دلداری

دلداری

هەلبەستا دلداری

ئەڤین

یا پێویستە دل بێژیت منێ هەی یارەک

خەم نینە ، من نە دیت بیت بە جارەک

ڤینا وێ ددلدا یا بویە دەریایەکا فرەهە

نە شێم بکەم ئیشەک، من نینە کارەک

من نە شەڤە نە روژە ، چ پکەم؟ هەوار

ئەڤو ئاگرێ ڤینا تە هەلبو دنیڤا ڤی دلی

نە توانم ب رەڤم ، بەزم ، من نینە غار

هناڤ سوت، شەوتی گیان وەکی چلی

٢٠٠٥- میسل

پێلێت عەشقێ

پێلێت عەشقێ وڤینا تەزی

دشێن تە پاڤێن وبنگەرکەن

هشیاربە زۆر دیف نە بەزی

دێ تە بی هش وسەودا کەن

دێ زراڤبی وەک داڤا دەزی

ژگوشت وخوینێ لاوازکەن

ژخۆرکومانا دێ هەرگەزی

بێ شەراب، دێ تە مەستکەن

دناڤ دەریا ڤینی دێ لەرزی

نەچار، کەس نینە دەرمانکەن

بێ سودە ، پەشیمان وخوزی

مەوج وپێل، دێ تە بن ئاڤکەن

٢٠ - ٧ -٢٠١٦- دهوک

بێ سوزێ

چاڤێت یارێ کەتنە خەوێ

یێ من ژخەوێ دویرکەفتی

تە سوز دابو، نە پەیدابوی

لبەندا تە مام نە دەرکەفتی

من زۆر حەزکر تە باخێڤم

کەڕ ولال بوی نە ئاخفتی

تەیروتەوال لهێلینی خەفتن

چاڤێ من بەرچێ نەخەفتی

دونیا چەندا رون وفرەهی

لبەر من تو تاری شکەفتی

دل چرمسی گولا وەریای

تومای گەش هەرا بشکفتی

دیوارێ یارێ رەق راوستا

بوچی یێ من زوی هەرفتی

خر ژدیتنێ تێر وحەمەرن

پتنێ مام برسی کێم کەرفتی

تە وەغەرکر تە ئەز هێلام

لەش کەتە وێری نە نخافتی

9-12- 2015

دویرکەڤتن

خەم نینە

چەند دویر ونێزیکبم

من داخازە:

