ڤەگەریا ن

دیوانا سیێ

ڤەگەریانا کوترێت رەڤەند

کوترێت مەژی فرین

مانە نەچار..

ژهێلینا دەر چون

هنداڤی وەلاتی زڤرین

گاڤا بهیستن دەنگێ کوژتنێ

دەنگێ دژوار..

وەک رەڤەندا مشخت بون

رەڤین ژوارێ گەش

پشتی بویە ئاتەش

لێ نەمای، جانە بهار

بەرێ خودانە ئەسمانێ ڤال

جهێ تەناهیێ

ل بەر شەوقا روناهیێ

زڤرین..

گاڤا چوین گەلەک سال

ژوەلاتێت بیانی

دەما لێدای.. شەوقا دیتنێ

پشتی زانی..دەستێ مرنی

 ل سەر وەلاتی یێ ڤەمای

دگەل دەنگێ کوژتنی

زڤرین...

دەما دیتن رویێ وەلاتی

ب رەنگێ رەش

یێ هاتیە خەملاندن

نە مایەل هنداڤی واری

ب روناهیا گەش

یا بویە شەڤا تاری

دادانە سەر لیلیێت تڤەنگا

هێلین چێ کرن

ناڤ دەڤێت توپا

پەرێت خو قوماندن

دا نە فرن

ژئاگرێ دوژمنی

گوریا بزوتێ نەیاری

پشتی نەماین

ج شوین بو دار وباری

٦-٧-١٩٧٣ میسل

هیڤیا مرنێ

چ چارا..

نا مریت ئەی هەڤال

بن گەرنابیت

مەلەڤانێ بهن درێژ

دناڤ سیپەلێت ڤەدانێدا

نا رەڤیت وەکی رویڤی

ژترسا مرنێ

بەر بەرازی خنزری

دناڤ رێلێت ڤەحەویانێدا

نا ڤەگەریێت

ژ ریا لێ چوی

 بو وارێ گەش

حەتا شەوقا روژێ

لاو ب هەلێت دبەیانێدا

دا بژیت ناڤ دنا رون

وەک تەوالێت دگولستانێدا..

دا ئاوازا بیژیت: بو رزگارا

بو سەربەستا..بو جوتیارا

بەر شەمالکە هلێت دژیانێدا 

٢٧-١٠-١٩٧٢ میسل

فەنەرا هڵ  

ئەگەر بێژن: بو خو بچنە 

ئەو گولا تە دڤێت

ژوی باغێ پڕ گوڵ

دێ بێژم بو چنە؟!

من نەڤێت..یا منە

ئەو فەنەرا هڵ

دناڤ حەودا ڤیانا مندا..

بو ڤیانا وێ

ئەڤ ژارە دڵ

بو دگریت

دەما شەوقا دیتنێ

هەودا دگیانێ مندا

گاڤا دمینم پتنێ

وەک شەمالکا چاڤ زڵ

گاڤا دڤەرێژیت.. روندکا

دناڤ شەڤا ڤەمانا مندا

بو دفریت بی شاپەر

هزرا بەلاڤ

دناڤ توخیبێ ڤەکیشانا وێدا..

نا زڤریت..

بو وارێ لی، حەتا نە هشبم

بمینم بێ سەودا.. دخەودا

ببینم وێ سور گولێ

دناڤ خەونا خودا

١-٧-١٩٧٢ میسل

گرێ سەربەستا

شرینا نازدار..

مانا من پتنێ..

دەما دبیتە درەنگێ شەڤێ..

نە ژبەر.. دا ژچاڤا..خەوێ

برینم..

 ب ئێک جار

نە دلبەر.. نە ژبەر هندێ یە

دا دنێ دەما دبیتە تاری

ببینم..

ستریێت گەش

ل هنداڤی واری

ناڤ شەڤا رەش

ب هژمێرم..جار

بخوینم..

شرینا دلسوژ

نەل هیڤیا شەڤێ مە

دا ببیتە روژ

وەکی هەر جار

ببینم..

نە ل هیڤیا ئەڤێ مە

بشکوژا باغێ دلی

دا گوهی بدەمە بچیکا

دەما دکەنە گری

ل بەر سنگی دایکا

ژبەر مێژەکا شیری

دا ئەژی چاڤا

ب گرینم..

من نە ژبەر..

