Egwyddorion ar gyfer Rhagoriaeth
Rhaglen Dysgu Proffesiynol Ar-lein
Ysgrifennwyd y rhaglen Egwyddorion ar gyfer Rhagoriaeth i gefnogi athrawon yng Nghymru gyda’u Datblygiad Proffesiynol Parhaus yn ystod y cyfnod digynsail hwn.
“Er ei bod yn bwysig bod athrawon yn cadw mewn cysylltiad â’u myfyrwyr, bydd yr argyfwng yn mwyhau’r angen i athrawon gadw mewn cysylltiad â’i gilydd.”
Andreas Schleicher
Y Cyfarwyddwr Addysg a Sgiliau yn yr OECD
Bwriad y rhaglen Egwyddorion ar gyfer Rhagoriaeth yw galluogi athrawon i gadw mewn cysylltiad â’u cyd-weithwyr ac ymarferwyr mewn ysgolion eraill tra eu bod yn gweithio gartref. Mae Egwyddorion ar gyfer Rhagoriaeth yn galluogi staff, ar y cyd, i archwilio pwnc sydd o ddiddordeb cyffredin, myfyrio ar yr ymchwil sylfaenol, a thrafod y modd y gallwch ei ddefnyddio yn eich addysgu eich hun yn y dosbarth neu o bell.
Mae’r rhaglen yn bodloni nifer o feini prawf DPP effeithiol (Cordingley et al, 2015)
cael ei gynnal dros gyfnod hir (o leiaf ddau dymor)
cynnwys cyfarfodydd rheolaidd (pob pythefnos neu bob mis)
cynnwys sesiynau sydd wedi’u teilwra i ddiwallu anghenion yr athrawon
cynnwys dysgu gan gyfoedion
trafod yn fanwl y broses o drosglwyddo ymchwil i’r ystafell ddosbarth
rhoi amser i’r athrawon weithredu’r hyn y maent wedi’i ddysgu
trafod effaith gweithredu ymarfer newydd/wedi’i addasu â chyd-weithwyr.
Nodau Egwyddorion Rhagoriaeth
Darparu athrawon â’r canlynol:
Y sgiliau i amlygu lefel uwch o ddealltwriaeth o’r 12 o Egwyddorion Addysgeg a nodir yn nogfen canllawiau Cwricwlwm i Gymru.
Y ddealltwriaeth i gydweithredu’n effeithiol â chyd-weithwyr yn eu hysgol eu hunain ac mewn ysgolion eraill er mwyn codi safonau.
Y gallu i greu ethos rhagweithiol yn yr ysgol, lle mae dealltwriaeth ddyfnach o werthoedd ac egwyddorion sylfaenol addysgeg yn llywio arfer ystafell ddosbarth ac yn dylanwadu ar ein holl ddulliau o addysgu ar gyfer ein dysgwyr.
I gael mynediad i’r PfE
Gellir gweld y wefan PfE drwy ‘Dolen’ wrth chwilio PfE.
I gymryd rhan yn y cwrs, cysylltwch â ni drwy: