هوزانێت نوی

ئاخڤتنەکا پێدڤی:

      من دڤێت دیارکەم بو خویندەڤانێ هێژا کو ئەڤ هەر سێ (دیوانێت کوردیێت کەڤن) یێت من دبن ڤانا ناڤا پێناڤکرینە: یا ئێکێ ( ڤێدانا ماڤێ ڤەمای ) ( لمّ الحق المتأخر)، یا دووێ  ( ڤەدانا خەما ):( أمتداد الأحزان ) ئو یا سیێ ( ڤەگەریانا کوترێت رەڤەند) :( عودة الحمائم المهاجرة ) من یێت ڤەهاندن ل دەست پێکا بەیانا ئادارێ ل سالا ١٩٧٠ ل باژێرێ میسلێ دەما ئەز ل کولیژا ئادابێ بەشێ ئنگلیزی. ئەڤێ کێشا ل دەف من دەمێ چار سالا حەتا سالا ١٩٧٣. پشتێ بەیانا ئاداراێ هاتیە هەلوەشاندن وبدویماهیک هاتی من دەست ژڤەهاندنا هوزانا ڤەکێشا ئەو ژی ژبەر چەند ئەگەرا نە جهێ هندێ یە ئەز نوکە بێژم. ئەو هوزانڤانێت هەڤ چەرخ دگەل من وی دەمی هوزانڤانێ بەرێز سەیدایێ کەریم فندی وعەبودلرەحمان مزیری ئو سەیدایێ هوزانڤان نەوزاد ئەحمەد ئودکتوری بەرێز ئەدیب بەزاز بون ئو چەندەکێت دی. براستی دەمەکێ زیرین بو دڤێک کەڤتن وچاڤ ڤێکەڤتنادا دسالێت حەفتێدا ل جەرخێ بۆری.

          ئەڤ هەر سێ دیوانێت دەست نڤێس، مان نەچاپکری حەتا نوکە ئو ل وی دەمی من خو نە دابو دناڤ رێزێت ئێکەتیا نڤێسەرێت دهوکێ ژبەر ئەگەرێت رژیمێت بن گوربوین ل وی دەمی. پشتی ئەز بویمە خانەشین ڤان چەند سالێت بۆری ئو ئەز ڤەگەریای مە دهوکێ من وەخت ودەلیڤە هەردو یێت دهەین، من دەست هەلاند جارەکا دی ب نڤیسینا هوزانا ئو هەمی رەنگێت دی ژتور وئەدبێ کوری. من (١٠) سایتێت گوگلی یێت دهەین ب تایبەت یێت منن هەمی ژی منێت تەرخانکرین بو هەمی جورێت بەر نیاس ل نک رەوشەنبیر ونڤێسەروهوزانڤانا. دئەڤی سایتیدا(هوزانێت کوردی) من هوزانێت خو یێت کەڤن ئو یێت نوی دانانە بەر چاڤکرن بو خویندەڤانێ هێژا بەری ئەز بدەمە بەر چاپێ. ئو دبیت من نە ئنیەتە ئەز وەبکەم ل ڤی دەمی نێزیک، دێ هێلێم کا کی دێ شێت خو بەرهەڤکەت بو ڤی کاری ژخویانیا یان ژبیانیا ئو ب دەتە بەر چاپێ دبن چاڤدێریا من. من زۆر پێ خوشە کو ئەز شیایم ل دەمێ ڤان چەند سالا خو ئامەدەکەم بو خزمەتا تۆر وکەلەپورێ کوردی ئەوێ رەنگین ژهەمی رەخ وشوپاڤە.

           بو ئاگەهداری ئەو هوزانێت نوی، من هندەک ژوان یێت بەلاڤ کرین دچەند گورپێت بەر نیاسدا. ئو ئەزێ بەر دەوامم نوکە دنڤێسینا هەلبەست وهوزانا دا. ئو زوربەی وان من یێت بەلاڤکرین دوان سایتێت خو یێت تایبەتدا. بەس ئەڤ سایتێ من یێ تەرخانکری بوهوزانێت من ئەوێت کەڤن ونوی. هیڤیدارم هوین پێ شاد وبەختەوربن ودلخوشبن.

 هوزانێت نوی کو دبیتە دیوانا چارێ، من ئەڤ ناڤە یێ دایێ بو پێزانین: "ڤەگەرینا هزرێت بەلاڤ" ئو بعەرەبی:  

 " أسترجاع الصور المبعثرة " .

 ٢٣-٥-٢٠١٧ دهوک

ahmed_ali_h@yahoo.com

ئەحمەد عەلی حەسەن