وێ بەندێ یە کەتیە گاڤا

دا بکەمە دو کەر

 وەک گرتیێ داڤا

دلبەر  ژ خو 

ب دەرینم..

نە ژهندێ یە ..دا ژهناڤا

خڕ ئاخ وداخا

 ب کەمە دەر

هزر وتەخمینا، دەما دنالم

ب رەڤینم ..

نە بێ مالم

من چ کەس نینە

ئەی شرینا دەلال-

ژجها رەڤینە

مای مە بێ مال!

دا خو ب وارێ مشختارا

ب گەهینم..

من دڤێت بمینم..

دا ژوان ئەڤیندارا

گەرەکا ئاڤێ .. ب جەمینم

دا ببیتە رویبار

ژئاهێت.. هەمی دلدارا

بایەکی خڕ ڤەکەم

گەلەکێ دژوار

تاڤەکا بارانێ ل سەر وارێ

ئەڤین سوژا

 ب کەوینم..

ئەزێ دگەریێم ..

ل ریەکا رون

یا بێ ستری

دا قورتال کەم

ژوی کورەمارێ بێ چاڤ

برەڤینم..

ب نک روژا پڕ تاڤ

بەمە وارێ سەربەستا

 ل سەر وی گری

یێ مە سوز لێ بری

دویر.. ژوارێ کەڤنە پەرستا

دا تێدا بژین..

ب سەر بلندی بفرین

هندی ڤیان وسەربەستی

 تێدا هەبیت،، بمینن

هندی ژیان هەبیت..

 وەک شێت ومەستی

١٠-١١- ١٩٧٢ میسل

بەری مرنێ

خەمگیرم.. هەڤال

من یا ڤەخاری..

پەرداغەک.. تژی

ژکانیا کول وخەما

تێدا نەما،

یا مایە ڤال..

ئەزێ ل هیڤیا ئێکا دژی

دا ڤەخوم

دەما هەودا ڤیانا وێ..

بفرم بێ سەودا

ناڤ سنورێت..

هزر وبیرێت خوژی

وەک مروڤێ دخەودا

دا ب دەمە بورێت

کەس لێ نە چوی

دەربازکەم پرێت

کەسێ نە دیتن

دا ب گەهمە وان مەما

یێت کەسێ نەمێتین

بمێژم-" پشتی خەما"

چنکو دڵ ژتهنێ سوژی

هەڤالێ دەلال..

ئەگەر نە زڤریم

شەڤ بو بەیان

دانە.. پەرداغا ڤاڵ

وی دەمی.. بزانە

نە مایە ژیان!

ناڤ دلێ پڕ ئەڤین

بایێ مرنێ ئەزێ بریم

نە مینە ل هیڤیا مژی:  

ڤەشێرە لەشی بێ گیان

 ل سەر کێلیێ بنڤێشە:-

"ژبەر کول ەخەما

هش وسەودا رەڤین

 هزر تێدا نەما

ل ڤێرێ پتنێ..بێ خویان

ئەی لەش بژی".

١-١-١٩٧٣ بێجێ

ڤەگەریان

 من چاڤ پاقژکرن

ژخەوا کەڤن..

ئەز روینشتم پتنێ

نە گەلەک دویر-

ل سەر رێکا فرەهە

من هزرکر کویر

بو ڤێ دنێ

بو ژیانا ئەز تێدا

من هژمارت..

کانێ چەند سال ومەهە

چوینە..نە ماینە

گاڤا ئەز دمژورا خەوێدا

من خو گوهارت

من گاڤ.. کارکرن

بو چونێ..

دا بدویر کەڤن

نەمینن ل رەشە تاری

ل پێش روژێ ڤە

بو وارێ روناهیێ

من برن.. من دزانی

بو بەیانێ هێشتا دەمە!

" شەڤ یا درێژە"

دلێ کوڤەنداری یێ پڕ خەمە

زورێ دلسوژە..

یێ ل هیڤیا دەرمانی

دڤێت روژا ڤەمای ببینیت

بەری سپێدە ب هەلێت

ئەز چوم سڤک

دگەل بایێ تەزی

سەر کول وپێخاس وبرسی

یێ دەست ڤالا

ل بنێت مالا

یێ پڕبو گیفک

ژسەێێت هار

ل بەر کەرێت پەزی

هاتن من.. هەمی پێگڤە

ب دەنگەکێ دژوار

رەڤیم وەکی رویڤی

من نەزانی سەحکەمە کیڤە

وەک پەزێ کویڤی

من بەرزەکر رێ

دپیا هلچون..تیژە ستری

کەڤتن بەر من..

