Cyfres o weithgareddau thematig sy'n meithrin sgiliau Meddwl, Llafaredd, Darllen ac Ysgrifennu. Mae'r themâu yn cynnwys Bod yn Gryf, Bod yn Ifanc, Celf, Cymru, Dŵr ac Iechyd Da! 

Adnodd sy’n cefnogi athrawon sy’n chwilio am ddeunyddiau i feithrin sgiliau trafod dysgwyr mewn pedwar cyd-destun: cynnig syniad neu farn; achos ac effaith; pwysleisio; meddwl – ystyried – archwilio – rhagfynegi a rhagdybio. Mae’r matiau yn cynnwys y chwe rôl trafod i gefnogi trafodaeth hefyd.

Mae'r deunyddiau hyn yn enghreifftio nifer o weithgareddau llafaredd ar gyfer dysgwyr. Maen nhw’n fan cychwyn i athrawon gynllunio er mwyn cynnig cyfleoedd i'w dysgwyr ymarfer eu sgiliau rhyngweithio a thrafod. Fe'u cynlluniwyd yn wreiddiol ar gyfer y cartref ond gellir eu cyflawni fel rhan o fodel dysgu cyfunol neu yn y dosbarth hefyd. Mae croeso i chi eu haddasu!

Pecyn a luniwyd ar y cyd a'r ysgolion canlynol: YG Cwm Rhymni, YG Cwm Derwen, YG Caerffili ac YG Penalltau. 

Yn ogystal â'r dilyniant ei hun, mae'r adnodd yn cynnwys canllaw i ymarferwyr, deunyddiau dysgu ac addysgu ac amrywiaeth o ymarferion ar gyfer disgyblion.

Pecyn cynhwysfawr a luniwyd gan staff yr ysgol er mwyn dangos sut maen nhw'n mynd ati i ysbrydoli ac ysgogi darllen, ymgysylltu â rhieni ac asesu darllen. Mae'r pecyn yn cynnwys agweddau eraill megis hyfforddiant a rhannu arfer da, strategaethau ar lawr y dosbarth ac amrywiaeth o adnoddau. 

Cyfle i ddysgu sut mae'r ysgol yn cynllunio'n strategol i ddatblygu sgiliau darllen ei disgyblion. Ceir cyflwyniad i'r chwe sgil allweddol mae'r ysgol yn canolbwyntio arnyn nhw a'r mathau o weithgareddau sy'n cael eu defnyddio mewn grwpiau dysgu gwahanol er mwyn sicrhau bod cydbwysedd addas rhwng y sgiliau a bod y disgyblion yn meithrin y sgiliau mewn cyd-destunau dilys.

Addasiad Tîm y Gymraeg y GCA o’r deunyddiau oedd wedi’u datblygu gan Bartner Cwricwlwm ac ysgolion Partner Cwricwlwm Saesneg a Llythrennedd Cynradd ILlCh y GCA yw’r adnodd hwn. Mae'r adnodd yn disodli’r hen Top Ten Reading Responses ac wedi eu diweddaru i amlygu'r sgiliau darllen a deall posibl y gellir eu datblygu trwy ddefnyddio'r gweithgareddau dysgu hyn. Mae’r pecyn yn cynnwys templedi y gellir eu haddasu ar gyfer athrawon a disgyblion a gobeithir medru enghreifftio’r gweithgareddau yn ystod y flwyddyn.

Dull strwythuredig o addysgu strategaethau darllen (cwestiynu, egluro, crynhoi a rhagfynegi) y gall dysgwyr eu defnyddio er mwyn crynhoi eu sgiliau darllen a deall.

Mae’r deunyddiau’n cynnwys esboniad a chanllaw cyffredinol i'r ymarferydd ac amrywiaeth o dempledi.  

Casgliad o weithgareddau ymateb i ddarllen a gasglwyd yn wreiddiol i gefnogi athrawon i gynllunio tasgau i enghreifftio gofynion y Fframwaith Llythrennedd. Cynhwysir gweithgareddau ar gyfer dysgwyr iau a hŷn yn yr ysgol gynradd.  

Amrywiaeth o ymarferion darllen a deall ar gyfer dysgwyr hŷn yr ysgol gynradd. Mae'r gweithgareddau'n seiliedig ar ddeunyddiau darllen digidol a ddarperir yng nghylchgrawn ar-lein Cynnal, sef, Y Cliciadur.  

Pecyn dysgu ac addysgu sy'n datblygu sgiliau ysgrifennu mewn modd cydlynus gan ddechrau â llunio brawddegau syml a'u hymestyn cyn troi at gynllunio paragraff trefnus a sicrhau dilyniant mewn darn ysgrifennu estynedig.

Pecyn o ddeunyddiau sy'n cefnogi athrawon i addysgu ystod o genres. Mae'r pecyn yn cynnwys deunyddiau addysgu ar gyfer ymarferwyr ac ystod o adnoddau i gefnogi dysgwyr. Mae'r pecyn yn cynnwys un model posibl i ddatblygu genre yn effeithiol. 

Offeryn i gefnogi athrawon i gynllunio ar gyfer dilyniant o ddysgu sy'n arwain at dasg ysgrifennu tra'n sicrhau cyfleoedd cyfoethog i feithrin sgiliau siarad, gwrando, a darllen ar yr un pryd.

Mae’r adnodd yn cynnwys unedau enghreifftiol ar gyfer y chwe math o destun anllenyddol ac ystod o dampledi y gellir eu defnyddio i gynllunio ar gyfer ysgrifennu yn Gymraeg ac ar draws y Meysydd Dysgu a Phrofiad.

Adnodd syml i hyrwyddo cysondeb disgwyliadau pan fo disgyblion yn creu neu'n myfyrio ar waith ysgrifenedig. Trwy gyfres o gwestiynau, mae'r adnodd yn annog disgyblion i feddwl am eu gwaith trwy eu cyfeirio at ystyriaethau megis atalnodi, mathau o eiriau a geirfa sy'n berthnasol i'r pwnc.

Cyfres o gwestiynau at ddefnydd arweinwyr llythrennedd ac arweinwyr dysgu er mwyn casglu llais disgyblion am gryfderau a meysydd i'w datblygu o ran darpariaeth llythrennedd. Mae'r cwestiynau'n cwmpasu ystod o gyd-destunau llythrennedd ac yn ddisgybl-gyfeillgar.