

بەر مرنا تەخر رەق راوستان

خرا گریدان گوڤەندا دەستان

ب تە دبێژن ستران وپەستان

٢٣-٢-٢٠١٧ - دهوک - ئەحمەد عەلی

سلاڤ رێز

دێ سوزێ دەم ژنیڤا دلی بو خر ئەنداما

بچێک ومەزن بو هەمی پسمام ودوتماما

پێش چاڤ کەین باشیا ژخر رەنگ وتاما

سلاڤ بو وە بکوردی، بعەرەبی سەلاما

بویکا سالێ: چارشەمبا سۆر

جەژنا ئێزدیا

ڤەهاندا: هەلبەسڤان: ئەحمەد عەلی

 چارشەمبا سۆر ل مەها نیسانێ

 رەونەقا وێ دا خڕ کوردستانێ

بهارا جوان گەش دکەت ژیانێ

لاوا جەماندن کولیلکێت رەنگین

زەرومۆروسۆر ژرەنگێ خوین

خەملاند کەسکاتیێ ئاخ وزەمین

چارشەمبا سۆر ژوانرا جەژنە

دیارە لئاهەنگێ قامەت وبەژنە

کچ وکوران، پیروکالان هەژنە

جەژن دهێت ل سەرێ سالێ

کەیف وخوشی دکەڤیتە مالێ

مە هیڤییە بمینیت ل ڤێ حالێ

ئێزدی ب ڤێ جەژنێ دشادن

سەر خاکا کوردان د ئازادن

بەختەوەرن بکەیفن دلشادن

خەلکێ مە خڕ ئاشتی خازن

دکەن داخازێ ژخودێ مازن

گەل خوشیێ رابن وب رازن

٢٠- ٤- ٢٠١٩ – دهوک – ئەحمەد عەلی