Partneriaid Gwella Ysgolion (PGY)
Mae bron pob un o'r Partneriaid Gwella Ysgolion yn Benaethiaid mewn swydd o'r tu mewn neu'r tu allan i'r rhanbarth.
Pam mae PGY yn Benaethiaid mewn swydd yn bennaf?
Mae gan y model hygrededd, gan dynnu ar arbenigedd a sgiliau perthnasol a diweddar.
Mae'n galluogi penaethiaid i ddarparu cymorth a her rhwng cymheiriaid.
Mae bod yn PGY yn gyfle dysgu proffesiynol ar gyfer arweinyddiaeth systemau, gan ddatblygu'r system hunanwella. Mae’n fodel hyblyg ac ystwyth gyda chyllid yn cael ei ddarparu i ysgolion, yn tyfu, ac yn datblygu arweinwyr y dyfodol.
Dim ond ychydig o ysgolion fydd gan bennaeth fel PGY, gan alluogi a darparu cymorth pwrpasol â ffocws, wedi'i alinio â blaenoriaethau gwella ysgol.
Lle mae ysgolion yn cael cymorth dwys, mae'r model yn galluogi'r PGY fel pennaeth i ddefnyddio ei ysgol ei hun i ddarparu cymorth cyfannol, gan ganolbwyntio ar wella ansawdd arweinyddiaeth ac addysgu, yn unol ag angen.
Sut mae PGY yn cael eu dewis a'u cadw?
Rhaid bod gan y pennaeth hygrededd arweinyddiaeth profedig.
Ymgymerir ag ymweliadau ysgol gan Brif Bartneriaid Gwella Ysgolion i sicrhau ansawdd darpariaeth a safonau.
Bydd trafodaeth barhaus am y gallu i ymgymryd â'r rôl.
Rhaid cael cytundeb gan y corff llywodraethu i ymgymryd â'r rôl a bydd angen i Gytundeb Partneriaeth PGY fod yn ei le.
Bydd y rhanbarth yn ceisio cytundeb gan ALl cyn ymgysylltu â Phenaethiaid yn rôl y PGY.
Sut mae PGY yn cael eu cefnogi i gyflawni eu rôl?
Darperir ystod o gyfleoedd dysgu proffesiynol ar gyfer PGY gan gynnwys sesiynau diweddaru tymhorol a gweithdai.
Mae ffocws ar agweddau gweithredol y rôl a chyfleoedd ymarferol i PGY ymgymryd â gweithgareddau hunanwerthuso ar y cyd gan gynnwys edrych ar lyfrau trwy ddull modelu.
Bydd amrywiaeth o weithgareddau sicrhau ansawdd gan gynnwys ymweliadau ar y cyd ac adroddiadau ysgrifenedig.
Os oes gennych ddiddordeb mewn ymgymryd â rôl PGY, cysylltwch â Kirsty Bevan: Kirsty.bevan@sewaleseas.org.uk
Dywedodd penaethiaid sy’n PGY…
‘Mae bod yn PGY yn galluogi ysgolion i rannu arfer gorau er mwyn cael yr effaith fwyaf posibl ar ddysgu. Mae hefyd yn darparu cyfleoedd dysgu proffesiynol rhagorol i benaethiaid rwydweithio’.
‘Mae bod yn PGY yn rhoi'r dysgu proffesiynol gorau posibl i mi. Mae'n rhoi cyfleoedd i mi gysylltu â Phenaethiaid o awdurdodau lleol eraill ac adeiladu timau rhwydweithio cefnogol. Caiff holl broses y PGY ei hategu gan rannu arfer ragorol, sy'n cael effaith gadarnhaol ar ysgolion a disgyblion ar draws y Gwasanaeth Cyflawni Addysg.’
‘Mae bod yn PGY yn hybu perthynas symbiotig sy'n cefnogi cyd-welliant, newid effeithiol a dysgu parhaus i bawb.’
Rhaglen Waith Gyffredinol Partner Gwella Ysgolion (Poster PGY)
Rhoddir trosolwg o weithgarwch y flwyddyn i bob CGY ar ffurf poster a drefnir fesul tymor ac yn benodol i bob ALl. Yn ogystal, bydd ysgolion a lleoliadau yn cael cymorth pwrpasol yn unol â blaenoriaethau gwella ysgolion.