شورهێت بلند..دارێت کەڤنار

یێت نیڤ بری

گوندێت بیانی.. من نەزانی

خو ب دەمە بەرکێ!

ترس کەڤتە گیانی

خاڤ بون دەست وپی

من خازت مرن

پشتی بن زانی

ئەو جانە هیڤی

نە مایە..یا مری

دناڤ تاریێ

دگەل بایێ دژوار

بێ پەر.. دویرا فری.

من ژدویرڤە سەحکر

پشتی من زانێ

سەیێت هار .. نەماینە

خرێت زڤرین..

دا بخون پەزێت خودانی

ئەوێت بێ شڤان

من هزرکر..من باورکر

کو گوندێ من یێ

وێران بوی، بو یە کاڤل..

مروڤ ژمێژە

تێدا.. نە ژیاینە

یێ ل هیڤیا ژیانێ

ب هێتە تێدا..من پسیارکر

پشتی من دیتی

ئەزێ مایم ناڤ ڤەمانێ

دگەل ترسا ڤەدانێ

 ئیزا من یا مێتی..

بو..؟ ژبەر چێ؟

خو نا کارکەم؟

تولا خوینا ژمن ڤەمێتی

نا ڤەکەم.. بزڤرم

ژخەوا بوری ئەوا بەرێ

خو هشیار کەم

ڤێ گەرێ.. ئەڤێ گەرێ

ب کوژم سەیێت نڤستی

گەل شڤانێ ..کەری

ژخەو راکەم ..

نیری وبەرانی

دگەل کارکێ گوری

خرا پێگڤە خلاس کەم

ژدەڤێ  نەهنگ وحویتی

بەردەمە ناڤ پاوانی

ناڤ مێرگ وگیا

رەخێت نزار وچیا

ببم زێرەڤان..

نەهێلم.. ب گەهتێ

گورگی دەڤ ڤەکری.

٩-١-١٩٧٣ بێجێ

لهیڤیا مرنێ

ئەی دل...

تو یێ خو د قوتی حێل

ژ بەر چێ ؟ 

من دڤێت بزانم بو؟

لهیڤیا مرنا پڵ

یان سەعەتا دویماهیکی

دا بچی

بگری وەغەرا خلاسیکێ 

ئەڤە چ توڤ روژە

هندا رەش، چەندا کرێت 

زورا تاری، هو موکم

خو ب سەر مندا دگرێت

ژ خو یە بلڤم، وێڤە ب چم

شەڤا تاری ئەی دلێ چرمسی

من هاژ چ دەنگا نینە

ژ بلی ئەوێ بەرێ

پتنێ، کەس ل گەل مە نینە

بکەت بەحسی

خەما بکەتە دەرێ

لەوا ناڤ ژانا

ئەم پتر ماین ڤێ گەرێ

هندی من چنی

خر بونە کول وژان

سروشتا بێ داد غەونی

خرڤەکر ژ هەمی رەنگا کوڤان

هێلام بێ ڤیان

٢٥ - ٥ -١٩٧١میسل

رویەک دناڤ تاریێدا

یێ دەر دکەڤێت

لوێرێ د شەڤێدا

ئەزێ دبینم یێت لڤێت

هەلامەتکێ بچاڤەکی

یێت رێنتە من، دامان و ترس

نڤستن کویر

نە گەلەک دویر

دناڤ هزرێ

دڤێت دل هیڤیێ

ب هەلگرێت دناڤ خوشیێ 

بێ خش، هەر ئەو دەستە

ئەوێ من دیتی بەرێ

یێ هاتی، دا شەرمێ ب نخێڤیت

دا ببەت ڤێ گەرێ

بەلێ رەنگێ رەش

ما بێ گوهارتن

تێدا دیار بو گەلەک

لەوا روژا گەش

هاتە ڤەشارتن

ژ ئەوان یێ  دپێدڤی:

کولکێت مەها گولانێ

براستی دڤێت ئەو بەرزەبێت

دا رێک رون ببیت 

دناڤ شەوقێ

دا شین ببن بێ رەنگێ بوز

رەنگ ژوان دا ڤەدەن

وەک شەوقا زیڤی.

