"Түрк-дүйнөсү: Ысык-Көл - Аалам ордосу" эл аралык илимий-практикалык конференция

Дата публикации: Mar 30, 2015 8:57:1 AM

Кыргыз билим берүү академиясы тарабынан Т. Сатылганов атындагы мектеп-лицей-интернатында Улуу түрк аалымы Махмуд Кашгаринин (Барстканинин) 1000 жылдыгына карата түрк тилдүү мамлекеттердин жалпы билим берүүчү мекемелеринин окуучуларынын жана мугалимдеринин, илимпоз педагогдордун 2015-жылдын 23-24- мартында "Түрк дүйнөсү: Ысык-Көл - Аалам ордосу" деген темада эл аралык илимий-практикалык конференция өткөрүлдү. Конференцияга Саха (Якутия) Республикасынан, Казакстан Республикасынан, Кыргызстандын ар бир областынан мугалимдер жана окуучулар, окумуштуулар, изилдөөчүлөр катышты. Эл аралык конференция жогорку деңгээлде өткөрүлдү. 23- марттын биринчи жарым күнүнө конференциянын ачылышы жана пленардык жыйын болуп, андан кийин секциялык иштер өтүлдү. 24 мартта конференциянын катышуучуларына сертификаттар тапшырылып, резолюция кабыл алынды.

Секциялык иштер 4 темага бөлүндү

№1 секция "Махмуд Кашкари (Барскани) "Ысык-Көл - дүйнө чордону"

№2 секция "Тарых, философия жана этнография"

№3 секция Коом, экономика жана маданият"

№4 секция "Өспүрүмдөрдүн социалдык-психологиялык абалынын актуалдуу маселелери" жана бул темалардын негизинде окуучулар жана мугалимдер илимий-изилдөө иштерин жакташты.