رەنگین

هەمە رەنگ

هەلبەستا رەنگین

زاروکێت مە

کور لنک دەیک وبابا دلە

دەف باب وباپیرا نەڤی کاکلە

دندلاندی سەر ران وسەر ملە

هەریێ پاقژ وبژینە یێ چاڤ کلە

لێ هشیارن هەردەم یێ چاڤ زلە

شەمالکن درێدا، چرایێ رون وهەلە

چێ بخازن دێ بو ئینن هەتا هەسپێ دندلە

ژێ تۆرە نابن چ جارا قەت تو نابینی یێ سلە

دەیک

دەیک هەمی تشتە

گەر مێر تەناهی بیت

ژن مال وگەشتە

خویشک کوزیرک بیت

برا هەر پشتە

کۆر خودێ دا بیت

کچ خێرە سەر مە دارشته

باب سەر فەرازیبیت

دەیک هەمی تشتە

دەروێش

ئەو کییە وەک من بو یە دەروێش

لچول وچیا ژین دیف خو راکێش

پرچا من دگەل ریها بونە راکێش

تێرم ژرەحما خودێ نەمایە ئێش

یا دای ئەوە چ جارا نا بێژم هێش

چییە مال ، ل نک من بویە گلێش

خەم نینە خەلک بچن پاش وپێش

نەهشم ، مەندەهوشم نەما ئاریش

لاڤ

تو خودێ هەمی خەلکی

زورداری سەر مە راکی

ئێشێ ببەی، مە ساخکەی

نە هێلە دەردا بن برکەی

بێ شفا تە،مە نینە شفاکی

نعمەتێت خودێ

ئێک ژنعمەتێت خودێ دو چاڤن

گوهو دەست وپێ نە هەردو گاڤن

دل ومێلاک وسیهن یێ دی هناڤن

خودێ مەزن ژ تە دان ژمە لاڤن

میشا هنگڤینی

ئەی مێشێ مێشا هنگڤینی

تو یا هاری ئان ژی دینی

جهەک نەما تولێ روینێ

وەک کراسی ب منڤە مینی

چا سەر پەلا

ل چولی چا چێ ببیت سەر چولێ پەلا

ل دەمێت خەمگین دل ببن سیبەر بودلا

ل ئاستەنگا ل ئاریشا مل بێنە بەر ملا

ل جەنگا خو نە ڤەکێشە هەر بێژە بلا

لێ کەفتن دەیباب باورکرن وبێ عاقلا

لێ دان ل زکی سەد مستا دا بەر کەلا

لێ کرن گەف، چاڤ کورەکر بەر تلا

لێ ڤەدان خەفک، مارێت بن گل گلا

خاندنا بەرێ

خاندنا بەری بشەڤێ د کەتە بەر تاڤە هەیڤکێ

پشتی هنگێ قندیلێ جهێ خو کرسەر رفاندکێ

دکێلا وێ نەما چنکی خو ئینا پێش فانوسکێ

دیڤدا هاتن سێ برا پێگڤە وەکی بابە لیسکێ

فەنەر ولەمپە وچرا کەتنە بەر برا وخویشکێ

نەکێشا گەلەک، سالا مە دێت روناهیا لوکسکێ

بو جەژن ل دەف مە دەما هاتی گلوپا کولانکێ

هەمیا دانن لایەکی ژبیر نەکن روناهیا مومکێ

تاگریێ وخوڤیک

ل تا گریێ بخورە ، ئو لێ نەزڤرە ، دا بمریت دەمەکێ نێزیک

خوڤیک درێژ بو وەک ریڤیک، ناڤ مەدا بو هزار چق وتیک

کێمێ پڕ بزاڤ،چێترە ژزورێ بێ زاخ، کا تاری کانێ حەتاڤ

گەل کورا بخو بئنساف، ژڤی ب خو یێ دی بدێ گوشتێ خاڤ

پێش خو راکە تەلها، ڤەکە چاڤا دا بەرزە نەبیت ئەوماڤوناڤ

٢٠-٣-٢٠١٧ - دهوک

گوندێ بابکالا

ئەوکی یە نە بهیستی ناڤێ ڤی گوندی بلا بێژیت نەخێر

بڤروداسا کارێ کری، ئەردێ کێلای بمەرێ تەڤر وبێر

بچیک ومەزن ، پیر وداپیر بەشداربون دگەڵ ژن ومێر

ب خوشیا میری، ژار وژیری، دەهان برسی، ئێکێ تێر

١١-٤-٢٠١٧ دهوک

وەرنە گوندا

مەبەستا من ژخەلکی ب زڤرێن سەر گوندا بچینن

گەشتا واری ژهەمی رەنگا کەسکەن ب خەملینن

ژپیر نەکەن جهێ باپیرا ل سەر ڤی خاکێ زێرین

بژین بکەیف وشادی، ب سەر بلندی، ئارام بمینن

١٦-٤-٢٠١٧ دهوک

ژیانا گوندا

ژیانا گوندێت کورد وکوردان

ژیانەکا پاقژ وبژینە بێ گومان

تێدا نینە دەرمان وکل وکلدان

بێ خرێک وگرێک وهەودان

هەستا تە چ دبێژیت؟

دوژمنو وەلات پارێز یێ دبێژتە تە :