١٥ - ٩ -١٩٧١ میسل- ئەحمەد عەلی

رویێ وەلاتێ گەهشتی

دیسا چو وێڤە هزر وبیر

خو کێشا دویر

پشت توخیبێت دنێ

جهێ ئەز ویار..

پێگڤە روینشتن

مە لێ ئاخڤتی ب دەنگێ نزم

مە گوتی سترانا پار

ئەم زڤرین پتنێ

بو وارێ دویرکەڤتنێ

وەکی هەر جار

چو..دا ڤێ جاری بیژتێ

ڤیانا تە جانێ

پشتی دەمێ ڤەمانێ

بوکزم..سەر وارێ دلی

وەک بارانا حێڵ

گەل بایێ دژوار

گاڤا دبیتە پێڵ

خو دارژتێ

نوکە یێ خو گرتی

ل هیڤیا ڤەرستنێ

دا ب دەرکەڤیت

وەک بولبلی گرتی

نەهلیت دڵ ب مینیت

دناڤ سوتنی

جانێ ئەڤرو.. بریار ئەوە:

سویار ببن سەر پەرێت هیڤیێ

دەربازکەین ئەڤرازی

بهنێ ڤەدەین ل نشیڤیێ

ب چینە وەلاتی گەهشتنی

ل وێرێ.. نینە هەوار وگازی

شینا جەنگی.. کار وخەوە

بو مرنێ..

نینە نیهار وتازی

دکەن دەهوات وشاهی

ل بەر شەوقا روناهیێ

دەستا رادکەن بو گرتنێ

دلدار ل وێرێ..یێ سەر بەستە

دەڤێ یارێ دگریت بو مێژتنی

دی بینی.. ژبەر ڤیانی

یی سەر خوشە..یان یێ مەستە

خر بزاڤێ دکەن

دا خوش کەن..ژیانێ

هاری کارن گەر ئێک کەت

نا هێلن سەر وێ کەڤتنێ

ڤیندارێت تەناهیێ زورن

راناکەت کەس چەکی بو کوژتنێ

هەر دەم هیڤی ئەوە

یێ بلند بیت..ئالایێ سەرکەڤتنێ

١٢-١-١٩٧٣-بێجێ

سەرەدانەک.. بو باغێ ڤیانێ

رەڤیم ژباغێ پڕ گوڵ

ژنزارێ ب گیا

من خو بەردا شیڤا بستری

ڤەناخوم لولاڤا بەفرێ

ژکەڤرێت چیا

گەل خوناڤا تەزی

ل سەر بەلگێت تەر وشڵ

دێ ڤەخوم ئاڤا عەورێ

باران ژێ هاتی

بەر تاڤا گەرمێ.. بویە گوری

نا مینم ل وارێ بهارێ

جهێ روژ لێ هەلاتی

چمە وەلاتێ پائیز تێدا بوشکری

پشتی من زانی، یارا دو روی

روێ گوهارت..وێڤە دچیت

من نەزانی وی دەمی

گاڤا تو هێڤە هاتی

دێ من بەی بێ گەمی

ناڤ باغێ ڤیانێ

من بەرزەکەی ناڤ ئاڤێ

دێ پاش ڤەزڤری

من هێلی پتنێ

ناڤ سیپەلێت ئاڤێ

دناڤ ڤەمانێ

ژیانا من وەکی خەنێ

دەرگەهی موکم گری

من هێلی سەرخوش

وەک مروڤێ مەندەهوش

ب وێ مەیا تڕش وتاڵ

ژدەڤی خر ڤەکری

من پێ گێژکەی

پەرداغێ هێلی ڤاڵ

دا نە گرێم  رێکا ماڵ

پاشی کانیا مەیێ ژمن بری

٢٤-١-١٩٧٣ بێجێ

هەمی پێگڤە

وی نە دزانی..

گاڤا ئەو هێڤە هاتی

دا بخو دانیت بنیاتی

سەر ئەڤی بنیاتی

ل دور توخیبێت وەلاتی

دێ زڤریت ب وان سەر ودلاڤە

ب وان هزر وخەوناڤە

بو کەڤنە کلێسا ژێ هاتی

چنکو وی نە دزانی

ئەگەر ئەم خو متکەین

گوها شورکەین..قەت دەینەکەین

کانیێت مەیێت شرین.. بو وێ

بو دوژمنێ بیانی..

