تارێت

دەردێ بێ دەرمان

گورگرا عەورانە

دونیا بەفر وبارانە

ژکورونێ درێژیت

یێ دکەت ودبێژیت

پەیدابوی دەردەک ل جیهانێ

ل چینێ ل باژێرێ ووهانێ

نینە چارە، نینە دەرمانە

ل ڤێرێ حەلێ گوتە گولێ

گوندێ منێ ل سەرێ ملێ

یێ هەژارە، رویتە، بێ خودانە

ناڤێ وی زۆرێ گرانە

بو چیە، یێ سوتیە، وێرانە

کوچکا تل وکرویە

جهێ خرویە، تەیرێ کوندویە

نە دەرمانە، نە نانە، نە دویە

نە تەعانە، نە پەرژانە، نە سیهوانە

صە تێدا درەون، گەڤزکا کەرانە

پڕە ژزڕتەکا، خانا پێسکانە

دیلانا کتک ومشکانە

دناڤ مالان، ترس ولەرزە

نڤێژ ل هەمیا کرە فەرزە

قیری یە، گری وشینی یە

تاڕێتە، ل خڕا قەیرانە

مرنە، ئاخرزەمانە

دەردێ ل سەر دەردانە

پشتیەکێ قورسە، زۆرێ گرانە

ب ئێش وژانە، کول وکوڤانە

بەر دەرێ هەمی مالانە

ل نک منە ل دەف تەیە

ل رەخ منە یێ نهینە بەرزەیە

یێ کەتیە سەر شان وملانە

وی نە ترسە، نە شەرمە

ل وی نە خەمە

دژیت ناڤ گەرمێ

دەردکەڤیت دگەل هلمێ

جهێ خوشیێ سەقەمە

ریڤینگێ گەروکە، مێڤانە

بێ تۆرەیە ، نە جەوازە

دفریت وەکی تەیرێ بازە

سەر هەمی تشتا درازە

دادەت سەر دفنێ

دنڤیت ل سەر لەڤەنێ

وەیلا ل منێ رەبەنێ

نقروسک وتەمارا مرنێ

دئێختە بەر چاڤا

ل ناڤ جەرگ وهناڤا

خۆ دڤەشێریت ل سیهێ

دشکێنیت چوک وگاڤا

بلەز چێدکەت کفنێ

مەمیانە بو هەمیانە

ب هێزە، ب شیانە

نەچارکرن دختۆر ولوقمانە

یێ دکەتە قیری ئەڤە مەیدانە

دونیایێ کەمە پەقیژکا کەزانێ

ل خەلکی کەمە غار وبەزانێ

هوین گرتینە ل حەبس وزیندانێ

دەردێ ل سەر دەردانە

دەردێ بێ دەرمانە

مرنە ونەهێلانە ونەمانە

بو ژاری، هەیی، بو هەمیانە

چاک بزانە بو هەمیانە

دێ کەین وبێژن ڤەگێرانە

مرنە بو هەمیانە، بو هەمیانە

9-3-2020 – دهوک- ئەحمەد عەلی

پوسخانا کورونا

ترسا کورونا دکەت ڤان روژان ل خڕ جیهانێ

دونیا ل مە کرە شکەفتا تاری، پەقیژکا کەزانێ

کەسێ نەکریە، قەت نە بویە، چ دەور وزەمانێ

هەمی بونە تەوانبەر، گرێدان ل مالێ ل کولانێ

ئەم گرتین ل حەبس وزیندانێ، کەتینە پوسخانێ

ژیان کریە قەفەس، زەیقەتە سجنەکا بێ تەعانێ

قازییە ژخو رازیە، گرتیە قەفەسکریە، ناڤ زنزانێ

نە ل سجنێ نە ل پولیسخانێ بەلێ ل مال وخانێ

بخو مامو ئەڤێ ژەنگێ، ڤێ قەهرێ وڤێ کوڤانێ

کییە نەرازی، کورونا ودبێژیت نە گوهدار کانێ؟

گوتنا من دبێژیت:

ئەو نە حەبسیە یێ ل پوسخانا، ئەو گرتیە ل مال وخانا

٥-٤-٢٠٢٠ – ئەحمەد عەلی – دهوک

جهێ داخە

ئاخە جهێ کویرە داخە

ل دنێ پەیدابو، ئەڤی چاخە

دەردەکێ گران کەڤتیە تاخە

ل جیهانێ کر ئاخینک وئاخە

مرن زۆربو، یا بویە مشتاخە

ساخێ ساخلەم، ل مالێ نساخە

ل بسپۆر ونوژدارا ئینان شاخە

بەهتین دبێ هێزن، نەمان زاخە

نەدێتن ڤاکسین، زیدەبو ترسین

خەلکی نەما هیڤی، نەما ئەمان

نەما باوەری، نەما سۆز وپەیمان

تە چ کر ڤایروسێ ووهانا چینێ

تە خەلک ئێخست ترس ولەرزینێ

نەهێلا بو مری بکەن بەهی وشێنێ

خڕ دەبستان تە هێلان بێ خویندەڤان

ما بێ جەژن ل ئەڤێ سالێ رەمەزان

هەرا رابری بێ گاز چلێ زڤستانێ

سڵ وزیزە کارەبا ل ئەڤێ تاریستانێ

بهارا بێ نەڤرۆز، خەمگین کر هۆز

ئەینیا بێ نڤێژ، چو بێ وەعز وبێژ

گەنگی دێ ڤەگەریێت رەندە ژیان؟

شاد ببیت ب کەیف وخوشی گیان

بزڤریت وەک بەرێ رویێ جیهان.

٢١-٥-٢٠٢٠ – دهوک – ئەحمەد عەلی