ژئەڤرو وێڤە بەسە گوندێت مە ب هێنە:

خرابکرن... وێرانکرن... کومباخکرن

بهێنە هەرفاندن... شەوتاندن... ستاندن

بهێنە ژبن برن...کاڤڵ ببن ... بوم تێدا بفرن

هەرفتی دیوار... ببن شینوار

ب سوژیت وار.... نەمینیت بهار

نوی روژ هات، ئادارهات، بو خەلات

٢١-٣-٢٠١٧- دهوک

بهارا بەرێ بهار

ب خەمل و کوکە بهارا رەنگین هاتە وەلاتی

گوندی چونە سەرزیروملا د گەل روژ هەلاتی

نیرگز د گەل هەمی رەنگێت گولا کرن خەلاتی

کچ وکوران کرن کەیف وسەما بو بهارا ژێهاتی

تریێ تەیفی ورەش موی و زەرەک و کەمالی

ل ناڤ میرگا، ل نهال ودولا لرەخێت کەندالی

ل گوندێ بەرێ بهاردهێتە چاندن ب خۆمالی

بدرستی ل بەر مێڤانا خوش دوست و هەڤالی

گری باسێ – مەحلا گینیکا

ئەڤ هوزانا جان دکەمە دیاری

بو دوست وهەڤالێت گرێ باسێ

کەڤن ونوی یێ ژیای لڤی واری

گوندیا خرا کار دکر بڤر وداسێ

مە مال ب گینیکا شوینا دیواری

وەک بیکا خەملاندی ب کراسێ

پێکڤە دژیاین ب ژیری وژاری

بۆرین وەکی خەونا، نەما ئاسێ

٢ - 4 -٢٠١٦ دهوک

مار.. نەیار

دوژمنێ مە وەک ڤی ماری یێ رەنگ ورەنگە

دحولیسیت ل خر رەخ و جها بێ پێژن ودەنگە

دگەزێت، پێڤەدەت بلەز وبەز وەک تیر وتڤەنگە

تاری دکەت ژیانی ل مە وەک شکەفتەکا تەنگە

٢٠١٦ - دهوک

ئەڤە کوردەکێ پاکە

ئەڤە کوردەکێ سەر بلندە مێرینە

وی نە بەس کێلان وجوت کرینە

ببڤر وداسێ دار بو کومرا برینە

ب شالوکێ دەخل وگەنم دورینە

تەرش وکەوال بو ئاقاری برینە

لسەر کوسکا لدوژمنی خورینە

دخوینیت چنکێ مەژی زێرینە

٢٠-١-٢٠١٨ دهوک - ئەحمەد عەلی

ژنکا دەقدای

ئەی جانا بێ حیلە دەق ل سەر ئەنیێ

تە دلێ لاوێت گروپی بکێرێ رەنیێ

بلا ژکەرب وکێنێت تە، سەن ومەنیێ

کچکێت گروپی ب چنە جوان کریێ

داخازا بارانێ

بیکا هەمیا بارانە

ئاڤا دبن دەغەلانە

ل دەمان وجارانە

بارانو هەی بارانو

کەلشتە کەفتن بانو

شولکە باگوردانو

بارانێ ئەی بارانێ

تەرکە دەرێ خانێ

بهارا مەها نیسانێ

ژوێڤە دهێت بارانی

تەرکر بەر خودانی

شەل گەل شەپکانی

هو یاران ونەیاران

خودێ لێکەت باران

بو بەلنگاز وژاران

رەوشێت مە دگرانن

ئەم دبێ دکاک ودانن

داخازا ژخڕا بارانن

ل مە باری، بارانی

لسەر شڤان وگاڤانی

گەنمی بکەینە دانی

ب خێر هاتی بارانی

مشە بوو سەوکا نانی

ل ژاری بو ئەرزانی

١٦-١٠- ٢٠١٨ دهوک – ئەحمەد عەلی

نیوار

نەڤیێ منو، باپیرو نیوار

سینگێ خو بکەیە دیوار

دەما دبی یە گەنج وتولاز

چەنگا قژکەی وەکی باز

گەل جحێلێت کوردستانێ

خو ئامادەکە نیڤا مەیدانێ

٢٠١٦- دهوک

زڤستانە

زڤستانە: خر به فر وبارانه

بهاره: نەگەرمە ، نه ساره

هاڤینە: تەحرو گەرمینە

پائیزە:دار وبار یێ زيزه

ئەو چنینن

گەلو: ئەو نە گوندە

ئەو گوندێ وێرانە

ئەو گوندێ

لێ نەبن رەز..

