الفل والياسمين والورد .. عملوا سوا صحبة موضة

ويا الزهور دول ربطوا عهد .. عند ف حبيبي في الأوضة

صحيح تشابهم وجناته .. لكن وفين لونه الزاهي

وسحر جفنه ولحظاته .. وورد خده ده الباهي

ده حسنكم يفضل ساعة .. وحسن محبوبي دايم

ما فيش بقى إلا الطاعة .. للي أنا ف حبه هايم

الزهر بعضه له ألوان .. والبعض له ريحة جميلة

وحبي فيه حسن البستان .. ما فيش بقى ف حبه حيلة

يا سلام عليه لما يخطر .. يميل ويتعاجب بقوام

ما فيش كده أبدا مظهر .. من دي المحاسن آه يا سلام