نەتەوی

نەتەوی

هەلبەستا نەتەوی

کەوو بقەبە

کەوو بقەبە بدەنگێ بلند سەر ئەڤان چیا

بگەهینە هەرچارکوژیێت دنێ ب گەفیا

رەڤین شێر ژئاخێ پیتێ نەدە ڤان رویڤیا

وەلات جهێ چاکانە پیس دکەڤن بەر پیا

کەوو بقەبە بدەنگێ بلند لدور تە دوژمنن

هەمی پێگڤە یێ دکەن بزاڤێ یێ دغەونن

لبەر وان جانگێ رەشە لخو ئالاندن کفنن

کومرا هەلکری دڤێن چەنگ وپەرا برن

کەوو بقەبە بدەنگێ بلند قەت تە نینە یار

گەلو ئەو چما دونیا خر ل مە بویە نەیار

خانێ تە گوت خودێ ژئەزەل وەسا زار

خودایێ مەزن ل مە بنێرە نە مینن ژار

کەوو بقەبە بدەنگێ بلند خودێ مە ئێکە

هزار رەنگیت مرنێ بوڤی دوژمنی چێکە

نەمانێ بکە دیاری بلەز سەر پەرا فرێکە

ئەڤ جار یا گرنگە ، بەندە تێکدا گرێکە

کەوو ژبەر چێ دونیا هەمی ب مەڤە نیسا

مە نەدیت جارەکێ روناهی درێدا تەییسا

پیسێت دنێ خرجەمیان دگەل چاڤ خیسا

ل بەرمە ڤەدان خەفک وتەلی هزار دیسا

کەوو پەرا قژکە چاڤا زلکە دوژمنی سلکە

سەر سەنگەرا دناڤ چەپەرا خو موکمکە

حێل لێ پخورە سەهمێ بکە سەرە بێ دلکە

بینە بەرچاڤا بێخە گاڤا ئاگرێ دوژێ هەلکە

کەوو تێ وەرینە جەنگی ب شارینە بزوتی

ب دل پاکی ڤی خاکی قەت نەدە خو فروتی

گوندێت وێران مالێت تالان ئاقارێ سوتی

دوژمنێ بحنێرە لسەر بکە گێرە ژینا دوتی

کەوو شینا شێرا، رویڤی بکەت گێرا: نابیت

سەرچیا دی خوینی تو دێ مینی دێ: رابیت

روژ لێ شەڤە بەز لێ رەڤە ریا تە: چرابیت

کوردستان دێ هەرمینیت هندی دونیا:مابیت

زاروکێت شەهیدان

شەهیدی خو جان فدا کر بو وەلاتی ئەی وەلات

خوینا پاک سەر ئاخا پاک کر دیاری کر خەلات

گیان ورەوانێ تە ل سەر شەوقا روژێ هەلات

تیژکا هەبونی گەل سەربەخونێ هێڤە هات

زاروکێ شەهیدی تویێ سەر بلندی سەر فەرازی

بێژە بابێ من هێرش کرە نەیاری وەک بالە بازی

مرنا تە بەلاڤ بو ل خر جیهانێ ب قەدروشانازی

جان فدایێت دنێ خرا بو هەوە کرهەوار وگازی

١/ ٦ / ٢٠١٦ دهوک

مشەخت بونا کوردا

خوا گونەها کوردی چی یە ؟ من دڤیت بزانم

پسیارەکا زورا کەڤنە ژمێژە کەتیە سەر شانم

پشت ل من شکاند ما بەس نینە؟ نەدەمە دانم

نە هشە، نە مایە سەودا کەت یە روح وجانم

گوند وێران، برن تەرش وتالان، قەیرانا مە

کوچ بەران ، نڤستنا بن بەران ، سەیرانا مە

مشەخت بون، دەر بەدەر بون ، گەریانا مە

چنگا بچیکا، غەزال هات وچو، دەورانا مە

٤ /٤ /٢٠١٦ دهوک

کوردم

کوردم ، نە مردم کوردەکێ پاکم

خودان زمانم بکەسانم سەرخاکم

کوردم سەربلندم ئەڤی باری نادانم

هەبونا کوردا کەت سەرمل وشانم

خودان سەروکم پرخوکم وەناکەم

دیارم یی سیارم دوژمنی پەیاکەم

ئەلهومە لسەر سنورا تەیرێ بازم

گازی بژیابو ل دنێ تەناهی خازم

بیکو بێژە سایکو دێ نامەکێ نڤێسم

