ڤینداری

ئەڤینا دلسوژێ

دیسا من ژدلی بەردا ئاهەک

گاڤا زڤری هزرا دل سوژێ

وێ دل ژمن برئەوێ روژێ

ئەڤرو هناڤ سوتن بەداخەک

پیگڤە چوین سەر رێکا دلا

ئەڤیدارێ وێمە ژعشقا دنێ

من نەزانی من دهێلێت پتنێ

بی هەڤال، دناڤ ژان وکولا

ژدل چوم، هنداڤی ئەوی ئاڤێ

هزرکر مەلەڤانم دێ برکەم

من نەزانی ژهەیبەتێ چبکەم

دناڤ پێلا بزاڤکر ئەوێ گاڤێ

ژوێ داخ ، ژمن ئاخ وئەلەم

یا دایە دور من شپتی غومام

ئەز دناڤدا هەربێ مەفەر مام

دکەم هاوار کانێ ئەو بەلەم؟

چەند شەڤ بورین مام بێ نڤستن

دنالم بو وێ گولا بەلک وەراندی

دناڤ گولا، تایێ بەژنێ جەماندی

ژیان، بوچی تە دل دویر ئێخستن

ژیان، دێ هێت ئەو بهارا مەژی

جهێت برینا، لێ بکەین ئاڤا گولا

جەمینن هەڤالا ژهەمی رەخ وملا

بکەیفێ، دا گەشببن دلێت مەژی

٩-٣-١٩٧١ میسل

دلێ من...

دلم ..چەرخ فەلەک

زڤری بوش..

هاتم وارێ..دوست ویارا

کەتم وێرێ مەندەهووش

ما بەس نینە-دلبەر-

ژڤی دەردی هەر نەخوش؟

شەکرا لێڤا، مەم بشیڤا

وێ شرینا مەی فروش

دگەل چاڤا برێژە هناڤا

وێ شەرابا تەعل وخوش

وەختێ کەنی، وێ دل رەنی

ب ئەوێ کێرادەڤ نە خوش

توزێ وەربوم، سەودا سەربوم

هندا گوتی: بو سەرخوش

لومە نەکەن، ئەڤین دارا، ل هەمی جارا

دێ هێت روژا.. دەڤ بەشوش.

١٥-٦-١٩٧١ میسل

ژڤان..

ئەی شەڤ، هاتە هونین دلێ یاری

بو چی ڤەنابیت ئەڤ رەنگێ تاری؟

دکەم هیڤی بچیت پەردا وەهمێ

ل بەر ئەڤان چاڤا دا ب گەهمێ

دەمێ سەحەر ببینم ئەوێ جانێ

دخەودا،خەوا نازک گەل بەیانێ

دلم، بەر ئەڤینا تە ئەزێ مەستم

خەیالا تە دلبەرێ ئەز ئێخستم

بولبلم گەل ڤان بولبلا ئەز دنالم

شەڤ تا سەحەرگەل وان دگالم

ئاواز‌ێت خەمێ ل جهێ برینێ

دهین مە دەر، دەم بدەم شرینێ

حەتا گەنگی، ئەی جان هەڤالێ

ئەز دحەلیێم هەر شپتی شەمالێ

بێ دەنگ، ڤە قەتیایێ هەرێ پتنێ

کرێت رەنگێ پێتی خولکێ منێ

بو دەستێ تە ئینای تو نا هێلی؟

وی رەنگێ ڤەبی، بەرمە شێلی

هیڤیدارم، ئەو ب هێتە گوهارتن

گەرئەوێت کرێت هاتنە ڤەشارتن

دا ژمەرا ئەو شەفەق بێتە کێشان

ستێرا گەشا سپێدی ببیت نیشان!

