Llwybr Datblygu Arweinyddiaeth Genedlaethol

Trwy’r rhaglen hon ac yn rhan o’r continwwm dysgu proffesiynol, bydd cyfranogwyr yn: 

• datblygu dealltwriaeth o’r rôl  

• datblygu ymhellach eu dealltwriaeth o’r agenda diwygio cenedlaethol

• datblygu eu harfer yn unol â’r safonau arweinyddiaeth ffurfiol

Mae'r rhaglen yn cynnwys 5 modiwl dros y flwyddyn Cyflwynir y rhain gan ddefnyddio cyfuniad o sesiynau rhithwir ac wyneb yn wyneb.

Mae’r pynciau sy’n cael eu cwmpasu yn y rhaglen yn cynnwys:

• Deall rolau strategol a gweithredol arweinyddiaeth ôl-16

• Hunanwerthuso effeithiol a chynllunio ar gyfer gwelliant

• Cynllunio ymyrraeth a lles ar gyfer dysgwyr

• Meithrin partneriaethau allanol ar gyfer arfer a darpariaeth effeithiol

• Darparu cyngor cynhwysol o ansawdd uchel a chanllawiau i gefnogi pontio dysgwyr, dyheadau a chyrchfannau.

Cyflwynir y rhaglen drwy ddull dysgu cyfunol a chaiff ei chyflwyno gan gydweithwyr rhanbarthol arbenigol ôl-16 ac arweinwyr ôl-16 profiadol presennol.

Trwy’r rhaglen hon ac yn rhan o’r continwwm dysgu proffesiynol, bydd cyfranogwyr yn:

• • Datblygu eu dealltwriaeth o rôl uwch arweinydd ymhellach

  • Datblygu’r wybodaeth a’r sgiliau y dylai uwch arweinydd effeithiol eu gwybod a gallu eu mabwysiadu

  • Cael cyfle i ddatblygu’r ymddygiadau arweinyddiaeth sy’n ofynnol ar gyfer uwch arweinydd effeithiol.

  • Datblygu eu dealltwriaeth o’r agenda diwygio cenedlaethol ymhellach

  • Datblygu eu harfer o fewn y safonau arweinyddiaeth ffurfiol

Mae ceisiadau ar gyfer y rhaglen hon bellach ar agor ar gyfer y garfan nesaf. Y dyddiad cau ar gyfer ceisiadau yw Medi 2023. 

Er mwyn gwneud cais i gymryd rhan yn y rhaglen dylai’r unigolyn wneud y canlynol:

• • Ymgymryd â Hunan Adolygiad Safonau Arweinyddiaeth (LSSR)

  • Trafod ei addasrwydd gyda’r pennaeth neu’r rheolwr llinell fel sy’n briodol

  • Cwblhau a chyflwyno’r ffurflen gais erbyn y dyddiad cau sydd wedi’i nodi gan ddefnyddio’r ddolen isod.

Ar 16 Mai 2023, cyhoeddodd Gweinidog y Gymraeg ac Addysg Datganiad  Ysgrifenedig:  yn cyhoeddi adroddiad yr Athro Mick Waters o'i adolygiad o'r Cymhwyster Proffesiynol Cenedlaethol ar gyfer Penaethiaid (CPCP).

Daeth yr adolygiad i'r casgliad bod angen adolygu cynnwys a strwythur y Rhaglen Datblygu Darpar Benaethiaid ac asesiad CPCP. Mae Llywodraeth Cymru, felly, wedi penderfynu mai'r ymgeiswyr ar y Rhaglen Darpar Benaethiaid a ddechreuodd ym mis Ionawr 2023 fydd yr olaf i fynd drwy'r rhaglen yn ei fformat presennol.

Bydd Llywodraeth Cymru nawr yn gweithio ar y cyd â rhanddeiliaid allweddol i ddatblygu'r trefniadau CPCP newydd ac yn anelu at gael rhaglen newydd ar agor i ymgeiswyr o Hydref 2024. Yn y cyfamser, bydd asesiad CPCP yn cael ei gynnig ym mis Chwefror 2024 ac un arall ym mis Mai 2024 ar gyfer cyfranogwyr presennol, ac ar gyfer ymgeiswyr sydd 'heb gwrdd eto' neu ohirio dros y 4 blynedd diwethaf.