کوردستانا جوان وەک تەڤنی درێسم

ژبەرچێ هەتا نوکە بێ ناڤم بێ ماڤم

ناکەم چ لاڤا بو دەولەتێ خو دهلاڤم

١٦ - ٥ - ٢٠١٦ دهوک

ئەڤرو دەمە سایکو .. بیکو

دبێژن نە دەمە ، بەلێ ئەڤرو دەمە

دەمە لسەر مە راکەن کەڤنە خەمە

هەردەم دەمن گەر خو بەرهەفکەی

دەمە خو دیارکەی خو پرگەفکەی

چەند سال بۆرین مە نەبو چ ماڤ

دوژمنا لبەر بە ڤەدان هزار داڤ

جار دگوتن پێکفەتنە جار پەیمانە

نەهێلانا کوردابو، نەمانە نەمانە

سەد سال بۆرین ئەم ماین بێ بار

دەمە بلندکەین ئالایێ هنداڤی نەیار

ژجالدێران و بیکو سیڤەر ولوزان

خوسارەتێ ئێکێ ئەم بوین لجیهان

کوردو ماڤ یێ دگەهیت ب درستی

پالدە دوژمنی، یێ ئەڤ تەڤنە رستی

ب خوینا خوش مێر ونڤێسەرو چاکا

خودان چوخ وشەل وشەپک وخاکا

کوردستان رزگار وسەر بەخوبیت

ناڤێ دەولەتێ سەر دانن بلا هوبیت

١٧ - ٥ - ٢٠١٦ دهوک

کوردستان

ژناڤێ تە یێ دفریت قەدر وبها

بەلاڤبوی لجیهانێ ل هەمی جها

مە داخازە ، زاروکێت مە ببینن

ب چاڤا ، دەنگ بگەهیت گوها

تاڤا تە تانجە سەرهەمی کوردا

خاکا تە نادەینە ئەڤان نە مەردا

سەنگەرن، چەپەرن سەرسنورا

تە پارێزن ب دەست ومل وزەندا

خاکا تە هاتە ئاڤدان ب خوینێ

دا زاروک تێدا ب کەڤنە ژینێ

نە دەربەدەربین، دا خوسەربین

هەلات روژا مە ، دا بگەهینێ

یا دبشکڤیت، ڤەدا ل خر وەلاتی

تیژکا وێ، دا بو شاخ و کەلاتی

بدەنگێ بلند خۆری پەزێ کیڤی

کەو قەبین بشادی دەما توهاتی

٢٠١٦ / دهوک

جان فدایێ

مەخابن ، مەخابن سەد جارا مەخابن

هو گەنج ژناڤ مە ڤەدەربن جودابن

ل رەخ مە خر پیس وچەپل وخرابن

خولیا دنێ کوم کەن سەر سەرێ وابن

مەرگێ خو تە برە پێش تو جان فدایێ

بەهشتیێ دەف خودێ نک مە هێژایێ

دوژمنو خێری نە بینی ژ چاڤا رژیایێ

بسوژی ناڤ دوژێ بێ ئول وخریایی

خانێ بەدلیسا

ژ خەوا گران رابە خانێ بەدلیسا

ئەڤرو سەرمەدا هاتن تارێت دیسا

تورک وعەجەم گەڵ دەلنگ رویسا

دا ژێک ڤەکەن خاکی بدەنە پیسا

ژ خەوێ رابە کوردو بادە وەریسا

دوژمنا سەر تە حسارە خو ڤەنیسا

بەرڤەدە سەد تەلها گەڵ هزاردیسا

پێ هایدە بدەنگێ خو چاڤ خویسا

بیژێ ما بەس نینە تو بمە ڤە نیسا

وەلات پارێزین ، تو کەتیە قەسیسا

سنگین ل سەر سنورا دژی کاپیسا

کمکمە خەمەگور نەرێنە مارگیسا

ب زڤرە کلێسێ بکەڤە کون ولیسا

دا تاڤا کوردا سەرڤان چیا بتەییسا

١٢ / ١٠ / ٢٠١٦ دهوک

پێشمەرگێ کەڤن

پێشمەرگێ کوردێ کەڤن

بەردوژمنی قەت نا رەڤن

شەل وشەپک یێ ل بەرن

کولاڤ ودەرسوک لسەرن

دبەردا رەخت وتەڤەنگن

بەرهەڤێت شەر وجەنگن

کالک وگورە ودو ساقن

بودیتنا دوژمنێ دمەلاقن

لسەر هەردو ملا چوخن

لمەیدانێ شەنگ وشوخن

شویتک لدور خو ئالاندن

لەوەندی ل زەندان شداندن

کولاڤ ودەرسوک هژاندن

گویفک وخەنجەر لەقاندن