بو یاری ب هەلینێت پەردا رەش

دا زولڤا ببینیت، گەل رویێ گەش

بێختە دەستی خاچا وێ گەردنێ

بلا شپتی مەستا د ناڤ چیمەنێ

بمینم سەرخوش گەل مەیا چاڤا

ئەگەر سوتنا دلی گەل یا هناڤا

هین ببن ب ئەوێ خەمرا دەڤین

نەهشیار، ژهش وسەودا بکەڤین

ژڤانێ ئەڤینێ لمە ببیت جارەک

پائێز ل مە ببیت جانە بهارەک

وەک نێرگزا کەتی بەر تیێ تاڤێ

چرمسێ، گەش ببیت، ناڤ ئاڤێ!

٢٥-٨-١٩٧١ میسل

مێرگا بێ گیا

ئەزێ درێژم..

ئەزێ دمێژم

هەرێ گێژم

ئەز چ بێژم؟

بو وێ یا ڤیان بەردایە دلی

پێ ئاگەهم، توژی دل کولی

برینداری

کوڤەنداری

هەر هەژاری

بێ پسیاری

تو ژی وەک من، هەڤالێ

بو پرنا کەی، وێ پیالێ..

ژوان کوڤانا

ژکول وژانا

ژئاهوفیغانا

یێت زڤستانا

ب دەسەتێ نازک شرینێ

برێژە دلی، شەرابا ئەڤینێ

هیڤی خازم

بە لنگازم

تەیرێ بازم

بێ ئاوازم

بێ هەڤال، هنداڤ چول وچیا

شپتی مێرگا ‌هشکا بێ گیا!

٢-٨-١٩٧١ میسل

کوڤانێت ئەڤینێ

وارێ ئەزلێ ئەڤرو نە ئەو وارە

هەر ژوی واری ئەزێ ژار بوم

دبێژم ژبەرچی هەر لەشم سارە؟

دیارە ژتیێ روژێ بێ باربوم!