دێ بێژم... ئەڤە ئەزم

گەل بای... دێ بەزم

چەند ئاستەنگ ب کەڤنە بەر من

دێ دخو قەلزم

ریا من هەریبیت

یان بلندە چیابیت

گەل گرێت نزم

دێ تێ بۆرم... خو ناگرم

ناڤ دەحل ودوریا چمە دەر

بلا دار وبەر ل بەر من ببن کزم

دا بگەهمە قویناغی فەر

ل وێرێ دێ بێژمە ڤە ئەڤە ئەزم

قەت نا رەڤم، نا بەزم

خودان پەیمان وسوزم

٢٠٠٧- میسل

حەژ تە دکەم

دلکێ منو بەحرا وانێ

تەیرێت خەمێ دادانێ

قەت چ جارا پڕناکەت

ژبەر ژانێت هەودانێ

خۆ ناگریت بەر بارانێ

نەشەڤێت سار زڤستانێ

چ جاران گەرم ناکەت

تەحرکا هاڤینا دەشتانێ

دلو کەتی قەیدا نەزانێ

کریە زەڤی دایە کێلانێ

چ جاران تەمام ناکەت

دهێلیت بەر تێکشێلانێ

لێ چاندن رەنگێت ژانێ

بشکڤتن ل دەمێ بەیانێ

دلێ خەمگین وە ناکەت

بمینیت ڤێ دەست ودانێ

وە ناکەت، خان ومانێ

ب کەڤیت خۆرکومانێ

ل چولا خۆ شەیداکەت

شێت بیت ژبەر ژڤانێ

ژڤانێت تە تەڤیا بارانێ

بلەز حشدکەت پەیمانێ

سوزێ دبریت وەناکەت

ژێ بهێت بێهنا ریحانێ

گول وریحان ژڤەمانێ

چرمسین ژکول وژانێ

خۆ ڤەکێشان، ڤەناکەت

ڤەدەت مژێت هەودانێ

٧-٦-٢٠١٩ - دهوک - ئەحمەد عەلی

دلێ شکەستی

ئالایێ کوردستانێ د ئالینی

دورسەری وئەنیێ راکێشا

ئەز قەت ناهێلم تو ببینی

چەوا دل شکەست وئێشا

منا هەی شانازی، بنهینی

دێ ڤەشێرم خەم وئاریشا

روندکێت من دێ خوینی

ناڤ بارانا دکەڤێت پێشا

ڤینەکا کورت

تە چاڤکر

تە سەحکر

تە رێنا

تە دەڤ ڤەکر بکەنی

تە بکێرا نە خوش

دل ل من رەنی

من دیت ئەو خالا

کەتیە سەر ئەنی

تە پرچ راکر

تە ئەو بەلاتینک

دیارکر

ل جوکا هنداڤ مەمی

تە چاڤ کلدابون

بریێت زراڤ

تە کێشا بون بقەلەمی

تە تیر بەردانە

دلێ لاواز

ب چوتێ کڤانا

مژیلانکێت تە کەتنە

سەر سێنگی وەک رمی

تە ئەزمان گەزاند

ب هەر دو لێڤان

تە هشا من بەزاند

بەر چاڤا جەماند

تە زڤراندن کەڤنە گەمی

من نەمان ئاخینک

بویە خەم کەتی سەرخەمی

تولاز بوم نە کەتمە داڤا

بگرنژینێ

بزلف هژینێ

تە ئێخستە بەندێ

وەک بازنێ زەندێ

ل وی دەمی

تە هەست هژاند

ڤین ناڤ خوینێ جەماند

دەما بۆری دەست تە لڤاند

تە خو کرە سەر برینێ

شاش کرم جانێ

بێ هش کرم دینێ

ژان دانانە سەر ژانێ

ل وێ کورتە مانێ

بێ ئەمانێ

ژلەشی لەرزم

گیان تێکدا گژگژی

ژمنرا قەرمی

ما قەرمی

بایێ ئەڤینێ

ژتە فێربوم چەوا بەزم گەل بایێ ئەڤینێ

خو نقوکەمە گەرێ ب کەڤم بەرخندقینێ

من بوخو ژتە گرت رەفتار ژبیرڤەبونێ

ل سەر رەوشێت خەریکیێ وخەریبونێ

قەت نەشێم تە ژڤان هزرا ب بەم دینێ

وێنێت تە کەتن بەر چاڤا دئینیت گرینێ

ئاورێت چاڤان کوژتم ب داسا دورینێ

با تۆزێ: خوزی ژمن برنە بەر فرینێ

دادان ل سەرگولێت سۆر وەکی خوینێ

سەر چق وتاکان دڤەلەرزم ب ڤەهژینێ

خوینا ژدلی درێژیت،برین کەوی برینێ

گولا من تا کەنگی ب مینم کوژتیێ ڤینێ

چەند جارا تە ئەز کوشتم بێ ئول ودینێ

تو کژوکا منی تە ئەز کوژتم بگرنژینێ

٢٤-٨-٢٠١٨ دهوک – ئەحمەد عەلی حەسەن

ئەڤینا بەشوشێ

هۆ جانا منێ سوبە جەژنە

بکە کوکێ خۆ، بادە بەژنە

ب هژینێ، بەژنا تە هەژنە

خۆ ب هەژینە لنیڤا دیلانێ

دلێ یارا بێخە بەر کێلانێ

لێ بکە فەندا، گەل پیلانی

کچێت ڤی زەمانی ب فێلن

دلێ لاوا زوی ژخۆ دهێلن

بێ سۆزن، بنازن ب مێلن

ل مە نەکە قەت نازەنینێ

دلکا نە ئێخە بەر رەنینێ

ژهناڤا بینی خوروخوینێ

هناڤ کەت ل بەر سوتنێ

گیانێ شرین مەدا فروتنێ

ب تلێت یارا بهێت دوتنێ

بدوشە سەودا گەل هوشێ

کەیفێ ببە، ڤەشێرە خوشێ

ڤینا بەشوشێ کەتە کوشێ

ئەڤینا تە بدلکێ منڤە نیسا

کەتە بەر باروڤا بابەلیسا

بریسیا لێدا قەت نەتەییسا

٩-٦-٢٠١٩ – دهوک – ئەحمەد عەلی

گالین دگەل دلبەرێ

ژدەنگ ڤەدانا عشقا مەلایێ جزیری

صباح الخير يا خانم

ژوێ زولفا خەلەک ژئەوێ بەندێ

ئاورێت چاڤێت بەلەک لڤینا زەندێ

سوتم وحەلیام شوبهەت موم وفندێ