دتەعلن.. دژەهرکرینە

رێلیت مە..دنەزان ڤەهێلن

هندی بچن.. دویماهی بەرزەبینە

چیایێت بلند.. خر گەڤر وتەحتن

گەهشتن.. بو نینە

پاشڤە زڤرین.. تێدا فرینە

دبەردا رێل ودەحلن

جهێت شێر وپلنگانە

بەرازێت خنزرینە

شکەفتێت تەنگ وتاری

بو وی.. بو نەیاری

قەبرێت درست کرینە

زڤستان.. زورا درێژە

یا بەفر رێژە

بایێ وێ.. یێ دژوارە

گیان ..دەرینە

بەلێ دەما زانی

کورێ وەلاتی..یێ هشیارە

لهەمی دەما.. وەک زێرەڤانی

دەست وپێ لێ خاڤ بوینە

زاخ تێدا نەما

گاڤا زانی..

دەمێ ڤەمانێ گەلەک ڤەما

دەستیت خو درێژکرینە

بو تێک گرتنی

کوترێت ئاشتیێ بەردان

سەر وارێ تەناهیێ.. فرینە

ل ناڤ بهارێ دادان

دگەل کەوا پێگڤە چەرینە

١٦-٢-١٩٧٣ بێجێ

هزرا نەچار

ئێش وژانا

خو کێشا.. بو شابیت

ژوارێ دەرد وداخا

چەوا دکێڵ رادبیت

وەک تیرا هاتنە خارێ

خو بەردا سەر لەشی

ناڤ کول وکێنجێت کەڤن

ئەوێت هەمی دەما

ناڤ دلی.. ناڤ گیانی

دخەفن..

وەک ژانا ددانی

لەوا ژبەر.. هزر وبیر

دهشیارن.. نانڤن

دکەن بزاڤێ..

وەک پورا کەتیە داڤێ

دا ب دەرکەڤن.. بچن دویر

ژوی واری برەڤن

ژوارێ کول وکوڤانا

پشت سنورێت دەرد وژانا

هزرا ژار..

قەت نەشێتدەربازبیت

یا مایە نەچار

مژێت خەمی بونە عەور

ژهەمی رەخا یا شوردبیت

دبیتەبلندە دیوار

نینە دەلیڤە.. نینەرێبار

لەوا ڤەدان گەلەک دەور

نزانیت ب چیتە کیڤە

وەک رێڤنگێ نە گوهدار

یێ نە پرسی.. گرتی ریا خار

مایە ب رێڤە

یا دجنیت ژئێش و ژانا

هندی ماینە پێڤە

هەر وەکی نوی لێ کەتی خێڤە

٣-٣-١٩٧٣ میسل

مرنا بێ نیهار

دەما ل گوندێ منێ بێ دەنگ

هوزانڤان دبن ودمرن

بێ شەر وجەنگ

وێ روژێ..

وەک کولیلکا لاڤ لاڤکێ

دەما گەش دبیت دناڤ ئاڤێ

پشتی روژ دچیتە خارێ

دچرمسیت.. وێ گاڤکێ

کەس نینە بو ب گرن

بکەن نیهاری

خرێت مژیلن بکفنێ خوڤە

دکەن بزاڤێ

دا درست کەن جهێت خو

دوژمن ونەیار

وێ گاڤێ..

دهێن ژهێڤە.. وێڤە

وەک سالا پار

دهولێت خو دهەلگرن

وەکی هەر جار

ژێ دبەن دەنگێ دژوار

هەڤال وهوگرێت وان

دەستا تێک دگرن

دور ئەوێت ژار

دزڤرن..

قاونێت بەرێ.. ڤەدکەن

وەک مروڤێ دکەتە هاوار

دەنگێ وان..

ئەوێ پر هیڤی.. تژی دەرمان

پێ بەرزە دکەن

چاڤا لێ دگرن

دهێلتە بێ ئەزمان

ب دەنگێ نزم دگوهادا دبێژن:

هەوە نەبو..چ خودان

هیڤی ببو.. ڤەمان

ڤەمانا بێ ژڤان

ڤێجا خەما نە هلگرن

روندکا نە رێژن

تیرێت هەوە مانە بێ کڤان

دێ ژەنگێ گرن

گەل وە دێ مرن

ڤەمان دێ بیتە..نەمان

٢٣-٣-١٩٧٣ میسل

گولا من دڤێت

من ئەو گول ڤیا

ئەگەر سەری بلندکەت

شین ببیت ل نزار وچیا

بهنێ ب دەتە گرا..