دلم، ژرەنگێ کەیفێ ئەزم بێ بار

هەڤالم هەردەم دگەل رەنگێ تاری

ژیان بو چی هەر ئەزم بێ بهار؟

من نەدیت چ کەس، ل ڤی کاری

دلم من قەت نەدیت، تاما ئەڤینێ

چبکەم ژیانا ، رەنگ گوهارتی

کوشتم بکوڤانا ، خەم جەمینێ

نەشێم دەرکەم، یامن ڤەشارتی

نە ژیانە، ئەگەرخر شەڤ بیت

نە ڤیانە، گەرخر بەر هەڤبیت

٢٥-٣-١٩٧١ میسل

چو زڤستان

بهار ئەڤرو هات وەلاتی

ئەی چان بهارا ڤێ دلی

وەکی روژێ تو هەلاتی

دێم گەشێ پر سور گولێ

گولا سورکر درەخ چاڤا

وەکی باغێ، وێ بەهشتێ

دەت بهنێ ژئاڤا خوناڤا

من ڤیا، دەست نە گەهشتێ

بهار زڤری، هاتە واری

جان بهارا، خەم رەڤین

تە رونکر، رێکا هەژاری

ئەی هەڤالا، دل کەوین

ئەم گەهشتینە مرادا دلا

دێ دەرکەین کەڤنە کولا

٩-٤-١٩٧١ میسل

ئەز وئەڤین

چ دارە، بێ رەها شین بو

سیبەرێ دا بو، ژتیێ تاڤێ

جهێ ئەز لێ، لەوا هین بو

جەرک سوت ودلم ما ڤێ

ئەزم ئەڤرو، مایمە بێ دل

تە بو چی دلبر، دلبەرێ؟

شە مالێ رونکە، پێلە هل

دا ڤەگێرن، رەنگێت بەرێ

چەند جارا سویندا خاری

دلێ سوتی، ئەز ڤەناکەم

بو ئەڤینێ، ل ئەڤی واری

ژوان چاڤا خو دویرناکەم

خو دویرناکەم، ئەی هەڤالێ

ژوێ جەمالێ، ئەی شەمالێ

٩-٥-١٩٧١ میسل

ئەم وئەڤین

پسیار نەکەن، کانێ ئەڤین

چەنکو زور لێ بەرزەبین

گەریان چ دەرمان نەبین

بێ هیڤی مان، چێ نەبین

ئەڤین بو ژیان وەدکەت؟

گەر دودل پێگڤە حەبین

کول وژانا لمە خردکەت

وەل مەکەت،ژیک ڤەبین

چبکەم ڤیانا دەڤ کەنین؟

من دل ڤەکر بو ئەڤینێ

نساخ بوم، کەتم نڤینێ

ساخ نە بون، شین برین

برین خوشە بخەبجەرێ

چێترە ژوی تیرا دلبەرێ

٢٦-٥-١٩٧١ میسل

شەوقا ژیانێ

خارزا.. بو تە چ بێژم؟

نەهشیارم هەرێ گێژم

بو دلبەرێ دێ ڤەرێژم

ڤی دلی بو وێ برێژم!

دلێ خالێ کەڤتە ئاڤێ

نەشێم بکەم چ مەلاڤێ

مەندەهوشم دەم وگاڤێ

سەودا نەما، هزر ماڤێ

نە بێژە بو چی مەستی؟

بەندا ڤیانێ کەتە دەستی

دەڤگرت، زمانێ گەستی

لەوا بوم چەرم وهەستی

ژیان بو چیە بێ ڤیان

وەکی لەشێ بێ گیان

٢٦-٤-١٩٧٢ میسل

بو چی؟ من ڤیا..

خر نڤستن، ئەزم بێ خەو

روندکا درێژم،

نزا بەر چێ؟

بو هەوە بێژم :

من جان ڤیا

دەم پائیزا بێ گیا

نە یا دەشتێ، ئان یا چیا

بەس پائیزا میسیلیا

بەزم ب هەر دو پیا

دا ب گەهمە جانا وەک پەریا

دا ڤەخوم خوناڤا وان رویا

نەبێژن: تە بو چی وەگوت؟

ئەی گەلی دلدارا،

روناهیا رێکێ، دل من سوت

ژارم گەل هەژارا

ڤیانا تە..کرم هەژار دلبەرێ

جهێ تاری، خوش کوسەرێ

بو مە گرتی ئەی خوسەرێ

ئاهو ژانا دهین مە دەرێ

دل چرمسی، ئەی دل تەرێ

بەس ب مینە بەرسیبەرێ

حەتاڤا خوشە، وەرە دەرێ

دا دەرکەین ڤێ کەسەرێ

یێت دلیدا، چەند کەسەر،

من ڤەشارتن-

دا رەخا، شپتی گەر،

کێ گوهارتن؟!

وێ هنارتن، بو دلداری

ژهێڤە وێڤە، گەل سویاری

گاڤا شەڤ بویە تاری

کەتە دەستا، ئەو دیاری

وەکی هەمیا من ڤەخاری

تەعل وشرین، تام هناری

نە هشیار بوم، ل بەر دیواری

نەکر کەسێ، چ بسیاری

لەوا سپێدە، ببو تاری

چەرخا ژینێ جەند دا زڤرە

شپتی کەڤری..

چەوا زڤری، تو ژێ بزڤرە

مەکم بگری..

ڤیانا جانێ..بهارا ب گولە

چاڤێت شرین، تژی کلە

بو دلی، شەمالکا هلە

گاڤا من زانی، نە یا سلە

یا شەرمینە، یا پر عاقلە

نە تفکلە، خر کاکلە

لەوما ئەڤین، کەتە دلە

شەڤ وروژا، چاڤێ زلە

بولبلم، ئەو سور گولە

چبکەم؟ چبکەم؟

بسلمانم! ئەو ژێ فەلە!

٢٥-٧- ١٩٧١میسل

ئەحمەد عەلی حەسەن