Embedded Files
Model Rhanbarthol ar gyfer Gwella Ysgolion
Model Rhanbarthol ar gyfer Gwella Ysgolion
Yn ystod pob blwyddyn academaidd, bydd yr ALl a’r GCA yn cymryd rhan mewn trafodaeth broffesiynol gydag ysgolion i ystyried eu blaenoriaethau a nodwyd ar gyfer gwella ac i fyfyrio ar y cynnydd y maent yn ei wneud tuag at gyflawni’r rhain.
Mae’r broses hon wedi’i datblygu dros y blynyddoedd diwethaf, yn dilyn trafodaethau gyda’r grŵp rhanddeiliaid penaethiaid rhanbarthol. Bwriedir iddi fod yn broses gylchol sy’n cefnogi ysgolion i bennu a/neu adolygu’r blaenoriaethau sy’n deillio o’u prosesau hunanarfarnu.
Mae hefyd yn gyfle i ysgolion ddangos bod y prosesau hyn yn gywir ac yn effeithiol wrth nodi blaenoriaethau ar gyfer gwella. Mae’r drafodaeth hefyd yn helpu i bennu anghenion cymorth parhaus yr ysgol gan yr ALl a’r GCA fel ei gilydd a nodi lle mae’n werth rhannu arfer.
Mae’r model hwn yn adlewyrchu canllawiau cyfredol Llywodraeth Cymru mewn perthynas â chydweithio fel rhan o ganllawiau gwerthuso a gwella ysgolion. Am ragor o wybodaeth, ewch i Ganllawiau gwella ysgolion: fframwaith ar gyfer gwerthuso, gwella ac atebolrwydd - Hwb (llyw.cymru).
NODER: Os nad yw'r drafodaeth wedi'i threfnu ar ddechrau'r cylch Cynllunio Datblygiad Ysgol, bydd y Partner Gwella Ysgol (PGY) eisoes wedi cynnal deialog gyda'r Pennaeth ynghylch blaenoriaethau ar gyfer gwella, cynlluniau grant a chymorth. Dylai’r broses drafod broffesiynol felly fod yn hyblyg i adlewyrchu cam y cylch cynllunio pan fydd y drafodaeth broffesiynol yn digwydd, er enghraifft, yn ystod tymor y gwanwyn neu’r haf.
Mae rhaglen beilot genedlaethol yn mynd rhagddi bellach o’r Adnodd Cenedlaethol: Gwerthuso a Gwella. Mae’r Adnodd wedi’i gynllunio i roi modd i ysgolion werthuso a gwella perfformiad dros amser, mewn cytgord â diwygio’r cwricwlwm ac ymagwedd esblygol Estyn at arolygu.
Page updated
Report abuse