نیشتیمانی

s

ڤێ هوزانا دەنگ دانێ دکەمە دیاری بو خر مللەتێ کورد ل جیهانێ بو را پرسیێ گشت پرسیێ بو ریفروندوما دەولەتیێ ل کوردستانا عیراقێ ل روژا ٢٥ پێنجێ ئەیلونێ ٢٠١٧ دێ:

بەلێ پێژە بەلێ

کوردو کی یە؟ دبێژیت نەخێر

بلا سەری شۆرکەت، بەر دەرێ تە

بێژنێ بەسە چنە : بێ خێر

نەخێر یا دژە، یا چاڤ رژە

ئاستەنگە، دکەڤتە بەر کنارێ تە

دوژمن دژە یا تە: گژ گژە

خو روی رەش نەکە دژو

بیە سنگ دگەل دژی بڤی کارێ تە

حەتا حەتایێ چاڤ رژو

بەلێ بەلێ خر بێژن بەلێ

دا دوژمن جارەکا دی بەرێ تە

نە دەت وێ دەشتا چەلێ

پر زاخ وهێز ، بێژە ئەرێ

دا دوژمن: جارەکا دی بەرێ تە

نە دەتە وێ نهالا گەڤەرێ

خو پڕ شادکە، ئەڤێ گەرێ

دا دوژو نەبیت سنگ بەر دەرێ تە

تە پاڤێت بەر دەڤێ شەفرێ

نەهێلە بزۆری، بسەر شۆری

سەر وپشتێ ب چەمینی، بەرێ تە

ب دەتە باشۆری دناڤ گۆری

بو روژا گشت پرسیی بدە دەنگی

خرمللەت یێ ل هیڤیا دەڤ وزارێ تە

دهینیت بهایێ دێ کەت سەنگی

نەبو چ لایایە ڤێ بزانە باش

ئەڤ دەنگە بو ژار وهەژارێ تە

نە ئێنە سەر خو ناڤێ جاش

کەڤنە دویروکێ نەبە ژبیرێ

نوکە، ئیستا، نهو: دهلینیت بارێ تە

ناهێلیت ترس وژار وژیرێ

جیهان یێ ل هیڤیا ڤێ بریارێ

حەتا چەندێ دشەقینیت ئەو دارێ تە

دا بژین: خوش کەین ژیارێ

ئارمانجێ بخو بکە نیشان

رابە ئەڤرۆ گوک کەتە بەر دارێ تە

هەلسە، هلو ژخەوا گران

خو موکمکە ، یەک دلکە

قەت ژبیر نەکە ئەوا هاتی سەرێ تە

ب یەکبونێ : چاڤا لێ زلکە

خاکێ سۆرکری خوینا شەهیدا

دا لاو گەش ببیت ئەڤ جانە وارێ تە

بەلا- تە- دگرنژینیت دگۆریدا

بەلێ وئەرێ، دێ ئینن خەلاتی

دا پەلاڤ کەت سەر چیا وکەڤرێ تە

دا تیروژک ڤەدەت ل خر وەلاتی

بابێ کر- کۆرێ دکەت بزاڤێ

دگەل مللەتی، نوکە کەتە بەرێ تە

دا ڤەگێرین وی بەرزە ماڤی

دژو دوژمنا پێگڤە پێ کولە

دڤێن تە نەهشکەن، گێژکەن سەرێ تە

تە پاشڤە ببەن ڤەگێرن : تولە

سەروکێ مە ب دەنگەکێ رەوان

ئومیدا کوردان، گەهاندە یار ونەیارێ تە

گوت : یان نەمان یان کوردستان

٣٠-٨-٢٠١٧ دهوک

دەنگێ فیرفیرکا بولبولی

ئەی ئەصمەعیێ میسلی

جارەکا دی ڤەگێرە

صوت صەفیرالبولبولی

دگوهیدا بێژە.. ڤەگێرە

دەنگێ فیرفیرکا بولبولی

بو ڤی گوه نە سمتی

ڤی چاڤ زلی .. مەژی حولی

دا گوه بدەتە دەنگێ کەوێ رەوان

