Nola aukeratuko dugu pasahitz egoki bat?

• Gogoratzeko erraza izango da, baina asmatzeko zaila.

• Letra larriak, letra xeheak, zenbakiak eta ikur bereziak (!?#...) tartekatuko ditu.

• Ez da zuri buruzko informazioan oinarrituta sortuko. Hau da, ezin da zu ezagututa asmatzeko modukoa izan. Adibidez, zure familiako izenen bat, jaiotze-data, telefono zenbakia...

• Ez erabili hiztegiko hitz bat edo batzuk bakarrik.

• Ez erabili ondoz ondokoak diren zenbaki edo letrarik. Ezta denak zenbakiak edo guztiak berdinak ere. Hauek dira pasahitz oker batzuk: 123456, aaaaaaa, qwertyuiop.

• Esaldi bat erabil dezakezu pasahitza gogoratzeko. Adibidez, LleSeupm (La lluvia en Sevilla es una pura maravilla)

• Ordezkatu zenbakiak letregatik, adibidez, 4 zenbakia A letra izan daiteke eta O zenbakia o hizkia: 4breteSesam0.

Pasaitzak egoki erabiltzeko gomendioak

• Zure pasahitzen konfidentzialtasuna gorde. Erabiltzaile bakoitza da bere identifikatzailearekin egiten diren sarreren erantzule.

• Pasahitzen erregistroa ekidin. Hau da, ez idatzi paperean, mobileko argazkian edo fitxategi batean, ez bada benetako leku seguru batean gordetzen.

• Sistemaren adiministratzaileek zuretzat sortutako erabiltzaile eta pasahitza jasotzen dituzunean, konekta zaitez lehenbailehen eta alda ezazu psahitza.

• Baten batek zure pasahitza ezagutu dezakeela susmatzen baduzu, ustekabean ala iruzurren bidez, aldatu ezazu lehenbailehen eta eman iezaiezu gorabeheraren berri sistemaren adiministratzaileei.

• Ez ezazu pasahitz bera erabili helburu profesional eta pertsonaletarako.