ڤێ تدارەکێ خو خەملاندن

بڤێ کاری دوژمن بەزاندن

٢٠١٦ / دهوک

پێشمەرگەیێ نوی

پێشمەرگێ زندی

پێشمەرگەیێ سەربلند تو بازی سەرسنۆرا

دوژمن نه وێریت قه ت بهێتە رەخ و دۆرا

په رژانی بو وەلاتی ل چول وکەند وکۆرا

تو بابى ، سه میانی ب خر رەنگ وجۆرا

پێشمەرگێ بریندار

بریندارو تە خوینا خو رێژت لسەر خاکی

کورێ کوردانی یێ دەیکەکا هێژا و پاکی

بەرنەدە چەپەری دوژمنی رەخ مە راکی

تانجا سه ری، خوینا دلی هەناسا مێلاکی

پێشمەرگێ شەهید

شەهیدێ قارەمان نک خودێ جهێ تە بەهشتە

جان فدایێ تە گیان ژدەست دا ل چول ودەشتە

سەر خاکا پیروز خوین بو کوردستانێ رشتە

ل دەف مە پربهایێ، هێژایێ، ماڤ گەهشتە

٢٠١٦ /دهوک

پێشمەرگە خودان ناڤی

مە ژخر کوردان داخازە ژخر دلێ خو بکەن لاڤا

پێشمەرگێ لسەرسنور وچەپەرا نە کەڤن تەنگاڤا

بو فرێکەن قەفتێت گولا دگەل هزار رێز وسلاڤا

ڤیانا هەوە یا ددلیدا هەردەم کەتیە بەرهەردو چاڤا

ئومید ئەوە ئەڤی دوژمنێ رەق بێخین تەلهو داڤا

سەرکەفتی ڤەگێرنە وەلاتی،لێ بکەن ئاڤا گولاڤا

بوخرجیهانێ دیارکەن، هوین ناڤن سەر خر ناڤا

٢٩ - ٥ -٢٠١٦ دهوک

بەسە برا کوژی

کەوو بەسە نکلێ خو ل سەرێ دا

کەوو بەسە قەت نە قەبە درکێ دا

کەوو هەڤالا نە ئێخە ناڤ تەپکێدا

کەوو بژی ئازاد سەرگرێت درێدا

کەوێ ڤان نزارا جابێ بدە جوتیارا

قەبێ بگەهینە پەیادا گەڵ سویارا

خوهشیارکەت وەلات پارێزلکنارا

بێ هش بکەت خردوژمن ونەیارا

کەوو بقەبە بێژە بەسە برا کوژی

کەیفا دوژمنی نە هینە ب خوژی

چاڤەک لێ پەقی یێ دژی رژی

داسەر ڤی خاکی هەر بژی بژی

٣-٣-٢٠١٧ دهوک

دوژمن

شاخێ بەرز وبلند هەر تويێ سەروک

لناڤ مه نه ما جهێ دوژمنێ گەروک

كانيا ئاڤێ هەر دەم ، يا پاقژ وزەلالە

دوژمنێ كه ڤن بو مه نا بيت هەڤالە

دبيت شەڤ ب کەڤتە خەوی برازيت

قەت هزر نەکە دوژمنێ مه برازيت

بده رێكێ ل به رته رێك بيته بهوست

قەت باورنه كه دوژمن ببيته دوست

دوژمنێ بابێ چەند هنداڤ مه خۆرى

كێ گوتی يه ئەو دبيته دوستێ کۆری

کەوو دنيا خردوژمنێت ئەڤی کەوینە

حەتا کەنگی سەردی مينيت بخوينه

دهوك 21 - 12 – 2015

خەونا کوردان

خەونە یان نەخەونە

یارا من، یارکا دلی، جانێ

هەلسە، چاڤا ڤەکە ژمژ ومورانێ

ڤەدە چەرخ ودەورانێ

نەمینە دخەودا یا نڤستی

ما تو نوزانی خان ومانێ

کورەمارێ رەش

ب وی دەڤێ بەش

یێ هاتی بلەز، بەردا لەش

ژەهر، گەهشتە هەستی

ڤەدا تبلا دگەل دەستی

جانێ، جانا من، نەزانێ

بێ کەسێ، بێ خودانێ

پاقژکە چاڤان، ژخەوا گران

ژڤێ تەمارا چلخانێ

مال کومباخێ، مال وێرانێ

چەند دەم بۆرین دگەل ڤەمانێ

ما بەس نینە بن دەستی؟

چەند چەرخ وسال

ئەم ماین سەر ئەڤی حال

دەستەکێ خالێ ئێکێ ڤال

خانی هەرفت، نەما مال

