هوزانڤانێت کورد

هوزانڤانێت کورد

کەڤن ونوی

ل ژێری قەفتەکا هەلبەستانە (کەڤنێت کلاسیک دگەل یێت نویێت هەڤچەرخ) من یێت ڤەگوهاستن ژفێسبوکێ دبن ناڤێ(هەلبەستێن کلاسیک) ئەو مالپەرە جهێ شانازیێ یە ومفا گرتنێ یە ل خوێندەڤانێ کورد. من یێت جان وبەندکرن ب رێکا ئەبجەدی ل دیف نڤێسینا کوردی. زوربەی وان هەلبەستان ل سەر ئەڤین وعشقێ یە، نەتەوی، نیشتیمانی، و لسەر ڤینا پێغەمبەری وخودێ یە وچەند بابەتێت دی.

ئیبراهیم ئەحمەد

داگیرکەری دڵ پڕ لە قین

دڕندەی بێ ویژدان و دین

گەر قەندیل و ئاگری و شیرین

یەکسان کەی لەگەڵ رووی زەمین

ناتوانی واکەی کورد نەبین

هەر کورد بوین و هەر کورد ئەبین

لە پێش ئاگر پەرستی دا

لە پێش موسوڵمانێتی دا

لە دیلی و لە سەربەستی دا

هەر کورد بوین و هەر کورد ئەبین

نە عەرەبم نە ئێرانیم

نە تورکێکی شاخستانیم

نەك من هەر خۆم. مێژووش ئەڵێ

کە کوردم و کوردستانیم

ئیبراهیمێ چوقرەشی

چیـمـەنــا عیــدا بهارێ

گولشەنا دلــدار و یارێ

ڕەوشەنا بەزمـا بشارێ

پیچەئێ دێـرا پــڕۆدان

قـەیــد کــرن تــە ئــەم ب زولفێ

کـوشـتــنـــــە ب تـیــــرا ژ ئولفێ

لەو ب وەش تێ ژ باسکێ غولفێ

قـــاطــعـــــێ تــێـــــــلا دڕوودان

شەهپـەرێ مـورغــێ چیائی

رەهبـــەرێ باغــــێ جودائی

نـازکــــا قامـــەت چــو نائی

پا ل سەر چەشما عوبوودان

دێــم وەکــی بـــەدرا تەمامە

گرتی شەوقێ خاص و عامە

لێ تەنـێ ئـەز بــووم غولامە

بەندەئـێ شاهــێ ئوسوودان

ئەحمەد هەردی

فاتیمە دوو چاوی مەستت پڕ تەلیسمی جوانییە

پڕ شەرابی خۆشەویستی و عارەقی یەزدانییە

بەژن و باڵاکەت نموونەی هەیکەلی یۆنانییە

لار و لەنجەت مۆسیقایە بەستەیە گۆرانییە

بوکی ڕازاوەی خەیاڵم گیانەکەم ست فاتیمە

تاقە پڕشنگێکی چاوت ئەوپەڕی ئاواتمە

گەرچی دڵداری لە خاکی ئێمەدا ئەفسانەیە

هەر بە تەنیا بۆ کوڕی خاوەن تەلار و عانەیە

گیانەکەم ئەما دڵی من لەو دڵە شێتانەیە

بێ ئەوەی هیچ شک بەرێ کوژراوی ئەو چاوانەیە

هەر بە تەنیا خۆشەویستی شک ئەبەم ست فاتیمە

سەروەتم ناوێ بزەی تۆ ئەو پەڕی ئاواتمە

مەلا ئەحمەدێ حەیدەری

مسـك و خالــە خــوش فەسالە جــاڤ غەزال

شۆخ و شەنگێ شەمس و رەنگێ پــر جەمال

خـەددێ ئــال و قــەدد و قامـەت بــێ میسال

خــال و نیشـــان نەجــم و زەهرایــێ خـــودا

خــــال عـەنبـــــەر و شادەنـــوورا دل پەریــز

بــێ قوسـوور و ورد و جوورا تــەڤ حەریــر

مـــاهـ و خورشیــــدن د روخســــارێ مونیــر

نــــار و نـــوورێ طـــــورێ سـینایــێ خـــودا

بــــێ مـیسالـــە بــــــەژن و بــــــالا عەرعەرە

دێـم چ سۆرگـول خــال و موشکێــن خاوەرە

چەشمـــێ ســـۆرە جسمـــێ نــــازك ئەنوەرە

زینــەتـــا فـیـردەوســێ خەضـرایــێ خـــودا

ئەحمەدێ خانی

زولفن گەلۆ پوڕ پێچ و خەم، یا سونبولا باغێ ئرەم

زنجیرە یا سەر تا قەدەم ڕەشمارە یانە ئەژدەرە