Mae’r rhaglen wedi ei strwythuro’n dri cham:

• •  Cam 1: Gwaith sy’n cael ei gwblhau cyn y rhaglen, sy’n cynnwys gweithgarwch trosglwyddo ffurfiol a ‘hunan ddadansoddiad’ unigol yn erbyn y Safonau Arweinyddiaeth Ffurfiol.

  • Cam 2: Blwyddyn gyntaf o brifathrawiaeth. Bydd hyn yn cynnwys rhaglen ddatblygu pum diwrnod sy’n canolbwyntio ar ennill yr wybodaeth leol sydd ei hangen arnynt, a’r wybodaeth a’r sgiliau sy’n ofynnol er mwyn datblygu’r ysgol fel sefydliad sy’n dysgu.

  • Cam 3: Ail flwyddyn o brifathrawiaeth. Mae hwn yn un diwrnod lle bydd cyfranogwyr yn trafod agwedd benodol ar wella’r ysgol maen nhw wedi ymgymryd â hi, a hefyd sut maen nhw’n meithrin capasiti o fewn eu hysgolion.

 Mae modd cofrestru trwy broses ymgeisio genedlaethol sydd angen cymeradwyaeth gan Gadeirydd Llywodraethwyr yr unigolyn.

Bydd cyfranogwyr yn:

• • Myfyrio ar eu dull arweinyddiaeth eu hun a sut mae eu harweinyddiaeth yn effeithio ar eraill  

  • Myfyrio ar effaith ystod o ddulliau arweinyddiaeth  

  • Deall theori newid a myfyrio ar eu harweinyddiaeth i ddiogelu newid effeithiol ar y daith ddiwygio drawsffurfiannol  

  • Cydweithio ag eraill i arwain eu hysgolion yn effeithiol a chael effaith gadarnhaol ar arweinyddiaeth drwy Gymru

  • Gwreiddio diwylliant ac ymarfer arloesi priodol ar draws a’r tu hwnt i’w hysgolion  

Daeth ceisiadau ar gyfer y rhaglen hon i ben ar y 3ydd o Fawrth 2023. Bydd rowndiau ymgeisio pellach yn cael eu hysbysu yma

Rhwydwaithau Rhanbarthol

Rhaglenni Arweinyddiaeth Rhanbarthol 

Mae Fframwaith Rheoli Talent Bastow (FRT) yn ddull deinamig o nodi, datblygu a chefnogi unigolion sydd â photensial uchel i arwain. Mae'r fideo isod yn egluro mwy am y dull isod.

Cwrs tair sesiwn ar-lein am ddatblygu arweinyddiaeth ar gyfer addysgwyr yw'r rhaglen Arweinyddiaeth Ysgolion Hyblyg. Trwy weminarau byw, modiwlau ar-lein, templedi i'w lawrlwytho, darlleniadau a fideos, mae'r cyfranogwyr yn adeiladu eu gallu i wella fel y gallant greu effaith gynaliadwy yn eu hysgolion a'u cyd-destun unigryw eu hunain. Mae rhagor o wybodaeth am y rhaglen ar gael isod.

Oes gennych chi ddiddordeb mewn cymryd rhan yn y peilot? Cofrestrwch eich diddordeb yma:

Yn y sesiynau grŵp LA hyn, bydd penaethiaid yn dysgu gan gyd-arweinwyr ysgol y gweithgareddau dydd-i-ddydd a strategol y maent yn eu cynnal i sicrhau eu bod yn adnabod eu hysgol ac mae ganddynt brosesau clir i sicrhau cynllunio hunan-werthuso a datblygu effeithiol. Mae sesiynau'n gam penodol. Cliciwch ar y ddolen ar gyfer dyddiadau, amseroedd a dolenni cyfarfod eich LA.

Gallwch wylio'r sesiwn/sesiynau ar gyfer eich Awdurdod Lleol (ar ôl iddo ddigwydd) yn Rhwydwaith Penaethiaid EAS

EAS Headteachers Network - Know Your School Well Sessions - Spring 2023 - All Documents (sharepoint.com)