مە نینە دوست، مە نینە هەڤال

دەربازدکەین کەندێ، دکەڤینە چال

دۆر مە دزڤرن زۆردارێ زال

ژهەمێ رەخا ژهەمێ ئال

چون، وندابون دگەل ڤەدانێ

خڕێت دبێژن ل ڤێ جیهانێ

حەتا گەنگی؟ دێ مینیت نڤستی

دەڤ بەستی، ئەزمان گەستی

دناڤ سنۆرێت هەودانێ

ئاریانێ دا سەر کول ژانێ

مای پەشیمان، پەشیمانێ

ما بەس نینە ناکوکی؟

بمینی چەمیای سەرکوتک وچوکی

قەید وبەند دۆر تە تێک ئێخستی

بدەی باجێ، بدەی خوکێ

بەر دارێ کاشوی، وەکی گوکێ

ل هەر چار کنارا ل نیڤا مەیدانێ

ڤ تە بکەڤن تەپ ومستێت لێدانێ

بەر تە دیسێت ڤەداین تەڤنێ رستی

هێلای نەهش، سەر خوش ومەستی

مای بن دەست، لێڤ قەرستی

بێ ئومید، تە نەما هیڤی

شەوتی سۆز، ئاگر بەربو هوز

کوزرین کەتە پەیمانێ

گەنگی دێ تە بینن سەربەخو؟

خەونا دناڤ مێشکێ کوردانێ

جانێ، دەلالێ، خوپانێ

ڤێ جارێ ب قەستی

یان ب درست وراستی

مە دڤێت بژین بئەمان

ب تەناهی، ب ئارامی

دا ب جهبێت خەونا کودران

دناڤ ڤێ گەشە جیهانێ

بن ئالایێ دەولەتا کوردستانێ

٥-١٠-٢٠١٨ – دهوک – ئەحمەد عەلی حەسەن

خوینا پێشمەرگا

خوینا ڤان پێشمەرگا دهێتە رێژتن

دا ئەڤ زاروک بژین بسەرفەرازی

ب سەر بلندی دهێنە کوژتن

دا دەستێ پڕ قرێژ دەستێ بەرازێ

نە گەهتە دارا گوهیشکا دارا مازی

چیڤێ ستویر بو درێژکە

سەری لێ گێژکە

هیڤیێ لێ حشکە

دەڤی لێ بەشکە

مرنێ بو وان بکە داخازی

ژێ نەهێت دەنگ وگازی

بمرێن مرنا بەرازی

کەس لێ نەکەت

نیهار وتازی

٢٢- ١٩- ٢٠١٦ دهوک

کییە پێشمەرگە ؟

خوینا پێشمەرگەی

ئەگەر نزانی کییە پیشمرگە؟

ڤێ بزانە قەت ژ بیرنەکە

چاڤا چاک ڤەکە

بێژە: برایە، کورە ، بابکە

سەر سنۆرا دناڤ خەندەکە

مەرگێ خو یێ ب قەدر وبها

یێ بریە پێش

هەردوکا پێگڤە لێگدەن

دبیتە پێشمەرگە ل پێشیا شەری

سەر چەپەری

ل هنداڤ دوژمنی تەیرێ بازە

هەر دەم یێ قەب خازە

سەر خاکی دیپشکە

جان فدایە، هەرێ وەسایە

دوژمنی ژبەر ترس وڤەلەرزینە

پێلا وی ل نک مە هەرا بەرزینە

بینە پێش بلند بکە

کوردستان ژبەر وی، خاکا خو

تژی کلێ سوربکە

تژی کلێ سوربکە

٣٠ / ١١ / ٢٠١٦- دهوک

پێشمەرگێ قارەمان

پێشمەرگە تەیرێ بازە

تف نەکە تفا سەرئەفرازە

ژوردا بناڤ چاڤا دکەڤیت

ژدوژمنی هیڤیێ نە خازە

هەردێ ب دیڤ تە کەڤیت

بفرە بلند وەک تەیرێ بازە

نەهێلە ل سەر تە بکەڤیت

چیڤێ ستویر، بکە داخازە

دا هەر ژ بەر تە برەڤیت

دوژمن خنزیرە ، بەرازە

ل بن ئەردی دگڤ گڤیت

بمینە هشیار قەت نە رازە

دا نەشیت دۆرتە بکەڤیت

گۆری ب کولە ب لیهازە

دا دبن کەڤر وبەرا بنڤیت

بێژێ تە نەمان غار وبازە

پێ شکەستن نا لڤ لڤیت

سەربلندم گەل ژیانا تازە

دا دوژمنێ پیس بتڤ تڤیت

٣١ / ١٠ / ٢٠١٦ دهوک

وەلاتێ بێ سنور

کوردستان ...