نهال وگەلیا

نە چرمسیت.. سەری شورکەت

وەک گولیا سەر نوخین

ل رەخێت ریا..

دەست بو بێنە درێژ کرن

پاڤێنە بەر پیا

ژینا کورت لێ بکەنە مرن

بفرن تەیر وتەواڵ

ئاوازا بێژن.. چو جانە هەڤاڵ

گەل خو بر تازە بهار

رەشکر ل مە وار

بو.. بو کێم دەمی ژیا!

٦-٤-١٩٧٣ بێجێ

کاروانێ جانە مەرگا

گەلەک نینن..

ئەگەر هزار شەمالکا هەل کەم

دناڤ شەڤا تاری

ل رەخ شینوارێ تەیێ رەش

دەمەکی ب هێلم.. گەش

ل پێش چاڤێت نەیاری

دلێ وی تژی کول کەم

نە.. گەلەک نینن

بو وی جانێ هەژی

یێ خو ڤەمراندی

بویە رەژی..

لەشێ نازک مراندی

دا ئەم .. بژین

گەلەک نینن..

من کرنە خەلات

ژبەر وێ فەنەرا

تە هەلکری.. بو مە خرا

پێ رون بوی وەلات

ببو بزوت..

چاڤێت نەیاری

هەردو رژین

گەل یێت زورداری

٢-٤-١٩٧٣ بیجێ

کانێ تەناهی..؟

پشتی روژ هەلاتی

ژیانێ رویێ خو سەردا کێشا

وێ گاڤێ تو ژێ..

بو یە هەڤال

دگەل وێ.. تو هاتی

دا بژی..هندی هەبن.. مەهو سال

نە .. نەهێلان تو بژی

رویێ تە.. دەم بو دەمی

وەک کولیلکێت چەمی

ب گەلەک رەنگا گوهارت

تو بەرزەکری..

چیێ پسیارکری..؟

گوتن.. یا مری

نە مایە .. مە ڤەشارت

دوهی..هاتن دگەل خو ئینان

تەڤر وبێر

جهێ تە ڤەکولا

لەشێ تە یێ مری

دەراند وەک روژا پێر

تو ساخ کری

خراند..

لەشێ تە یێ بێ گیان

وەکی گورگێت برسی

ژێک رەڤاند

دەڤ زوها ببون تینک

گەریان.. بێ ڤەمان

ب دەنگێ بلند دگوتن:

کانێ تەناهی..؟

کیڤە چو ئەمان

بو چی بو عەور؟

ڤەشارتن ساهی

خو دانە بەر روژێ سیتافک سوتن

دا نە هێت روناهی

هلکرن ئاگرێ دوژێ

سەر مە کرە.. فەرمان

خوشی وتەناهی

فروتن..

چ شین بو.. نەمان

١٣-٤-١٩٧٣ میسل

پەنگی دەنگ

ئەو برینێت تە ساخ کرین

روژا بەرێ

ژلەشێ بریندار

هەودان ڤێ گەرێ

لەش خر بو برین

مامە نەچار

ژبەر ڤەمانا تەیا بێ دەنگ

کو هێلا ل سەر لەشی

جارەکا دی..ببیتە جەنگ

وەک گوریا ئاتەشی

لی چو.. خەملاند

کرە بەر من "رەشە رەنگ"

ئەو تیروژکا مە ڤەهاندی

ژروناهیا روژێ

بەر من هەلاند

هەلکر ئاگرێ دوژی

دوین تێدا کەلاند

لەوا ژگیانی.. دەرکەت

پەنگی دەنگ..

دزانی.. وێ تێک وەرکرن

داڤێت بیانی..

دێ هێلیت خر ببیتە ژەنگ

ژێ نەهێت چ دەنگ

چ دەنگ.. مراند

١٣-٥-١٩٧٣ میسل

ڤیانا ڤەشارتی

ببە رێبەر

دگەل من وەرە

شەمالکا منا رون

رویێ خو نە گوهێرە

نە بە وی ئالی

رێکێ رونکە

دا ب گەهمە وی جهی

ترس وشەرمێ راکە

ژ وی روی

ئەڤیندارا دلوڤان

پێلە بهنەکێ ب چین

من دڤێت گوهی بدەمە

وی دەنگێ جان!