ئەو توررە یا گیسۆنە ئەو، زەنجینە یان هندۆنە ئەو

شوترینە یا شەببۆنە ئەو، یان تۆغ و شاهێ سەنجەرە

ئەبروونە یا مەهـ بوو هلال، هندۆنە یا نیشان و خال

گیسۆنە یا حەزرەت بلال، مەشغوولێ ئەللاهـ ئەکبەرە

چاڤن گەلۆ یا سەرخوەشن، یا کافرن یا دل ڕەشن

بیمارن ئەو یا نەخوەشن، یا نەرگسە جادووگەرە

روخسارە یا رەب یا قەمەر، گوفتارە یا رەب یا گوهەر

ئەو قەیدە یا رەب یا خەبەر ئەو شەهدە یانە شەککەرە

ڕوونە گەلۆ یا وەردێ ئال، ئالالە یان دێما ب خال

قەندیلێ نوورا ذو الجلال، مرئاتە یانا مەزهەرە

دێم شووشە نوورا حەق د ناڤ، دەڤ غونچەیا شێرین گولاڤ

روخ وەردێ گول ڕەنگین خوناڤ، خال بسک و نیشان عەنبەرە

لێڤن گەلۆ یا قووتێ جان، یاقووتە یا قووتێ رەوان

یان قۆتییا دورجا دوڕان، یان حەوزە یانە کەوسەرە

یا رەب خەتێ رەیحانییە، سەر سوورەئێ قورئانییە

یان خاتەما سولتانییە، فەرمانە یانە دەفتەرە

خالن گەلۆ یا فولفلن، ئەو عارزن یان سۆرگولن

ئەم عاشقن یان بولبولن، زکرێ مە وەردا ئەحمەرە

ئەو گەردەنا شوبهی شەمال، سەرچەشمەیا ئاڤا زەلال

قاروورە یا خەمرا حەلال، یا شووشەیە یا شەککەرە

یا رەب قەدا زیبایە ئەڤ، یان کەعبەیا عولیایە ئەڤ

یان مسجد الأقصی یە ئەڤ، یان سدرە یانە عەرعەرە

یا رەب دلێ دیوانەیە، یا عاقلێ فەرزانەیە

یان بولبولێ وێرانەیە، یان عوودە یانە مەجمەرە

ئەو خانییێ دل دادەیە، مەشرەب ژ بەنگ و بادەیە

دەردێ وی یارەک سادەیە، لەو هەر زەعیف و ڕەنگ زەرە

ئەحمەدێ عەلی

چاڤێت یارێ کەتنە خەوێ

یێ من ژخەوێ دویرکەفتی

تە سوز دابو، نە پەیدابوی

لبەندا تە مام نە دەرکەفتی

من زۆر حەزکر تە باخێڤم

کەڕ ولال بوی نە ئاخفتی

تەیروتەوال لهێلینی خەفتن

چاڤێ من بەرچێ نەخەفتی

دونیا چەندا رون وفرەهی

لبەر من تو تاری شکەفتی

دل چرمسی گولا وەریای

تومای گەش هەرا بشکفتی

دیوارێ یارێ رەق راوستا

بوچی یێ من زوی هەرفتی

خر ژدیتنێ تێر وحەمەرن

پتنێ مام برسی کێم کەرفتی

تە وەغەرکر تە ئەز هێلام

لەش کەتە وێری نە نخافتی

ئەحمەدێ نالبەند

روحا خو لازمە ل سەر وێ فەنا کەم

کو پشتا خو ل شولا وێ دو طا کەم

چ حەزکر فەرزە ئەمرێ وێ ئەدا کە

مە یا زانی گەلەك لێ موشتەرینە

خودێ ل بەر عالەمێ ئەو روی شرین کر

دلێ هەمیا تژی عەشق و ئەڤین کر

بەلێ شاعر تژی تنێ یێ هار و دین کر

چ شک نینە ل نک من ئەو حورینە

بو وەسلا وێ ژ هەمیا فەرزترم ئەز

بهارا تازە مە خوش شاعرم ئەز

دڤی ئاگرێ فیراقێ دا مرم ئەز

دئەڤینێ دا مەلا مە ئەو فەقینە

مەلا کانێ فەقی کا باش و جانێ

قەبوول کە ژمن ئەڤێ عەهد و ئیمانێ

چ هەوجە ئەز بهێم هەر ئیمتیحانێ

دەلیلێ من گەلەك شێخ و وەلینە

نە فکرە سورەتێ من ئەز چ نینم

د دلدا بەحرا روین و هکڤینم

ئەزێ نانێ نەیارا پێ برینم

ژ دلێ من پیچەکێ عالەم ڕەڤینە

مەلا ئەحمەدێ نامی

برایێن دەلال هوون وەرن خۆرتنۆ

بهشتە وەڵات، دەم هەرن مەردنۆ

ئەگەر هوون نەیێن ڤانە کەچ مەم مەشین