وەلاتێ بێ سنور

ماڤێ تە د خەفیت

بەس نا نڤیت

ئو نا مریت

دێ وەرگریت

ب خۆرتی بەزور

دوژمن بلا بزریت

جەندێ بگەف وگوربیت

چەندێ چربیت

ماڤی دەر ئێخین

ژ وی جاڤێ کۆر

پیێت گەنج وتولازا

دانن سەر توخیبی

ل هنداڤی گۆر

بەر نادەن

دێ خو جان فداکەن

تەعانکەن پەرژانکەن

ب رەنگێ سۆر

١٠ – ١٢ – ٢٠١٦ دهوک

ئەز چمە ئو کیمە؟

دوژمن ڤێ پشت گوهێ خو بنڤێسە

ئەز نە رەشم نە سپی مە

نە موسلمانەکێ چەپلم،

نە ئێزیدیەکێ دەرسوک قرێ ژیمە

نە فەلکێ خریامە،

نە کوژەکەکێ پیسێ جوی مە

نە شیعەکێ بێ مەژی مە

نە سونەکێ دین گوهێرم

ریهو پرچا درێژکەت

زاروکا ب گوت گوتکا گێژکەت

خەلکی دسوژن برێژن

ب شیرێ رویس دکوژن

خوینا وی پێش چاڤ درێژن

دبێژین هوین کافرن

ئەز ب خو بەحشتی مە

ئەز نە ئەوم، نە یێ دخەوم

ژڤان خرا ئەز پاک وبژینم

خودێ نیاسم دینێ پاقژم وخاوێنم

بزانن ئەز چمە ئو ئەز کیمە؟

کوردەوارم سەر فەرازم

سەر ڤی خاکی دژیم، ژی مە

ئاشتی خازم تەیڕی بازم

شەڤ وروژا نا رازم

خودانێ شەڵ وشەپکامە

دەرسوکا سور ورەش وسپی مە

خودان بزاڤ وهێز وحنێرم

وەک ئەلهوی سەر ڤان چیا دنێرم

دوژمنی ل سەر ڤێ ئاخێ دهێرم

چ جارا بەر دوژمنا نە رەڤی مە

ژ هەمی ئویجاخا هەژیمە

ژخر رەخ وتاخا مشمە، تژی مە

بەنددکێ بادای مە رەنگینم

بخوینا سۆر دڤەهینم

کنفا موکمم، وەریسێ رستی مە

سەر سەنگەری، سەر سنۆری

سەر ڤان هەر چار کنارا

لڤان گەشت ووارا

ئالێ ژێری رەخێ ژۆری

دیف دوژمنی بەزی مە

ب کوردی لێ خۆری مە

بو خاکا کوردستانێ

دکەم گازی، قۆری مە

یان ژیانە یان بو ڤی گۆری مە

سەر ڤێ ئاخێ، ڤی گۆری مە

٢٦-٤-٢٠١٧ دهوک

کەوێ بخەەباتە

کەس نە بێژیت

دارێ ف کەوی کەڤتی