هنداڤی چیا لسەر دارا چولی

هاتن سوتن سۆز وپەیمان

دگەل وان نەما ئەمان

جاراەکا دی ئەصمەعیوو

تەق تەقێ ژێ بینە

کەعکەعا تێ وەرینە

تەب تەبا ژێ بفرینە

بێژێ بەسە گورگێ دەڤ خوین

ئەون خودانێت چوخا، دوخین

تە کەنە برمیت وئار وپوخین

بێژێ ئو ڤێ گوتنێ برێژێ

کەوێ کوردێ دقەبیت

دێ بێژیت بەلێ بەلی

بو سەر خوبونێ ژنیڤا دلی

لێ بخورە، لێ بخۆرە

لێ بکە گەف وگۆرە

دا بەتال کەت ڤێ حرحرە

بێژێ هندی کورد هەبیت

سەر ڤێ ئاخێ نا قولپیت

سەر ڤی خاکی نا لڤلڤیت

دێ هەر سەرکەڤیت

دێ هەر مینی مارێ بن گلگلی

وەک قەلە رەشکێ ب دمێ پیس

دگەل قەلێت چاڤ خویس

ب نکلی ... ب نکلی

ڤەددەن خەفک ودیس

بەر شێرێت ڤی وەلاتی

پێشمەرگێت سەر گر ولاتی

جانێ خو کریە خەلاتی

سەر ڤان سنۆرا ل دۆرێت گەلی

بێژێ بەسە ما حەتا کەنگی

دێ مینی ل سەر ئەڤی رەنگی

ب عرەبانێ ل دیف وان لەنگی

بەرێ وان بدەیە چەلو بەر چەلی

ئەڤ جارە دۆرا خانێ دلسوژە

بێژێ ل کوردان هەلات روژە

رابە، هەلسە ژخەوا گران

ڤەدە ژچاڤان، مژو مۆران

بێژێ کوردو تە یێ هەی

ڤێ هەلێ سەروکەک

قەهرەمانەک .. رێبەرەک

تە یێ هەی خودانەک

جهی خو یێ کری ل نیڤا دلی

بێژێ خو هشیارکە

خو ب راستی کارکە

دەنگێ خو دیارکە

خو ئاشتکە بەسە توند وسلی

ل دۆر تە خر دوژمنن، نەیارن

یێ دخەبتن ، بدەڤی دزارن

ژەهر وکین ژێ دبارن

دێ ل دیف تە کەڤن بحێشترێ

ل پشتا جەمەلێ، ئو ئبلی

چەنگێت قژکرن

لەپێت گژکرن

رمێت تیژکرن

وی تەیرێ کولکولی

یێ دکەن ودبێژن

دڤەگێرن: هەلبەستا کەڤن

قەوانا: دەنگێ فیرفیرکا بولبولی

جارەکا دی ئەصمەعیوو

وێ هەلبەستێ بو وان ڤەگێرە

"زک برسێ دوهی، تێرێ ئەڤرۆ"

بزمانەکێ رەوان، بو تە خێرە

صوت صەفیرێ البولبولی

بو وان حشکە نەزانا

مەژی رەقا.. ئەنی دەقا

خودانێت کێم ئاقلی

١٤-٩-٢٠١٧ دهوک

هات فروتن

کورو دینو، کچێ دینێ

جارەکا دی کولا هەودا

دل کەتە خەمگینێ

چاڤ کەتنە بەر گرینێ

ئەڤرۆ ئەزێ بێ هشم

سەودا سەرم مەندەهوشم

دەما من زانی خوفروشان

بئەرزانی تو دایە پیسا

جارەکا دی ب تەڤن ودیسا

روینشتن دبن کەڤنە لیسا

خۆڕییا بسەر شۆری

شبتی دەمێ بۆری

چاڤ نقاندن، چاڤ خیسا

دەست وپێ ل تە گرتن ب وەریسا

تو دایە دوژمنا ب زۆری

پشتی مامو کەڤتی بن گۆری

پەیڤا قودسو ... ئەقداسا!

دلێ کوردستانێ!

