شیرەت

شیرەت

هەلبەست وشیرەت

کی .. دشێت ؟؟؟

کەس نە شێت ب گرێت دەستێ خوش مێرا

کەس نکارێت تەلهێ ڤەدەت بەر رێکا شێرا

کی هەیە نەهێلیت بکەت خودانێ تەڤرو بێرا

کی توانیت هشکە مچکەت لەپێ خودان خێرا

نینە رێگر زیرەکا بگرن نە گەهن بەر ستێرا

نینە زار بێژیت خودان چیڤی مە ئار نەهێرا

هەیە ئێک دەڤی بەشکەت بێژتە خودانێ زێرا

هەیە ئێک ڤەبستینیت دەستێت کوژەکا ژ کێرا

کا ئەو کەسێ خو قورتال کەت ژفەند وحنێرا

کا ئەوکەسێ دکەت زورداریێ ل کچ و دلێرا

بوچی هەوە بەردان گوندێ تازە هاتنە باژیرا

بوهەوە هێلا شینا شێری رویڤی بکەت گێرا

٢ -٦ - ٢٠١٦ - دهوک

هەژارێ برسی

دەستی رویس سەر زکێ برسی

دانەک یێ تێرە وسەدا یێ برسی

تێرکی هاژ ڤی نینە ئەڤێ برسی

بەنی چناکەن، ژخودێ نا ترسی

خوهاڤێتە حەبسێ ژ بێ نەفسێ

٢٠١٦ – دهوک

شێرەتێت پیرمەندی

خۆ نە هاڤە دگەل بەزێت نیریا

قەت نەکە قوچانێ دگەل کەڤرە

نە ژینا سەرچوکا، مرنا سەرپیا

ب زانە زەوالا دارێ هەر بڤرە

بکە درەوا ل مریا نە ل زندیا

دارکوکێ سەری، زمانێ زڤرە

گربە بسەر بلندی لناڤ گراڤیا

چیایێت بەرز،هەردەم پر بەفرە

سیبەرا سپێدێ، ژخۆیە ئێڤاریا

دەستا ب کاربینە، داس وبڤرە

٢٠١٦ – دهوک

نە.. ئەو.. ئەڤە

گەرنەبی کانیا خوەش

قەت خو نەکە سرک

گەر نەبی گولا گەش

نە بە ستری ودرک

ئەگەر نەبی ئاتەش

نە بە تڤەنگا چرک

دەرکە ژدلێ رەش

کەرب نەبت خرک

ببە چیایێ پرهەش

دا نەبی نزمە گرک

خو نەکە دەڤ بەش

جاڤ لتە ببن نرک

هەر ب مینە گەش

بتە نەکەنن کورک

٢٠-١-٢٠١٧- دهوک

تە ئەڤە ل بیربیت

هەکە سڤکا کچێ ودایێ داپیربیت

سەرێ ژان وخەما هەر باپیربیت

ماچیە هەکە دنیا خڕ رم وتیربیت

بلا بهوستەکێ ژدۆرمە دویربیت

نەچە چولا هەرە رێ بلا دویربیت

مەلەڤانو بۆرە لبۆری بلا کویربیت

کچ هەرا دەلالە، ما چیە بلا پیربیت

خو بدە بەر تارێتا چەندا ستویربیت

مالا منا خوشە، ناچم مالا میربیت

دلان نە شکێنن، نەهێلن هویربیت

ژدژی نە ترسە، بلا خڕ شیربیت

یێ پڕهێزبە، مەژی تژی بیربیت

بو چی یە هەکە خاک خڕ قیربیت

مە بارتێ نەبیت هەرفەقیری بیت

هژبو کانی ئاڤ ژ بیرا سویربیت

دەڤێ زارۆکێ ژبرسێ قیرقیربیت

کانێ خوشی، ما دەم لملا نیربیت

تە هەبیت زک لەش خڕعویربیت

ئێش ودەرد، چەرم یێ پڕ لیربیت

لرەخێت تە خڕکون زڤیرک بیت

٢٥-٧-٢٠١٧ دهوک

وەسا نە بی

دبێژن هەیێبە کورێ کەری بە

دا هەرێ ب قەدر وقیمەت بی

دبێژن ب زانینێ سەرە دەربە

دا یێ ب سەهم وهەیبەت بی

نە سەر گیفکا جهێ سەیێ بە

ببی لێبوک وبەرغەیبەت بی

دناڤ مروڤا هەرێ هەژی بە

خودان ناڤ وپر دەرفەت بی

سەر بلند، هەستیێ سەری بە

تۆر وئەدەب ومەعریفەت بی

خو ب کە هنگڤین، شرین بە

خودان رەوشت وشیرەت بی

درەوشا خودا یێ زیرین بە

هێژا بژی، سەر بەست بی

بەرهەڤبە، تاکێ سەری بە

دگەل دەلیڤا بفەرسەت بی

١٩-١-٢٠١٧دهوک

لاپەرێ دی د ژیانێدا

نە ژخوشتڤی دەستا دورتە دوەرینیت

دکەنیت پێش تە ژدل خو دگرنژینیت

پرە ژقرێژێ، ژەهرا رەش درژینیت

تیرێت بێ کڤان جوت پشتێ دچینیت

هەڤالێ درست ب راستی تە د گرینیت

ل تە د خوریت ب دەنگی بلند دبارنیت

دلێ وی یێ پرڤینە سەر تە د گێرینیت

کوکە ل بەر ئاریشا تەنگاڤیا درەڤینیت

ئەڤە چیێە ؟؟؟

گەر ئەڤە دیوار بیت یی خارە

گەر پێلا ئاڤێ بیت شەهمارە

گەر کەڤر بیت خوش نیگارە

گەر فوتو شوپ بیت یێ دیارە

دبیت پرا ئاڤێ بیت خوش کارە

کی دبێژیت ئەڤە وەکی مارە ؟

هەکە ئەگەر=ر

هەکە راست ژ رستێ بیت

دڤێت ماست ژ مستێ بیت

هەکە هەست ژهەستی بیت

بلا دەست سەردەستی بیت

ئەگەر درست درستی بیت

گوتنا راست ژقەستی بیت

راستی ژپیا هلاویستی بیت

زمان ڤەبوری ڤەبستی بیت

هەکە تبلا درێژ هات گەستن

نە هێلە هەر یا گەستی بیت

ئەگەر تەڤن نە هات رستن

نەهیلە وەسا نە رستی بیت

٢٤ - ١٠ - ٢٠١٦ دهوک