نە بێژن کەوی چاڤ نقاندن

دناڤ هێلینێ خەفتی

کێ گوتی یە پرا ئاڤێ

ل کەوی دێ هێتە هاڤێتن

پەر لێ دهێنە قوساندن

دم لێ هاتیە چەماندن

وەسا نینە قەت وەنینە

وەنینە گەلو وەنینە

درەوە چ قولەتەین تێدا نینە

کەو نە دوژمنێ خویە

جەنگاوەرە هەرێ هویە

ل ڤان نهال ودولا

سەرێ دوژمنی کریە گویە

دایە بەر صم وسولا

کێ گوتی یە کی دبێژیت؟

سەرێ وی یێ پرخوینە

چەنگ لێ برینە

گەلو هوین خر بزانن

کارێ وی هەر قەبقەبە

ل هنداڤ چیا قەبینە

سەر بلندە یێ کوک ورەپە

کارێ وی خۆرینە

نەیارا ژبەر رەڤینە

کەوێ رەباتە، هنداڤی لاتە

سەر سنۆر وسەنگەرا

سەر کنارا وچەپەرا

هەر دەم یێ بخەباتە

ژ بەر وی دوژمنێ

ب ترسە ولەرزینە

ژینا دوژمنی هەودا

دگەلدا هات وباتە

مرن یا لێ کریە خەلاتە

سەر شۆرە شەهمزارە

کارێ وی غار وبەزینە

رەڤە ، غارە ، بەزینە

٢٢-١٢-٢٠١٦ دهوک

تڤەنگ .. بمینە بی دەنگ

بگرە وێ لویلیا تڤەنگێ

دەڤێ وێ پرکە ژگولا

وەسا بمینی بی دەنگێ

نەشەقی لێبدەی ل دلا

نە چی شەر وجەنگێ

نەکەڤی بەر زەند وتلا

یا خوشە بڤبڤا ستنگێ

بێڤەدەت مارێ گلگلا

پرببی ژتوز وژەنگێ

کەس نە دانن سەرملا

دژو بزانە ڤێ سەنگێ

ئەم چەپەرن سەر ملا

٢٩ - ٩ – ٢٠١٦- دهوک

ئاگرێ نەورۆز

ئاگرێ نەوروزێ بزوتەکێ هلە

دمینیت هەل سەرڤان چیا وملە

روناهیە بو چاڤا ، چرایە بو دلە

خولیا ژێ د کەڤیت بو کچا کلە

خەنایە بو پیا هەردو دەست وتلە

سیناهییە دنیڤا دلی بو مە کاکلە

حێبەتی بیت دوژمنێ چاڤ زلە

ئاگری سۆت مارێت بن گل گلە

ڤەدا لسەرهەرچار کنارا ما هەلە

دەولەت گەهشت، مای یەک پلە

25 - 3 -2016 دهوک

ئەڤە چەند رێزێت شیعرێ نە من سەر ڤێ داستانا کەلا دمدمێ ڤەهاندین:

