Expo medrando no lugar errado...
Nesta exposición presentamos algún exemplos de plantas arvenses ou adventicias frecuentes na nosa contorna, das que desexariamos coñecer o nome en galego. Soen coñecerse comunmente como malas herbas, aínda que como di a canción de Enrique Bunbury “Mala hierba, sólo hierba en mal lugar”.
Como guías desta exposición a imaxinación de Francisco Legaspi concebiu dúas personaxes: Herbasia (sanadora) e Herbasio (albeite) que representan o coñecemento tradicional ancestral sobre as plantas. Grazas a María Lombao (4º ESO) e Quique Villamarín, estas personaxes cobran vida e aparecen representadas xunto coas láminas espertando a nosa curiosidade sobre as propiedades e utilidades das plantas .
Desde a perspectiva científica cando falamos de plantas arvenses referímonos a especies xeralmente de porte herbáceo, que se desenvolven de forma espontánea nos terreos cultivados e en entornos perturbados pola actividade antrópica. Esta definición abrangue especies autóctonas, é dicir propias da flora de territorio, así como invasoras de procedencia exótica. Dende unha perspectiva agronómica e económica son especies non desexadas, pois interfiren cos cultivos ó competir pola luz, nutrintes, auga e espazo físico, disminuindo a productividade. Algunhas son capaces de emitir sustancias alelopáticas que perxudican o correcto desenvolvemento dos cultivos.
O ÉXITO BIOLÓXICO DAS ESPECIES ARVENSES
As especies arvenses compiten ventaxosamente respecto ós nosos cultivos grazas a diferentes mecanismos biolóxicos:
-A elevada producción de sementes, así como a súa prolongada viabilidade, fácil dispersión e longo periodo de latencia.
-Gran adaptabillidade a diferentes condicións ecolóxicas
-Crecemento rápido
-Son pioneiras, colonizando espazos de forma moi rápida.
-Moitas destas especies tamén se reproducen exitosamente de forma vexetativa mediante estolóns, rizomas, tubérculos…
Desde o punto de vista de conservación da biodiversidade e do manexo ecolóxico, as especies arvenses son interesantes como reservorio xenético e pola súa contribución ó equilibrio dos agroecosistemas ó actuar como refuxio e alimento da fauna útil. Tamén nos informan das características dos nosos solos, e con frecuencia teñen algún uso mediciñal e/ou culinario.
LISTADO DE LÁMINAS EXPOSTAS
A Universidade de Navarra ten un herbario dixital de flora arvense que podes consultar no seguinte enderezo:
http://www.unavarra.es/herbario/htm/inicio.htm
Neste enderezo podedes acceder o total de láminas escaneadas das Tablas CIBA-GEIGY de malas hierbas, de Ernst Häfliger & Josef Brun-Hool (1968-1976). Ed. Ciba-Geigy, Basle, Suiza. Guía Gey PDF
A continuación amósase enlaces a Wikimedia commons para consultar exemplos de imaxes para as especies desta exposición.