نیشتیمانی

ئەم و وەلات

وەی ژئەڤی دلێ بچێکێ تژی خوین

یێ پرە ژتشتێت بەرزە یێت نە بین

بو هەمی کەس وخەلکا نا ئێنە گوتن

گەر من گوت، ئەو دلە دهێنە سوتن

یا راستە ئەو دڤی دلی هەردا ب مینن

بەلکی ئەو خوین ڤان برینا ب کەوینن

هەمی دەما ئەوێ راستە دڤێت برایەت

ژخر هەڤالێت باش وچاکێت پرکفایەت

دا بکەین خەباتێ بینە پێش مللەتێ خو

دا بگرین رێکا ل هەمی نەیارێت خو

گەرئەم بوینە ئێک ژوی ناهێت بزاڤ

ل ناڤ ئاخا مللەتی ئەو نابیت دو گاڤ

ئەی گەلی کوردا هەر بکەن خەبات

دا ڤە دەرکەین دوژمنی ناڤ وەلات

وەناکەین ل ناڤ مەهەبن چ زور دار

ناڤ وەلاتی قەت نەمینن چ خوین دار

گەر نەمان خودانێت ڤان تان وتڤنگا

نە هەوجەیە راکەین رەخت وتڤەنگا

دێ وەلات هێتە پێش بسەر فەرازی

بەر سینگێ مە نا مینن چ ئەفرازی

ئەگەر ئەم بزانن جهێ مە بەحشتە

دێ مینیت بو مە چونکو بنیاد پشتە

مە دڤێت ببن پشتەک وەکی کەڤری

سەر بلند ل نەیاری وەکی عەوری

مە دڤێت ئەم بژین ب دلێ راستی

ئەڤ هیڤیە بو مە بخو ژتە خاستی

١٠-٨-١٩٧٠ میسل

دارا ئاشتیێ..

ژوی شاخێ بلند، مە بیست دەنگەک

ژخوە رابن، ژدل - یا مای حنگەک

ئەوان خررەنگا بشون، ببن رەنگەک

چێ ناهێت، ئەگەر خر نەبن دەنگەک

براستی ببن دەستەک خو ڤەدەرکەن

زێرەڤانێت ئەڤی واری زور دکێمن

وەکی تەعانی، خردەرا چەپەرکەن

بو جهێت مە چاندن، هەرێت دێمن؟

گەلی جوتیارا،رابن دا بچن جوتی

عەردێت بەیار ئەڤرو دێ لاو کێلن

دڤێت چێ قرش وقالا تێدا نە هێلن

وەنا کەین بێتی ئەو گوریا بزوتی

دارا ئاشتی دڤێت هەر بیتە چاندن

ژهەمی رەنگا، بهێتە خەملاندن

دا ڤەدەت سیبەر، ل هەمی واری

بەلکی کورەبن، چاڤێت نەیاری

خەباتکر نەیارێ چاڤزل هات دورا

گاڤا دیتی، کەتە وێری وەکی کورا

نە شیا دەرباز کەت ئەوان سنورا

پاشڤە زڤری ب وان دلا ڤە گرفتار

شەرمزارو: بەسە ئەڤ دەڤبەشی

هندی بکەی، هەرێ روی رەشی

ئەگەر هەمی پێگڤە بون زێرەڤان

دێ ل تە داخ کەن، گوشتێ لەشی

١٢-٦-١٩٧١ میسل

بزانە..

رەخێ هێڤە دوزەخ ودوژ

رەخی وێڤە، خوش بەهشتێ

ئو ئالێ ژێری، رونە روژ

ئالێ ژوری، چول ودەشتێ

ب گەزا درێژ، هاتە پیڤان

دەستێ پیڤای، نە گەهشتێ

هویر کرنە خودانێت چیڤان

بێژە: دا تا ب کەڤتە پشتێ

کانیا ئاڤێ چەندا زەلالە

گەرا شێلی، تژی تشتێ

یێ دوغری خوش هەڤالە

ژێ نە ترسە، بدێ پشتێ

گولیا تژیم یا سەر نوخینە

حەتا کرنێ ، هەرا گشتێ

نێ سەر بلندێ چ ت ێنینە

دەڤێ زور تشتا گەهشتێ

دەست پاڤێژە، گەلەک تشتا

دویرکەڤە ژرەنگێ رەشتێ

گەر بخازی، نەبێژە هێشتا

وەکی مێشا، کەتیە تەشتێ

دوژمن بو تە نابیت هەڤالە

هندی بشی قەت نەدێ پشتێ

نەبێژە : ئەو یێ کەر ولالە

جهێ چویێ، ژەهر رشتێ

١٢-٧-١٩٧١ میسل

ئەحمەد عەلی حەسەن