ئەگەر نە ..

چ جارا چاڤ ناکەم

بەرێ خو ناکە مە جانیا تە

ئەوا وەل من کری

بکەم هزرێت کویر وگران

هزرێ ناکەم دێ وەکەی

یارا دلوڤان، وەرە نێ دەمە

دا ڤەشێرین هەمی تشتان

رون نابیت رێ، بروناهیا کێم

بەلێ جانیاتە رون دکەت شەڤێ

نی تو دزانی

دەستەک نەشێت بکەت دەنگی

دا ب هەلبژێرین پێگڤە

هەڤالینیەکا نیزیک.. یا بێ جەنگی

ئو ڤیانەکا هەر وهەر

یان ژی دا ب چینە پاشڤە

ئو ڤیانێ ب کەینە دەر.

٩-١٢ -١٩٧٠ میسل  

وەغەرەک بو دوزەخێ 

جهەک تە ڤیا دوێ بەهشتێدا

یان تە دڤێت ب سوژی دڤێ دوزەخێدا

کی ژکی ب هەلبژێری چ خەمنینە

ڤێ بنک خو ڤە بینی، یا دی بفرینە

من بهیست ژخوشیێ لالی ستران گوتن

د گوهێ کەریدا چەوا زەنگلا دقوتن

لالی گوت ئەڤرو یێ ئارامە، دلێ شاد

من نینە بو تە فرمێسکا برێژم ژبێ داد

دەف من هەمی تشت برەنگن بخوشیێ

دەف من نە خەمە گەر کەتیە ئاریشیێ

جیهانا نهینی د کەڤتە پشت یا دویرە

ناهێتە دیتن بچاڤا، نە ب هزر وبیرە

بەلێ دێ بینی ، ئەگەر تو بمینی

درەنگ یان زوی، وان رەنگێت نهینی

درێکا تە دا ب وی دلێ راست

ژ لەشی دەرکە یا گیانی خواست

دا بگەهنە وان تیروژکێت زێرین

بێ روندک بهێلە چاڤێت تە بگرین

دوێ کانیێ دا تهنا خو بشکێنە

ل بەر ڤی دەنگێ کویر پەقینە

ژ مێژە  وەرە ما بو ددلیدا ل ڤێرێ

بەس نوکە دەرچوهەر وەکی تیرێ

چ تشت نەما ل پشت پێچێ

پاتە ڤەدان بو چونا گەمیێ بەرچێ؟

١ – ١٠- ١٩٧١ میسل - ئەحمەد عەلی

دەنگێ کوترێ

ئاخ گوها!

دەنگێت خوش وە  یێ بهیستی

بەس خرا خو یێت بدویر ئێخستی

نە دویر.. من دیت

تەوالەکا پوسیدە

پتنێ یا روینشتی

ب نیهارێ ڤە .. خو یا ڤەبستی 

قەت من گوهلێ نە بویە

وەکی ڤی دەنگی

هو کویر خو ل دلیدا..

ئەز مام .. بو درەنگی

دا هەلبژێرم ..بمینم

یان خو بدەمە پێدا.

تەوالێ.. بێژەڤە

دا من گوهلێ بیت

بلا خر گەلی ڤەدەن

نوکە، دەرکە

وان خەمێت ڤەشارتی

وەلێ بکە، کو دل خو ب قوتن.

بو تەوال ؟

تو یا بخەمی ئەڤرو

ئاخینکێت تە زورێت کویرن

گول وهەلال

ل دور مە یێت بکەیفن

بو ل گەل مە دێ مرن؟

کوترا من.. وەسا نە مینە

ل سەر دارا ، بێ دەنگ

نەهێلە .. نە ئاخڤتن

گەل مە ب کەتە جەنگ

دناڤ ژانادا ب مینن،

ئەو شەوقێت زێرین نەمان

چونە بهن ڤەدانێ

نهو وەرە .. ئەی هەیڤا جان

دویر ئەو فری .. بو هێلینێ

دناڤ تاریێ ئەزێ دروینم پتنێ.

٢٥ -١٠ - ١٩٧١ میسل - ئەحمەد عەلی