ئەی جانا جیهانێ

حشکبو سەر ئەزمانی

کەتە بن کەڤرەکی گەورە

ئێخستە بن بەرزە بەری

هاتە نخاڤتن، هاتە گڤاشتن

ئاخ رادانە سەر.. ب لیهاسا

سوز وپەیمان هاڤێتن بەردەری

ئالا دانان بەر کێر وداسا

سوت ودراند وهنجنی

بەر چاڤێت نەنیاسا

گوتن ئەم وەستیان ئەم ماندینە

بەسە ناکەین جەنگ و شەری

کورو خانو، کچێ جانێ

حەتا کەنگی دکەڤیە لەپێ پیسا

خیانەت ب تەڤە نیسیت

ب تەڤە مینیت، ب تەڤە نیسا

ناڤێ تە گە‌هشت بو ئەسمانی

روناهیا روژێ ل مە تەییسا

کێ دیتی یە ل ڤی دەور وزەمانی

بهێن سەر ئاخا کوردا

ب دیف مە بکەڤن دەحشو

وەک کمکما وەک مارگیسا

دەرکەڤتن ژکونا ، ژقەسیسا

هو دەحشو، هو مەحشێ

چاک بزانە ئو برەوانی

دل نامریت، قودس دێ مینیت

ساخ بەر چاڤا... ڤەگێرینیت

دێ رحێ دگەل گیانی

کەینە گۆری کەینە قۆربانی

بەر تە جانێ، خان ومانێ

ژیانا وان کەینە کفن وجانگ وتەلیسا

بو وان نەبن چ بەرەڤان وپشتگر

نە مینن دوست وهوگر

گورێ وان دانین ل بابە گورگر

حوسەین بو نەکەت شەفاعەتێ

میسا نەدەت وان بەرائەتێ

خو ژێ بکریت پێغەمبەرێ عیسا

روژا حەشر وقیامەتێ

نەبینن بەحشت وجەننەتێ

خودێ بێژیت ل ڤێرێ نینە

جهێ چەپەلی، جهێ پیسا

ئەوێت ڤەداین ل بەر تە

خەفک وتەپکا نەعلەتێ

دگەل تەلهو دیسا

١٨-١٠-٢٠١٧ دهوک

ئەحمەد عەلی حەسەن

دەنگێ مە

گەلو هوین هەمی ژخەو رابن گەلو

کەس نەمینیت خر پێگڤە بێژن بەلو

وەرە عەلو دا بچین سلو رابە خەلو

دەنگا بلندکەین ، خو ئاشت کە سلو

خەلکو گوک کەتە بەر تە بدە بریار

خو دیارکە بو دوژمنی نە مینی سار

بێژە ئەرێ ، بێژە بەلی بدەڤ و زار

ئەڤێ بگەهینە خرا بدەنگەکێ دژوار

وەلات ل هیڤیا تە یە تو بێژی ئەرێ

هێز و شیانا دیارکە ژدل بینە دەرێ

ستی بێژە حەلێ خو هشیارکە پەرێ

ئەڤرو روژ روژا مە یە چو یا بەرێ

گەلی کوردا دەم هات بو سەرخوبونێ

ژدەست نەکەن ڤێ گازیێ بو هەبونێ

گەنج وتولاز ، پیر وکال خر چونێ

کوردو ڤێ دەلیڤێ بکەی روژا بونێ

11- 5 - 2016 - دهوك

ئەرێ وبەلێ

ب پیا هەرە، دو تبلا درێژکە

ئەرێ وبەلێ بدەنگی درێژکە

سەهمێ بشینە ب دەڤی گێژکە

ئە ، ئەرێ، وەیە بێژن بەلێ

کا کاریا چولی ، کا یا کەلێ

گوهبدە قەبا کەوی نەیا قەلێ

بەریا خوش سەر پەلا بخون

ئو بێژن بەلێ، بو سەربخون

چنکی مە گەلەکا دای خون

مەدڤێت بژین بسەر فەرازی

ب دەنگێ بلند، بکەین گازی

خربزانن ژدلە ئەڤ داخازی

٢١-٨-٢٠١٧ دهوک

دهوک دبێژیت

بەلێ هزار جارا بەلێ

گەل کەوا دقەبم لکەلێ

ڤێ چارێ ئەڤێ هەلێ

گوه نادەم دەنگێ قەلێ

بو سەر بوخونا کوردا

ژمە ببەت ئێش ودەردا

نا هێلینیت پیسە مێردا

نەکەن سەر مە جەردا

بینن ماڤێ مە براستی

خەونا کوردا بدرستی

وا کەتی دناڤ هەستی

ب کەینە دنیڤا دەستی

ل ڤێ هیڤیێ مەه وسالا