بو چییە ئەو کوین

بمینن ل دەشتێ

گەر تێدا نەهێت

دەنگێ شڤانێ خورت

بمینیت بێ پەز

پشتێ بدە وان

توڤ کەسان

یێ ناڤا ل خودەت

بدەنگەکێ بلند

ب رەنگەکێ بلەز

دبێژیت کەس نینە

بەرامبەرێ من

هەر ئەزم ئەزم ئەز

٢٠١٦- دهوک

دلێ پاقژ

کا ئەو دلێ پاقژ ودلێ سپی

نەهێلە رەنگێ رەش تێدابی

خۆ ژکەرب وکینیێ بدە پاش

داسەر بلند وسەر فەرازبی

زمانێ کوردی

زمانێ کوردی دەریایە

نە سەرە ، نە بنە

هەرە دەف ، تێدا دێ بینی

ژهەمی رەنگا دێ خوینی

نە رەخە ، نە تڵە

نە تەنشتە ، نە ئالە

هەمی تێگدا ئاڤا زەلالە

زێرو زینەتە گەنج خانەیە

خر در ومرارینە

سەر موهرە خومالە

گوتنێت مەزنا خر نەخشێت بەرینە

پەیڤیت رەسەن مە ژبیرا خو برینە

یا بیانی بکاردهینین نک مە چەندا شرینە

ئەڤە دوستە ، هوگرە یێ دی هەڤالە

رەوانن ، دیارن ، بێ گومانن

نەیا چەپە ، نەیا خارە ، نە یا لەنگینە

دیف هەرە ، تێدا بگەرە ، یا زەنگینە

سەر چیایە ، بن نهالە

ژ هەمی رەنگا گییایە

نیرگزن ، سیسن و بەیبین

شلێرن ،بیتانوکن، هەلالە

گوینیک تژینە ، خرار د گرتینە

تێر دپرن ، دەڤ کرتیە جوهالە

خیچ سورن ، خیچ شینە

بدەستا هێدی ب دەرینە

شلخا مێشێ یە ، دەرمانێ ئێشێ یە

هنگڤینە ، ئاڤا شرینە

بەیتا سیسەبانێ بێژە

هەر دەم ڤەگەرینە

فەرهەنگا خانێ یە

داستانا کوردانە ، مەم و زینە

کەلا دمدمە ، خانێ لەپ زێرینە

مەلایێ جەزیرا بوتانە

دگەل فەقیێ تەیرانە

ڤەهاندن هوزانە

چەند ئەڤیندار ودل سوژ

گەل وان مانە حەیرانە

خو پر هێزکە ، خو موکم کە

بێ زاخ نەکە ، وەستینە

زمانێ خو پێش ڤە بینە

خاک ومروڤ وزمان

ناڤن بو وەلاتێ کوردان

مان یان نەمان

بێ ئەمان نینە ئەمان

ئەڤێ دناڤ دلیدا ، دجەرگیدا

ب خوینە ، ببە و بینە

خو پر بزاڤکە ، قەت نە روینە

وەکی خوینێ ب چینە

ئەڤێ چەندێ بدەستێ خوڤە بینە

دوژمنێ پێش نیاسکە ، ب گرینە

ل خر جیهانێ بژینە

٥ - ٧ – ٢٠١٦- دهوک

شیر وماست

شیرێ دووتیە

دەو ژماستیە

ماستێ قەرستیە

بدەڤیڤە ڤەبستیە

پەنێرێ خۆرستیە

چێدکەن بدەسەتیە

ئەڤە چی یە ؟

نا بێژنە ڤی مەرزی

بزانە ناڤی وی کەرە

گوه چەپەرە

ئەرد ل بن پیا لەرزی

پێگڤە کاردکەن

هەمی تشتا سەر پشتێ باردکەن

ناڤ چەم ووەرزی

ئەم دگرنژین بو ژیانێ

ب کەیف وشادی ل بن دار وبەرا

ب کەنی گەل ڤێ جانێ

بو خوشیا مانێ

ژ هەمی رەنگ وتەرزی

بهنێ ڤەدەین ل بن سیبەرا

پێ فرەهدکەین رح وگیانێ

نا کەین ل کەسێ زیانێ

ب سەر بلند وبەرزی

دێ ژین ل ڤێ ژیانێ

ناکەین چاڤ ل دەرا

ل خو ناکەین خولیا سەرا

دێ شینکەین چەمی

دێ کێلین زەڤیو وەرزی

١-١-٢٠١٧ دهوک

شڤانێ پەزی

هو شڤانو شڤانێ پەزی

کەری پەزی دویر بێخە

ژ رەخ ودۆرێت رەزی

صەیت زڤت دۆر بێخە

دا لدیف وان نە بەزی

٢٣-٢-٢٠١٨ دهوک

ژنکا گوندی

پشتیێ مەزن یێ گیایێ ڤێ بهارێ

ل پشتا خەمرێ وگەورێ ونهارێ

بشەڤێ ورۆژێ ژئەگەرا ژیارێ

یا کری کوکێ مالێ گەل ئاقارێ

٢٣-٢-٢٠١٨ دهوک