এইবাৰ যুৱকণ্ঠৰ বিশেষ অতিথি "নেত্ৰজিত বৰা"। তেওঁৰ কণ্ঠই অসমৰ বিভিন্ন প্ৰান্তত নতুন দিগন্তৰ সূচনা কৰিছে।তেওঁ অসমৰ এজন বিশিষ্ট সাংবাদিক , তাৰ্কিক আৰু বক্তা । লগতে নৱপ্ৰজন্মৰ এজন সাহসী প্ৰতিনিধি ।নৱপ্ৰজন্মক প্ৰেৰণা দিয়াৰ লক্ষ্যৰে আমি তেখেতৰ মতামত বিভিন্ন ক্ষেত্ৰৰ জানিবলৈ চেষ্টা কৰিলো। আশা ৰাখিছোঁ তেওঁ আহি থকা দিনসমূহত আমাৰ অসমী আইৰ নাম জিলিকাই লৈ যাওক সংবাদ জগতখনত।
Embedded Files
প্ৰশ্ন ১:এজন নৱপ্ৰজন্মৰ প্ৰতিনিধি আৰু সাংবাদিক হিচাপে আপোনাৰ দৃষ্টিত জীৱন শব্দটোৰ সংজ্ঞা কেনেকৈ ব্যাখ্যা কৰিব?
উত্তৰ : মোৰ দৃষ্টিত জীৱন শব্দটোৰ কোনো স্থায়ী সংজ্ঞা নাই বুলি ভাবো। প্ৰত্যেকজন ব্যক্তিয়ে কেনেকৈ প্ৰতিটো দিন উদযাপন কৰিব বিচাৰব তাকেই জীৱন বুলি কোৱা হয়। প্ৰতিটো সময়ত আমি আমাৰ জীৱন যুঁজৰ লগত জড়িত হৈ থাকো । অৰ্থাৎ সময়ৰ লগে লগে জীৱন শব্দটোৰ অৰ্থ সলনি হয়।
প্ৰশ্ন ২:দৰিদ্ৰতা কাৰোবাৰ জীৱনৰ সফলতাৰ পথত হেঙাৰ হ'ব পাৰে নেকি?
উত্তৰ: দৰিদ্ৰতা কোনো কাৰণতে হেঙাৰ হ'ব নোৱাৰে। প্ৰথম কথা হ'ল, মানুহজনৰ সাহস থাকিব লাগিব। মানুহজনৰ জীৱনৰ কিছু লক্ষ্য থাকিব লাগিব। মানুহ হিচাপে প্ৰতিষ্ঠিত হ'বলৈ হ'লে , কিছুমান সপোন থাকিব লাগিব। লক্ষ্যত যদি উপনীত হ'বলৈ হয় তেতিয়া দৰিদ্ৰতা কেতিয়াও হেঙাৰ হ'ব নোৱাৰে।তেওঁৰ কৰ্ম স্পৃহা আৰু কৰ্ম দক্ষতাই মানুহজনক লক্ষ্যস্থানলৈ আগবাঢ়ি যোৱাত সহায় কৰিব।
প্ৰশ্ন ৩:আপোনাৰ দৃষ্টিত সাম্প্ৰতিক সময়ত বৃহত্তৰ অসমীয়া জাতিৰ ভৱিষ্যত কি হ'ব বুলি ভাবে ?
উত্তৰ: এজন নতুন প্ৰজন্মৰ প্ৰতিনিধি হিচাপে ময়ো কিছু উদ্বিগ্ন নোহোৱা নহয়। ইয়াৰ কাৰণ এটাই যে বৰ্তমান জাতি আৰু ভেটিৰ সংকটজনক অৱস্থা। আমি নতুন প্ৰজন্মখিনিয়ে আমাৰ ভাষা আৰু সংস্কৃতিৰ প্ৰতি যেনেকৈ দায়বদ্ধ হ'ব লাগে তেনেকৈ হ'ব পৰা নাই। কৰ্ম সংস্কৃতিৰ আন্দোলন আমি গঢ় দিব পৰা নাই। আমি আমাৰ সুৰক্ষাৰ কথা চিন্তা কৰা নাই।আমি আমাৰ ভাষা যিটো আমি সামাজিক মাধ্যমত ব্যৱহাৰ কৰোঁ বা সংস্কৃতি যিটো আমি fusion ৰ মাধ্যমত প্ৰকাশ কৰোঁ সেইখিনি কিন্তু মোৰ ভাষাত খিচিৰি হিচাপে ব্যবহাৰ কৰি আছোঁ। এই ক্ষেত্ৰত আমি নিজকে ৰক্ষা কৰিবলৈ দায়বদ্ধ হোৱা উচিত।
প্ৰশ্ন ৪:অসমীয়া সাহিত্য আৰু সংস্কৃতি ৰক্ষা কৰাৰ ক্ষেত্ৰত অসম চৰকাৰে কেনেধৰণৰ পদক্ষেপ লোৱা উচিত ?