شەرێ مە بشیر ومەتالا

ل هەر چار کنار وئالا

گەل خردوست وهەڤالا

ماڤ هاتە بەرف چنینێ

گەلی کوردا دا ب چینێ

مە یێ ئینای ب خوینێ

دەرمان ببن شینا برینی

١٦-٩-٢٠١٧ دهوک

بگرە شیرەتی

کوردم یێ سەر بلندم

خر ڤێ دزانن چەندم

بێ قەیدم وبێ بەندم

چەکێ ل سەر زەندم

گوڤەند:ل سەر چیایە

شەر ب زەند ولەپایە

دوژمنێ مە بەر پیایە

رێنەرین: لخر ریایە

دژوو خو نە ڤە نیسە

ڤە نە دە تەلهو دیسە

خاک: بو تە نە لیسە

ئاخا پاک نەکە پیسە

نەکە ڤان گۆر وگەفا

بلندکەی دەنگێ دەفا

خودانێت شاش ولفا

ترسێ لنک نینە مفا

زۆرا ل پێش تە وەکر

کراسێ مرنێ لخوکر

خولی بسەری وەرکر

ئەڤ دەرسە ژبیرکر

دێ دەینە تە فورسەتێ

چاک بگرە ڤێ شیرەتێ

ژ لەپی نە کە دەرفەتێ

نە ئینە سەری قوبحەتێ

١٧-٩-٢٠١٧ دهوک

دیاری بو دلسوژێ کوردستانێ ئوسمان بایدەمیر

ئو هەر کوردەکێ دلسوژ

کوردستان یا دلێ مندا

ئوسمان تە بو وان رونکر ب ئەزمانێ رەوان

دەما وێ ژنا بێ هەتکا، پیسا، چەپەلا نەزان

گوتی وڤەگێرا، کا دکەڤیتە کیرێ کوردستان؟

تە دەستێ راستێ درێژکر دابو سێنگ وگیان

کوردستان یا لڤێرێ، دناڤ دلێ منو کوردان

بایدەمیرێ کورد تومێری مێرەرکێ قارەمان

تە وەسا بلندکر سەر دلی ئەو دەستێ خوپان

خوینا سۆر بو وی جهی تە جان کرە نیشان

بئەڤێ چەندێ تە خو برە پێش وکرە قوربان

تە نویکر گوتنا کەڤن:کوردستان یان نەمان

شوینا ئاخێ یە، ئوجهێ داخێ یە، بێ گومان

ژبیرا هەوە نەچیت شورەشا سەعیدێ پیران

بینن هزرێ زاخ وبزاڤێت میرێت بەدرخان

ئامەد ووان خاکا کوردان گەل جزیرا بوتان

هوین توخمێ بەکەروکینە سەر مەمێ ئالان

ئەحمەدێ خانێ مر بوان کەسەر وکوڤان

نڤێسیبو ب قەلەمی ئەو ئومیدا هندا گران

خودێ ژئەزەل وەساکر لمە ببن فەرمان

دورپێچبن ژعەرەب وتورک وعەجەمان

کارێ مە هەربیت شەروجەنگ ولێکدان

١٤-١٢-٢٠١٧ دهوک ئەحمەد عەلی

شەهیدێ کوردستانێ

شەعبانی ب دەنگێ نزم گوتبوو دەیکێ مرن چێترە

ژ ژیانا بن دەست، چنکی وەلات ژمە خرا شرینترە

ئەم هەمی ببن قوربان ژسەر شۆریێ زۆرخوشترە

بیرهاتنا مە بو زاروکیت کوردان گەشبیت، رونترە

دیروکا کوردان یا کویر ودویرە ژدوژمنی کەڤنترە

کنف و وەریس وسێدار وقنارە بو شەهیدان فەرترە

٢٠-٩-٢٠١٨ - دهوک

صەبریا هەکاری هەلبەستڤانا نەمر

ئەم هەمی دخەمبارن ژبەر وەغەرکرنا رێزدار(صەبریا هەکاری) هەڤژینا شەهیدێ کوردستانێ (شەعبان بەرواری) - رەحمەتی هەلبەستڤانەکا هێژابو وقەدرگرانبوو، ژمالباتەکا خەباتکار وبنەمالەکا وکورد پەروەرە و دێ هەر مینن سەر ڤێ شوپێ ورێبازێ، جهێ وێ بەحشت بیت.

ب هەلکەڤتنا رێورەسمێت ساخکرنا چلینیا ھەلبەستڤانا نەمر (صەبریا هەکاری). ئەز وەک هوزانڤانەکێ کورد ئەڤێ هەلبەستا خەمگین پێشکێشی مالبات وهەمی وکەس وکارێت وێ دکەم.