کەلا دمدم

گەرهات روژەک ژروژان

تو دسەر ئەڤێ کەلێرا بۆری

لەپەک ئاخ بهەردو دەستان

هەل گرە ژوێ خاکا گۆری

ئەوا ژێ دهێت بهنا ریحان

رەنگێ وێ رەنگێ سۆری

ئەوان هزار تیر ورم لیدان

بەر چاڤان ببو مژ ومۆری

یاخانێ سەر کری جەنگان

سەرڤێ خاکا هەژی خۆری

فەرمانە سەرخانێ کوردان

لسەرئاخێ نەهێلن بزۆری

شەرگەل شاهێ عەجەمان

خو کربو قوربان و گۆری

داستانا ناڤدار وان نڤێسان

دەنگدان لدەڤەرێت ژۆری

بسەر بلندی هاتنە کوشتن

بن گورکرن سەر شۆری

دلێریا وە ناڤ کوردا مان

دوژمنێ هەوە بو خۆڕی

مێرخاسی گەهشتە جیهان

یا وان بن گوربو لگۆری

مرنا وە ناڤ مە بو ژیان

یا وان ببو خەون وبۆری

٢٥-٥-٢٠١٧ دهوک ئەحمەد عەلی

جەنگێ عەفرینێ

ئەری کچکا کوردا چەلەنگ

بلەز هاژو هەرە عەفرینێ

دوژمنی یێ هەلکری جەنگ

خاکێ سۆربو ژخر وخوینێ

دمەیدانانێ تەیا هەی سەنگ

دناڤ شەری نەکەی زڤرینێ

لخرجیهانێ هەرتو یێ زەنگ

لوان پەیداکە ترس ولەرزینێ

گەلی کوردا نەمینن بێ دەنگ

ناگرت چ شوینا بکەن وگرینێ

ژ خر لایا کەتین دراڤێ تەنگ

نیشا بدەن سەهم وئازرینێ

خاکی دڤێت مێرێت چەلەنگ

دانن بەر خو شالوکا دورینێ

خو بکەن وەکی شێر وپلنگ

باشڤە ببەن ژئاخا عەفرینێ

٢٥-١-٢٠١٨ دهوک

هێرشا تەتەری

ئەڤرو- ڤێ جارێ

باران باری ب شەپی

دهەریێرا کەتن سەر لەپی

تیفانە.. تەڤە رەشکە

ل سەر کوردێت روژئاڤا

هێرشا مەغولی، تەتەری

سەر ئاخا کوردا کەتە بەر دەری

ئەلهویە – قرە - قەلە رەشکە

کوردو فەرمانا کوردایە

قەلاندنە، بنبرنە، براندنە

ژێ برنە، ئەرد رەشکە

تیفانە ل سەر ژار وهەژاری

ل پیر وکالا، ل بچیک وساڤا

ل سەر خاکا باب وباڤا

درندەیە، چەپەلە، دەڤبەشکە

خوین رێژە، هێز مێژە

بزانە دوژمنێ سالا پارە

ئەو زۆرێ غەدارە

کورەمارە، یێ سالا پێرارە

دبیت یێ بەترا پێرارە

ل سەر کوردێ هەژارە

کەرب وکینا کەڤنە

ڤەهاندیە، رستی یە، تەڤنە

خنزیرە، گوشتێ مرارە

پیستێ بەرازێ پیسە

ب فەند وفێل ودیسە

نە ئولە، نە دینە، نە نامیسە

کوردو چاک بزانە

خاکا تە مەمیانە بو هەمیانە

ل دۆر تە خڕ دوژمنن

هەمی یێ دغەونن

ژهژمارێ خرا رەشکە

ئەم بوین مەشکا درێدا

چ یێ هاتی حنگەک لێدا

مەشکە.. خوش مەشکە

ئاگرێ دوژێ گەشکە

بکوزرینە، ب سوژە تێدا

تەنیا کوچکی لێدا

شەرمزارە روی رەشکە

کوردو.. چاک بزانە

هەردەم سەر تە تالان ووێرانە

ژکەلا دمدم خیانەتە

خاکا تە یا بێ سیانەتە

تە نینە دوست، تە نینە هەڤال

کانێ یە روستەمێ زال

وێڤە ببەت دوژنمێ دال

پەرێ وەکی بەرێ

دزڤری سەر دەوسا بەرێ

شانێ پیڤوکا ل سەر بێدەرێ

دکەڤیە بەر چەرخا جەنجەرێ

چ ل شنگالێ یان ل دەشتا گەڤەرێ

وەیلا ل منێ سینەمێ هەجەرێ

ل عفرینێ یان ل سەر کوبانێ

دەنگێ بێ تفاقیێ کەهشتە خانێ

ژجەزیرا بوتا گەهشتە بەحرا وانێ

وەیلا ل منێ ل ڤێ فەرمانێ

هەمیا پێگڤە کرە گازی

کوردو هێلینا تە هەر پیڤازە

رەڤە، جار بەزە، یان داخازە

تیتو، کورێ مارێ ریتو

هەر جار دکەڤی دەڤی حیتو

دهێیە مێتن ژدەڤێ میتو

ل بەر دیوارا درازی

حالێ ژارێ بەلنگازی

کوردو.. نەمردو

پڕ ئێش ودەردو

خۆلی سەرو.. تەپە سەرو

دەستێ بن بەرو،

پەرێ وەکی بەرێ

قێردکەیە مەقاما کەوزەرێ

ژکونجێ وەرە دەرێ

پەرێ وەکی بەرێ

وەیلا ل منێ کورد خائینو

دکەی ودبێژی

ئاخ وئاخینکا درێژی

"کورد خائینو"

یان دبێژی ..ب سەر کێژی

دوژمنو بێ دینو

ما بەس نینە دەڤ خوینو

پێلە ل ڤێ کلێسێ روینم

بێ دینو .. بێ دینو

٩-١١-٢٠١٩ - دهوک – ئەحمەد عەلی