Frá leik- til grunnskóla

Fundur er haldinn vegna einstakra barna með forsjáraðilum þess, starfsfólki stoðþjónustu grunnskóla og þess leikskóla sem barnið er í, forstöðumanni frístundar og öðru starfsfólki skóla- og frístundaþjónustu sem að málinu hafa komið.

Í 15. gr. laga um grunnskóla nr. 91/2008 um skólaskyldu segir: „Skólaskylda barns hefst að jafnaði við upphaf skólaárs á því almanaksári sem barnið verður sex ára. Foreldrar/forsjáraðilar barns geta sótt um eða samþykkt að það hefji skólagöngu fyrr eða síðar. Skólastjóri getur veitt slíka heimild að fenginni umsögn sérfræðiþjónustu“. Í aðalnámskrá grunnskóla frá 2011, kafla 16 segir: „Meginreglan er sú að börn byrja í grunnskóla á því almanaksári sem þau ná sex ára aldri. Samkvæmt bæði leik- og grunnskólalögum má þó flýta eða seinka skólabyrjun. Skólastjóri grunnskóla getur að uppfylltum ákveðnum skilyrðum heimilað að barn hefji skólagöngu fimm ára eða sjö ára.

Sjá viðmiðunarreglur hér.

Frá grunn- til framhaldsskóla

• Tryggja þarf jafnræði allra nemenda varðandi þessi skólaskil.

• Tryggja þarf að allir nemendur fái náms- og starfsráðgjöf í grunnskóla og að nemendur á unglingastigi fái kynningu á starfi framhaldsskólanna í borginni.

• Nemendur sem taka framhaldsskólaáfanga fái stuðning og aðhald við það nám frá náms- og starfsráðgjafa grunnskólans.

• Tryggja þarf samfellu milli skólastiga með markvissu samráði.