٦-١٢-٢٠١٩ - دهوک

هەلبەستڤانا نەمر

دەنگێ هەلبەستڤانا نەمر ڤەمری

خەم وکوڤان ل دەڤەرێ بژییا

کچ وکوران لێ کر گری

دەما بهیستی ستێرا گەش رژییا

چەرخ وفەلەک ل واری زڤری

پەیڤێت رەوان سەر پەرا هژییا

دژو ژکەرب وکینیێ مری

دناڤ گوریا کومرێ سوژییا

ل نک مە هێژایە، پەرێ سەری

دمینیت هەژی، ل دەف هەژییا

گوتن وشیرەت ژدەڤی فری

ل سەر پەر ونڤشتوکان نژییا

ل زاروکا رەوشتا جهێ کری

رم وتیرن ل سەر خڕ دژییا

ناڤ ودەنگێت هێژا ژێ رابری

دێ هەر کەن وبێژن هو ژییا

رەفتارا چەماند سەرێ داگری

بژاندن ل چار کنار وکوژییا

هەکارێ دەنگ ڤەدا تو نامری

ساخی ناڤ دلی، دخوینێدا بژییا

٢٧- ١٠- ٢٠١٩

ئەحمەد عەلی - دهوک

مللەتێ کورد

مللەتێ کورد زیندی یە، ساخە

قەت نا مریت

یێ ب ئێش ودەرد و پڕ داخە

بەلێ نا گریت

دژیت ل سەر گر وچیا وشاخە

تێدا نا فریت

هەریێ ب هێز وشیان وزاخە

بەلێ نا بریت

دەمخازە، هەڤالێ کات وچاخە

دێ هەر خۆریت

دێ مینیت ل سەر خاک وئاخە

خۆ پێڤە دگریت

کومرە .. بێدەرە .. مشتاخە

ڤەرێژە لێک دزڤریت

ژدوژمنی دئینیت ئوخ وئاخە

ب قەهرێ دمریت

ل دوستی ئاخە، ل دژی داخە

دەما ژێ دعنریت

بزوتێ گەشە، ئاتەشە دوزەخە

قەت نا ڤەمریت

قەت نا ڤەمریت

٢٤-٩-٢٠١٩ – دهوک – ئەحمەد عەلی

ل بیرهاتنا ریفراندومێ

خوشمێر دهونە

ل نیڤا بەرلەمانی

راوستا وەکی شێرا

وی چاک دزانی

دێ هێتە کوشتن ب کێرا

رحا شرین دگەل گیانی

دا بەر تەعن وتیرا

دیارکر ل جیهانێ

دچەپەلن ژباب وباپیرا

خڕ دزانن یا تە گوتی

هەمی کەس نە شێن بێژن

کوژەکن دژەکن لوتی

ل هەمی دەمان خوین رێژن

داگێرن ئاخا کوردا سوتی

دکەڤندا بزاڤ وهێز مێژن

چ مە ب سوژن بزوتی

یان ل سەر سێلێ برێژن

کوردن نەمردن پێ گوتی

ساخن ب داخن پێ دبێژن

تە راسگوت

دەڤ وئەزمان ل تە خوشبیت

راستبیژ دڤێت هەرێ هوبیت

کریار ورزگار وسەربخوبیت

پەیاما تە ل خڕ دنێ هاتە بژاندن

هولا تورکا پێگڤە تێک هەژاندن

ترس ولەرز د گیانیدا گژگژاندن

وان داخازا مرنا تە کر

دا یە بەر کوشتنێ

قەتلێ تە حەلالکر

ستوکر دا بەر کەلاشتنێ

خوینا تە بەلاڤکر

خوینمێژا دا بەر مێشتنێ

٢٦-١٠- ٢٠١٩ خەرپیت (ئەزک) تورکیا

ئەحمەد عەلی حەسەن

دیاری بو راستی بێژێ کورد بەرلەمانتار (فەرهاد ئینجو)

چرایە مەهاباد

ل نیڤا چار چرا

ل مەهابادێ

ئالایێ کوردان

راکرن وگێرا

ل سەرێ ریان وجادێ

ب ئێک دەنگ دژی بێ دادێ

وەک خویشک وبرا

ب سۆز وسویند وپەیمان

دەرێ خیانەتێ ل دوژمنی

گرت ودا ئێخست وگرێدا

سرودا ئەی رەقیب ب تەویک لێدا

غەونی دارا ئازادی

دا دیسا دوژمنی رادی

رەوشەن وگەشبو وەلات

دەما وان جان کریە خەلات

هزار نەعلەت ل تەبن ئستعمارێ

بێ سۆزێ بێ قەرارێ

رونیا مومێ ناکەت ڤەمارێ

ل گەنج وتولازان هەلات

ئاگرێ وێ دێ بیتە ئاتەش

هەر دێ مینیت گەش

رویێ دژی ب کەتە رەش

وەلات رەوشەنبیت

شادمان وئازاد بیت

١٢-١٢-٢٠٢٠ – دهوک – ئەحمەد عەلی