উত্তৰ: অসমীয়া সাহিত্যৰ কথা যদি কঁও তেতিয়া আমি শিক্ষা ব্যৱস্থাত দৃষ্টি দিব লাগিব।কিছুমান আসোঁৱাহ দেখিবলৈ পোৱা যায় শিক্ষা ব্যৱস্থাত।আমি বৰেণ্য সাহিত্যিক সকলৰ সৃষ্টিৰাজি পঢ়িবলৈ পাঁও, অৰ্থাৎ তেখেতসকলৰ অৱদান আৰু সৃষ্টিৰাজিৰ বিষয়ে জানিবলৈ পাঁও কিন্তু আমি তেওঁলোকৰ জীৱন শৈলী পাঠ্যপুথিত পঢ়িবলৈ নাপাওঁ। তেওঁলোকৰ অৱদান সমূহক আমি জীয়াই ৰাখিব পাৰিব লাগিব। আৰু জীয়াই ৰাখিব লাগিলে আমাৰ শিক্ষা ব্যৱস্থাত তেওঁলোকৰ জীৱন শৈলী প্ৰণয়ন হ'ব লাগিব। ভাষা সংস্কৃতিৰ ক্ষেত্ৰত এখন কঠোৰ আইন প্ৰণয়ন হ'ব লাগে যিখন আইনৰ জৰিয়তে আমি আমাৰ জাতিক উদ্ধাৰ কৰিব পাৰিম। এই ক্ষেত্ৰত চৰকাৰৰ যথেষ্ট কৰণীয় আছে।অসমৰ শিক্ষা ব্যৱস্থাত অসমীয়া ভাষাটো বাধ্যতামূলক কৰি তুলিব লাগিব আৰু এই আইনখন কঠোৰ ভাবে আনিব লাগে।
প্ৰশ্ন ৫:আজিৰ নৱপ্ৰজন্ম সামাজিক মাধ্যমতে সীমাবদ্ধ নেকি? এই ক্ষেত্ৰত আপোনাৰ মতামত জানিব বিচাৰিছোঁ।
উত্তৰ: গৰিষ্ঠ সংখ্যক নৱ প্ৰজন্মই আজি সামাজিক মাধ্যমত সীমাবদ্ধ। এই ক্ষেত্ৰত মই এটা কথাই ক'ব বিচাৰো যে অভিভাৱকসকলৰ বহুতো দায়িত্ব আছে। কিন্তু তেওঁলোক সামাজিক মাধ্যমত ইমানেই এক্টিভ যে তেওঁলোক পাঠ্যপুথিত এক্টিভ হ'ব পৰা নাই। আজিৰ দিনত এটাই মাত্ৰ প্ৰচাৰ চলি আছে যে পাঠ্য পুথি কেন্দ্ৰিক শিক্ষা। অভিভাৱকৰ এটাই উদ্দেশ্যে যে নিজৰ সন্তানে কেনেকৈ ভাল ফলাফল লাভ কৰিব। কিন্তু সেয়া যে শিক্ষা নহয় সেই কথা অভিভাৱক সকলে বুজি পোৱা উচিত।
প্ৰশ্ন ৬: সংবাদ মাধ্যমৰ এজন কৰ্মী হিচাপে আপুনি পৰিচিত। আহি থকা সময়ত নতুন প্ৰজন্মৰ সাংবাদিক সমূহলৈ আপোনাৰ বাৰ্তা কি হ'ব?
উত্তৰ : সাংবাদিকক লৈ বিভিন্ন সময়ত ভিন্ন অভিযোগ আছে। কিছু ক্ষেত্ৰত সমালোচনা কৰাও দেখা যায়।তথাপিও যি সকল নৱপ্ৰজন্ম উৎসাহী সাংবাদিকতাৰ পথাৰখনলৈ আহিবলৈ, তেখেতসকলে যেন এটা সপোন বুকুত লৈ আগুৱাই আহক। এজন প্ৰকৃত সাংবাদিক হৈ সমাজৰ সেৱা কৰক। সাংবাদিকতাৰ জগতখনৰ অভাৱসমূহ পূৰণ কৰিবলৈ নতুনত্বৰ ধাৰাৰ সৃষ্টি কৰক।
Page updated
Google Sites
Report abuse